မဲခေါင်၊ ဒီဇင်ဘာ ၂၆
ပူတင်ရဲ့မဟာမိတ် ဘီလာရုစ်သမ္မတ လူကက်ရှန်ကိုက သူတို့နိုင်ငံဆီ ရုရှားတင်ပို့တဲ့ နျူကလီးယား လက်နက် တွေအကုန် ရောက်ရှိပြီးစီးခဲ့ပြီဖြစ်ကြောင်း စိန့်ပီတာစဘတ်မြို့မှာကျင်းပတဲ့ ရုရှားဦးဆောင် စီးပွားရေးလုပ်ငန်းစု အစည်းအဝေးပွဲမှာ ထုတ်ဖော်ပြောဆိုသွားပါတယ်။
ပူတင်ဟာ ပြီးခဲ့တဲ့မတ်လကတည်းက သူတို့ရဲ့ နျူကလီးယားလက်နက်တွေကို ယူကရိန်းနဲ့ နေတိုးအဖွဲ့ဝင် ပိုလန် တို့နဲ့ နယ်နိမိတ်ချင်းဆက်စပ်နေတဲ့ မဟာမိတ်ဘီလာရုစ်နိုင်ငံထဲ ပေးပို့တပ်ဆင်ထားမယ်လို့ ကြေညာခဲ့ပြီး တင်ပို့မှုနောက်ဆုံးအသုတ်ဟာ အောက်တိုဘာလမှာကတည်းက ပြီးစီးခဲ့တာဖြစ်တယ်လို့ လူကက်ရှန်ကိုက ပြောသွားတာဖြစ်ပါတယ်။
အာဏာရှင်လူကက်ရှန်ကိုရဲ့ ဘီလာရုစ်နိုင်ငံ အဓိကအတိုက်အခံခေါင်းဆောင် ဆဗီယက်လာနာကတော့ သူတို့ နိုင်ငံထဲမှာ ရုရှားရဲ့ နျူကလီးယားလက်နက်တွေ တပ်ဆင်ထားခြင်းဟာ ဒေသတွင်းလုံခြုံရေးကို ကြီးမားစွာ ခြိမ်း ခြောက်နေတယ်လို့ ကန့်ကွက်သွားပါတယ်။
ယူကရိန်းကို အနောက်မဟာမိတ်တွေရဲ့ ထောက်ပံ့မှုတွေဟာ ပိုလန်နိုင်ငံက ဖြတ်ကျော်ဝင်ရောက်တာဖြစ်လို့ ပူတင်ဟာ ဘီလာရုစ်နယ်စပ်တွေမှာ နျူကလီးယားလက်နက်တွေတပ်ဆင်ထားပြီး ပိုလန်ကို တားဆီးဖို့စီစဉ်တာ ဖြစ်ပါတယ်။ ဒါပေမဲ့ သုံးသပ်သူတွေကတော့ ဘီလာရုစ်ကိုပို့တဲ့ နျူကလီးယားလက်နက်တွေဟာ အပျက်အဆီး ကြီးမားလွန်းတဲ့ မဟာဗျူဟာ တာဝေးပစ်နျူကလီးယားထပ်ဖူးတပ်ဒုံးကျည်တွေမဟုတ်ဘဲ တာတိုပစ် အလတ် စားစစ်ပွဲသုံး နျူကလီးယားလက်နက်တွေသာဖြစ်မယ်လို့ ထင်မြင်ယူဆနေကြပါတယ်။
အမေရိကန်ကတော့ ရုရှားမှာ မဟာဗျူဟာ နျူကလီးယားလက်နက် အလုံး ၂၀၀၀ ရှိတယ်လို့ ခန့်မှန်းထားပြီး သူတို့ဘက်ကလည်း ဥရောပတစ်လွှား မဟာမိတ်နိုင်ငံတွေမှာ မဟာဗျူဟာ နျူကလီးယားလက်နက် အလုံး ၂၀၀ ကို တပ်ဆင်ထားပြီးဖြစ်တယ်လို့ သိရှိရပါတယ်။
Ref: themessenger
#MeKongNews
#ဘီလာရုစ်
#နျူကလီးယား