မဲခေါင်၊ သြဂုတ် ၂၄
ကုလသမဂ္ဂလုံခြုံရေးကောင်စီ ၁၅ နိုင်ငံက သြဂုတ် ၂၃ ရက်မှာ မြန်မာ့အရေး တံခါးပိတ်ဆွေးနွေးပွဲ ပြုလုပ်အပြီး ပြည်သူအပေါ် အကြမ်းဖက်သတ်ဖြတ်နေတဲ့ စစ်ကောင်စီအပေါ် ရှုတ်ချကြောင်း ထုတ်ပြန်ချက် ထပ်မံ ထုတ်ပြန်သွားခဲ့ပါတယ်။
ကုလသမဂ္ဂ လူသားချင်းစာနာထောက်ထားမှုဆိုင်ရာ အကြီးအကဲ Martin Griffiths နဲ့လက်ထောက်အထွေထွေအတွင်းရေးမှူးချုပ် Khaled Khiari တို့ မြန်မာနိုင်ငံကို မကြာသေးခင်က လာရောက်လည်ပတ်ခဲ့ပြီး သိရှိခဲ့ရတဲ့ ကပ်ဘေးဆိုက်မှုအခြေအနေတင်ပြချက်တွေကို လုံခြုံရေးကောင်စီမှာ ပြန်တည်တင်ပြဆွေးနွေးတာဖြစ်ပါတယ်။
ဒီအစည်းအဝေးမှာ ၂၀၁၈ ခုနှစ်က ဂျီနီဗာအခြေစိုက် ကုလသမဂ္ဂလူ့အခွင့်အရေးကောင်စီက ဖွဲ့စည်းပေးခဲ့တဲ့ The Independent Investigative Mechanism for Myanmar ရဲ့ မကြာသေးခင်က ထုတ်ပြန်တဲ့ မြန်မာစစ်တပ် ပြည်သူတွေအပေါ် အရက်စက်ဆုံး သတ်ဖြတ် ခြိမ်းခြောက်မှုတွေကြောင်း၊ စစ်ရာဇဝတ်မှုတွေကို ပိုတိုးမြှင့်သထက် တိုးမြှင့်လုပ်ဆောင်နေတဲ့အကြောင်းတွေကို ပါ ထည့်သွင်းတင်ပြဆွေးနွေးခဲ့ကြပါတယ်။
နောက်ဆုံးမှာ အဖွဲ့ဝင် ၁၅ နိုင်ငံအနက် တရုတ်နဲ့ရုရှားမပါဘဲ ကျန် ၁၃ နိုင်ငံက မြန်မာစစ်တပ်ရဲ့ လုပ်ရပ်တွေကို ရှုတ်ချကြောင်း ပူးတွဲထုတ်ပြန်ခဲ့တာဖြစ်ပါတယ်။
၂၀၂၂ ဒီဇင်ဘာလတုန်းက ကုလလုံခြုံရေးကောင်စီ မြန်မာ့အရေးဖြေရှင်းမှု resolution ကြေညာ ချက်ပါအတိုင်း မြန်မာစစ်ကောင်စီအနေနဲ့ အကြမ်းဖက်မှု ချက်ချင်းရပ်၊ ဒေါ်အောင်ဆန်းစုကြည်နဲ့ ဦးဝင်းမြင့်အပါ ဖမ်းဆီးခံနိုင်ငံရေးအကျဉ်းသားအားလုံးလွှတ်၊ ဒီမိုကရေစီ ပြန်ပေး၊ အဆီယံ ၁၀ နိုင်ငံစလုံး မြန်မာစစ်ကောင်စီ သဘောတူညီခဲ့ပြီး မလိုက်နာတဲ့ ဘုံသဘောတူညီချက် ၅ ရပ် ကို လိုက်နာဖို့ ဖိအားပေးဆောင်ရွက်ဖို့ဆိုတာတွေ ပြန်လည်ဖတ်ကြာပြီး ရှုတ်ချသွားခဲ့တာဖြစ်ပါတယ်။
ကုလသမဂ္ဂသံအမတ်ကြီးလင်ဒါသောမတ်စ်ဂရင်းဖီးလ်ကတော့ လုံခြုံရေးကောင်စီရဲ့ ဒီဇင်ဘာ resolution ဟာ ဘာမှ လက်တွေ့အကောင်အထည်မဖော်သေးတဲ့အနေအထားဖြစ်လို့ လုံခြုံရေးကောင်စီဟာ ထိရောက်တဲ့ အရေး ယူမှုတွေကို စစ်ကောင်စီကို လက်တွေချမှတ်လုပ်ဆောင်ဖို့ လိုနေတာဖြစ်ကြောင်း ထပ်လောင်း တိုက်တွန်းပြော ကြားသွားခဲ့ပါတယ်။
MKF-001
#MekongNews
#ကုလ
#စစ်ကောင်စီ
#လုံခြုံရေးကောင်စီ
#သတ်ဖြတ်
#ရှုတ်ချ