မဲခေါင်၊ ဇန်နဝါရီ ၁၈

ဇန်နဝါရီ ၁၆ ရက်နေ့မှာပဲ အီရန်ဟာ ပါကစ္စတန်နိုင်ငံထဲကို ဒရုန်းနဲ့ ဗုံးတွေသယ်ဆောင်ကျဲချလို့ ကလေး ၂ ဦး သေဆုံးပြီး ဒဏ်ရာရသူတွေလည်း ရှိခဲ့တာကြောင့် အစ္စရေး-ဟားမက်စ် စစ်ပွဲကစတဲ့ အရှေ့အလယ်ပိုင်း စစ်မီးဟာ ပိုမို ကျယ်ပြန့်လာခဲ့ပြီဖြစ်ပါတယ်။

အရှေ့အလယ်ပိုင်းစစ်မီးဟာ အီရတ်၊ ဆီးရီးယား၊ လက်ဘနွန်၊ ယီမင်နိုင်ငံတွေအထိ တောက်လောင်နေပြီး အီရန် နိုင်ငံပိုင်မီဒီယာက ပါကစ္စတန်ထဲ ဗုံးသယ်ဆောင်ဒရုန်း ၄ စီးနဲ့ အတူဒုံးကျည်တွေကို ပစ်ခတ်တိုက်ခိုက်မှုဟာ အကြမ်းဖက်သုတ်သင်ရေး အီရန်တော်လှန်ရေးတပ်မတော်ရဲ့ တိုက်ခိုက်မှုလို့ ရေးသားဖော်ပြပြီးမှ နောက်ပိုင်း သတင်းကို ပြန်ဖျက်သွားပါတယ်။

အီရန်ရဲ့ ပစ်မှတ်က သူတို့နိုင်ငံထဲမှာလည်း ရှိနေတဲ့ Jaish al-Adl လက်နက်ကိုင်တပ်ဖွဲ့တွေကို ပစ်မှတ်ထားတိုက် ခိုက်တာဖြစ်ပြီး တိုက်ခိုက်မှုကြောင့် ကလေး နှစ်ယောက်သေဆုံး၊ အမျိုးသမီး ၂ ယောက်နဲ့ မိန်းကလေးငယ် တစ်ယောက်ဒဏ်ရာရခဲ့တယ်လို့ ပါကစ္စတန်နိုင်ငံခြားရေးဝန်ကြီးဌာနက ထုတ်ပြန်ပါတယ်။

ဒီထုတ်ပြန်ချက်မှာ အီရန်ဟာ ပါကစ္စတန်လေပိုင်နက်ကို ချိုးဖောက် ကျူးကျော်ရန်စပြီး တိုက်ခိုက်လာတာ ဖြစ်ကြောင်း၊ လုံး၀ လက်ခံခွင့်လွှတ်ပေးလို့မရတဲ့ စော်ကားမှုဖြစ်လို့ ပြင်းထန်တဲ့ အကျိုးဆက်ကို ရင်ဆိုင်ရမယ်လို့ ဖော်ပြပါရှိပါတယ်။

အီရန်နဲ့ ပါကစ္စတန်ဟာ တစ်နိုင်ငံနဲ့တစ်နိုင်ငံ နှစ်ပေါင်းများစွာကတည်းက သံသယမျက်လုံးနဲ့ ကြည့်နေကြပြီး ဆက်ဆံရေးတင်းမာတဲ့ နိုင်ငံတွေဖြစ်ပါတယ်။

ပါကစ္စတန်ဘက်က အကြမ်းဖက် လက်နက်ကိုင် အုပ်စုတွေဟာ နိုင်ငံတိုင်းမှာရှိနေလို့ ချေမှုန်းချင်ရင် အိမ်နီးချင်းနိုင်ငံအချင်းချင်း ပူးပေါင်းဆောင်ရွက်ရမှာဖြစ်ပြီး အခုလို နယ်စပ်ဖြတ်ကျော်လို့ မိုင် ၃၀ အကွာအထိဝင်ပြီး ပန်ဂါခရိုင် ဘယ်လူချီစတန်အရပ်အထိ လာတိုက်ခိုက် တာ နိုင်ငံအချုပ်အခြာအာဏာပိုင်မှုကို ကျူးကျော်စော်ကားခြင်းဖြစ်ကြောင်း၊ ပလီတစ်ခုလည်း ပျက်ဆီးသွား ကြောင်း ထုတ်ပြန်လို့ တာဝန်ခံရမှာဖြစ်ကြောင်း သတိပေးထုတ်ပြန်သွားပါတယ်။

Ref:Thesun
MKF-001

#MeKongNews

#ပါကစ္စတန်

#အရှေ့အလယ်ပိုင်း

#တင်းမာ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)