မဲခေါင်၊ အောက်တုဘာ ၂
အောက်တိုဘာ ၂၇ ရက်မှာ ကုလအထွေထွေညီလာခံကျင်းပပြီး ချက်ချင်း အစ္စရေး-ဟားမက်စ်စစ်ပွဲ အပြစ်ရပ်ဖို့ ဆုံးဖြတ်ပေးခဲ့ပေမယ့် အစ္စရေးဘက်က ပြတ်ပြတ်သားသားငြင်းဆိုတာကြောင့် ပါလက်စတိုင်း ၂ သန်းအသက် စိုးရိမ်ရပြီလို့ ကုလသမဂ္ဂအတွင်းရေးမှူးချုပ် ဂူတာရက်စ်က တွစ်တာ (X) မှာ စိတ်မချမ်းသာစွာ ရေးတင်ခဲ့ပါတယ်။
အစ္စရေးတင့်ကားတွေနဲ့ မြေပြင်တပ်တွေ ဂါဇာဘက် မြေပြင်စစ်ကြောင်းထိုးဝင်ရောက်မှု ၂ ညမြောက်မှာ လေကြောင်းကနေ မြေပြင် ပြစ်မှတ် ၁၅၀ ကို ပစ်ခတ်တိုက်ခိုက်လို့ မီးဟုန်းဟုန်းတောက်လောက်နေခဲ့ပြီးနောက် ကုလသမဂ္ဂအထွေထွေညီလာခံကျင်းပပြီး ချက်ချင်း အစ္စရေးနဲ့ ဟားမက်စ်အကြား အပစ်အခတ်ရပ်ဖို့ တောင်းပန် ထုတ်ပြန်သွားခဲ့ပါတယ်။ ဒီဆုံးဖြတ်ချက်ကို ကုလအဖွဲ့ဝင်နိုင်ငံပေါင်း ၁၂၀ မှာ ၁၄ နိုင်ငံက ကန့်ကွက်၊ ၄၅ နိုင်ငံက မဲမပေးဘဲ ကြားနေလုပ်တာကြောင့် အပစ်ရပ်ဖို့ အတည်ပြုနိုင်ခဲ့ပေမယ့် အစ္စရေးဘက်က လက်မခံနိုင်ကြောင်း ပြတ်ပြတ်သားသား ငြင်းဆန်ခဲ့ပါတယ်။
အောက်တိုဘာ ၂၇ ရက်ညက အစ္စရေးလေကြောင်းဟာ ဂါဇာက ဟားမက်စ်တွေရဲ့ မြေအောက်ဥမင်တွေ၊ လက်နက်သိုလှောင်ရာနေရာတွေ၊ မဟာဗျူဟာကျ မြေအောက် သတ်ကွင်းတွေကို ပစ်မှတ် ၁၅၀ ထိမှန် ပျက်ဆီးစေခဲ့ရာမှာ ဟားမက်စ်လေတပ်ခေါင်းဆောင် အဘူရက်ခ်ဘာ ကျဆုံးခဲ့တယ်လို့ အစ္စရေး ကာကွယ်ရေး ဝန်ကြီးဌာနက ထုတ်ပြန်ခဲ့ပါတယ်။
အစ္စရေးတင့်ကားတပ်နဲ့ခြေလျှင်တပ်တွေဟာ ဂါဇာထဲကို ဝင်ရောက်သွားပြီဖြစ်လို့ မြေပြင်တိုက်ပွဲတွေလည်း နေရာစုံမှာ ဖြစ်ပွားနေတဲ့အတွက် ကုလသမဂ္ဂအတွင်းရေးမှူးချုပ် အန်တိုနီယိုဂူတာရက်စ်က ဂါဇာမှာ တိုက်ပွဲဝင် မဟုတ်တဲ့ အရပ်သားအားလုံးအတွက် အစားအသောက်၊ ရေ၊ ဆေးဝါး၊ လောင်စာဆီ အားလုံး အမြန်ဆုံး အကူအညီ ပေးဝင်ရောက်နိုင်မှ ဖြစ်တော့မှာဖြစ်ကြောင်း၊ လူဦးရေ ၂ သန်းရဲ့ အသက်အန္တရာယ်အတွက် စိုးရိမ်ရ ဆုံးအခြေအနေရောက်နေပြီး ဂါဇာပြိုလဲ ပျက်စီးရမယ့် အရေးနီးစပ်နေကြောင်း တွစ်တာ (X) မှာ အောက်တိုဘာ ၂၈ ရက်က စိတ်မသက်မသာ ရေးတင်သွားခဲ့ပါတယ်။
နောက်ဆုံးရသတင်းအရ အစ္စရေးနဲ့ဟားမက်စ် ဖိုက်တာဂျက်လေယာဉ်တွေ ဂါဇာမြောက်ဘက် ၂ နေရာမှာ လေကြောင်းတိုက်ပွဲဆင်နွှဲပြီး ထိခိုက်ပျက်ကျမှုတွေ ရှိနေတယ်လို့ သိရှိရပါတယ်။
Ref: khaama
MKF-001
#MeKongNews
#ဂါဇာ
#အစ္စရေး
#ပါလက်စတိုင်း
#ကုလ