မဲခေါင်၊ ဒီဇင်ဘာ ၁၁

ကုလသမဂ္ဂအတွင်းရေးမှူးချုပ် ဂူတာရက်စ်က ကုလလုံခြုံရေးကောင်စီမှာ တင်ခဲလှတဲ့ ပုဒ်မ ၉၉ ၊ ဂါဇာမှာ ချက်ချင်းအပစ်အခတ်ရပ်စဲရေး သဘောတူညီချက်အဆိုကို ဒီဇင်ဘာ ၆ ရက်က တင်ပြခဲ့ရာမှာ အမေရိကန်တစ် နိုင်ငံတည်းက ဗီတိုအာဏာသုံးပြီး ဒီဇင်ဘာ ၈ ရက်နေ့မှာ ပယ်ချလိုက်ပါတယ်။

အောက်တိုဘာ ၇ ရက်နေ့က ပါလက်စတိုင်းမှာ အုပ်စိုးထားတဲ့ ဟားမက်စ်လက်နက်ကိုင်အဖွဲ့ဟာ အစ္စရေး နယ်စပ်ကျု ကျော်ဝင်ပြီး လူပေါင်း ၁၂၀၀ ကို သတ်ဖြတ်၊ ၂၄၀ ကျော်ကို ပြန်ပေးဆွဲခဲ့ရာက အစ္စရေးဟာ ဂါဇာ အခြေစိုက် ဟားမက်စ်တွေကို ဂါဇာတောင်ပိုင်း ခန်းယူနစ်မြို့အထိ မြေပြင်စစ်ကြောင်းထိုး တိုက်ခိုက်နေခဲ့ရာမှာ ပါလက်စတိုင်းကျန်းမာရေးဝန်ကြီးထုတ်ပြန်မှုအရ ပြည်သူ ၁၇၄၈၀ သေဆုံးခဲ့တယ်လို့ သိရှိရပါတယ်။

ဒါကြောင့် ဂူတာရက်စ်တင်ပြတဲ့ ပုဒ်မ ၉၉ အဆိုကို မဲခွဲဆုံးဖြတ်ရာမှာ အဖွဲ့ဝင်နိုင်ငံ ၁၅ နိုင်ငံအနက် ၁၃ နိုင်ငံက ထောက်ခံ ပြီး အမေရိကန်ကတော့ အလောသုံးဆယ်၊ ဟန်ချက်မညီ၊ လက်တွေ့နဲ့ကင်းကွာ၊ ရှေ့ဆက်ကောင်းမွန်ရေး အတွက် ခိုင်မာတဲ့ တင်ပြမှုမဟုတ်ကြောင်း၊ စစ်မက် ထပ်ပြီး ဖြစ်ပွားဖို့ မျိုးစေ့ထပ်ချတာမျိုးပဲ ဖြစ်နိုင်တယ်ဆိုပြီး ဗီတိုအာဏာသုံးပယ်ချလိုက်ပါတယ်။

အမေရိကန်နဲ့အစ္စရေးရဲ့ မဟာမိတ်ဖြစ်တဲ့ ဗြိတိန်ကလည်း ဟားမက်စ်တွေ ကို အပြစ်တင်ရှုတ်ချမှု လုံးဝမပါတဲ့ အဆိုတင်သွင်းမှုဖြစ်လို့ မဲမပေးနိုင်ဘဲ ကြားနေ အဖြစ်သာ နေကြောင်း ထုတ် ပြန်ခဲ့ပါတယ်။

အစ္စရေးနိုင်ငံ တဲလ်အဗစ်မြို့က အစ္စရေးအစိုးရ အရာရှိ ၄ ဦးကတော့ အမေရိကန်ဟာ သူတို့တပ်တွေကို ဂါဇာမှာ ဟားမက်စ်ကို ချေမှုန်းရေးအတွက် နောက် ၃ ပတ်သာ အချိန်ပေးတယ်လို့ ပြောဆိုလာကြောင်း၊ ပါလက်စတိုင်း ပြည်သူများသေဆုံးမှုမြင့်တက်ခြင်းကို လက်မခံဘဲ အစ္စရေးတပ်က ဒီပြည်သူတွေအသက်ကို တာဝန်ယူ ကာကွယ် ရင်း အကြမ်းဖက် ဟားမက်စ်တွေကို ချေမှုန်းဖို့ ၃ ပတ်ပဲ အချိန်ပေးတော့တယ်လို့ နာမည်မဖော်ပြဘဲ ထုတ်ဖော် ပြောဆိုသွားပါတယ်။

အစ္စရေးတပ်တွေရဲ့ ပစ်မှတ်က ဟားမက်စ်အကြီးတန်းနဲ့အလယ်အလတ်တန်း ခေါင်း ဆောင် တစ်ဝက်အထိ ချေးမှုန်းသုတ်သင်ဖို့ဖြစ်ပြီး ဂါဇာ မြေအောက်ဥမင် အခန်းထဲ အုပ်စုဖွဲ့ စားသောက် ဓာတ်ပုံရိုက်ထားတဲ့ ခေါင်းဆောင်တွေထဲက ၆ ဦးကို သုတ်သင်ခဲ့ပြီးဖြစ်ပေမယ့် အဓိကခေါင်းဆောင် ဂါဇာ ဘင်လာဒင်ခေါ် ယာဟွာဆင်ဝါ အိမ်ကို ဝင်စီးနင်းခဲ့ပေမယ့် မတွေ့ခဲ့ဘဲ လွှတ်နေသေးပါတယ်။

ယာဟွာဆင်ဝါ က အပျက်အစီးတွေကြားထဲက ဧည့်ခန်းမှာ ပြုံးနေတဲ့ ပုံကိုတောင် လူမှုကွန်ရက်ပေါ်တင်ပြီး အစ္စရေးကို ခနဲ့ခဲ့တဲ့ အတွက် အစ္စရေးစစ်တပ်ပြောရေးဆိုခွင့်ရှိသူက ဆင်ဝါကို မသတ်ရမချင်း စစ်ပွဲမပြီးဘူးလို့ တုံ့ပြန်ခဲ့ပါတယ်။

ဒါပေမဲ့ အမေရိကန်က ၃ ပတ်သာအချိန်ပေးတဲ့အတွက် အစ္စရေးတပ်တွေဟာ ပင်လယ်ထဲက ရေတွေကို ရေစုပ်စက်ကြီး ၅ လုံး ကမ်းခြေမှ ချပြီး မိုင် ၃၀၀ ရှည်လျှားတဲ့ ဂါဇာမြို့အောက်က မြေအောက်ဥမင်တွေထဲ ရေသွင်းလို့ အဆုံးသတ်တိုက်ခိုက်ဖို့ ပြင်ဆင်နေပြီဖြစ်ပါတယ်။

Ref: globalnews
MKF-001

#MeKongNews

#ဂါဇာ

#အစ္စရေး

#အမေရိကန်

#ဗီတို

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)