မဲခေါင်၊ ဖေဖော်ဝါရီ ၅

ပြီးခဲ့သည့် ၂၀၂၅ခုနှစ်အတွင်း စစ်ကောင်စီနှင့်စစ်အပေါင်းအပါ ပြည်သူ့စစ်တို့၏ အကြမ်းဖက်တိုက်ခိုက်မှုကြောင့် ကရင်နီပြည်တွင် ပြည်သူ ၁၄၃ ဦးသေဆုံးခဲ့ရသည်ဟု ကရင်နီလူ့အခွင့်အရေးအဖွဲ့ – KnHRG က ယမန်နေ့တွင် သတင်းထုတ်ပြန်သည်။

KnHRG က ကောက်ယူထားသည့် အချက်အလက်အရ သေဆုံးခဲ့ရသည့် ပြည်သူများတွင် ကလေး ၁၄ ဦး၊ အမျိုးသား ၈၃ ဦး၊ အ မျိုးသမီး ၃၇ ဦးနှင့် လိင်မခွဲခြားနိုင်သူ ၉ ဦး ပါဝင်သည်။

ယင်းသေဆုံးခဲ့ရသည့်ပြည်သူများသည် စစ်ကောင်စီ၏ မတရားဖမ်း ဆီးခြင်း၊ လေကြောင်းတိုက်ခိုက်ခြင်း၊ လက်နက်ကြီး ပစ်ခတ်ခြင်း၊ ဒရုန်းဖြင့် ဗုံးကြဲသတ်ဖြတ်ခြင်း၊ မိုင်းနင်းမိခြင်း၊ ပစ်ခတ်သတ်​ဖြတ်
ခြင်းတို့ကြောင့် သေဆုံးရခြင်းဖြစ် သည်။

၎င်းတို့အနက် စစ်ကောင်စီက လေယာဉ်ဖြင့် ဗုံးကြဲခြင်းကြောင့် သေဆုံးခဲ့ရသည့် ပြည်သူမှာ အများဆုံးဖြစ်ပြီး ကလေး ၇ ဦး၊ အမျိုးသား ၄၈ ဦး၊ အမျိုး သမီး ၂၅ ဦး၊ လိင်မခွဲခြားနိုင်သူ ၇ ဦးပါဝင်သည်။

ထို့ပြင် စစ်ကောင်စီ၏ လူ့အ ခွင့်အရေးချိုးဖောက်မှုများကြောင့် တနှစ်အတွင်း ကရင်နီပြည်တွင် ပြည်သူ ၄၇၄ ဦး ထိခိုက်ဒဏ်ရာရရှိခဲ့သည်ဟု ကရင်နီလူ့အခွင့် အ ရေးအဖွဲ့၏ မှတ်တမ်းတွင်ဖော်ပြ သည်။

ထိုထိခိုက် ဒဏ်ရာရရှိမှုများသည် စစ်ကောင်စီက လေယာဉ်ဖြင့်ဗုံး ကြဲခြင်း၊ လက်နက်ကြီးဖြင့်ပစ် ခတ်တိုက်ခိုက်ခြင်း မတရားဖမ်း ဆီးခြင်းတို့ကြောင့် ထိခိုက်မှုအ များဆုံးဖြစ်သည်ဟု ထုတ်ပြန်ချက်တွင်ဖော်ပြသည်။

၂၀၂၅ခုနှစ်အတွင်း KnHRG က ကောက်ယူခဲ့သည့် မှတ်တမ်းများအရ ပြည်သူနေအိမ်များ၊ ဘာသာရေးအဆောက်အဦးများ၊ စာသင် ကျောင်းနှင့်ဆေးရုံ စသည်များလည်း အများအပြား ထိခိုက်ပျက် စီးခဲ့ရပြီး တနှစ်အတွင်း ပြည်သူ လူထုနေအိမ် ထိခိုက်ပျက်စီးမှုမှာ အများဆုံးဖြစ်ကာ နေအိမ် ၄၈၀ လုံး ထိခိုက်ပျက်စီးခဲ့သည်။

ထိုသို့သော စစ်ကောင်စီ၏ အ ကြမ်းဖက် လုပ်ရပ်များကို ရပ်တန့်နိုင်ရန် နိုင်ငံတကာ အသိုင်းအဝိုင်းများအနေဖြင့် အရေးပေါ်အခြေ အနေ သတ်မှတ်ကာ ပြတ်ပြတ်သားသား အရေးယူဆောင်ရွက်ရန်လိုကြောင်း KnHRG က ထုတ် ပြန်ကြေညာချက်တွင် တောင်းဆိုသည်။

ထို့ပြင် စစ်ကောင်စီ၏ အကြမ်း ဖက်မှုများနှင့် လေကြောင်းတိုက် ခိုက်မှုများကြောင့် ကရင်နီပြည်တွင် စစ်ဘေးရှောင်ပြည်သူ ၂ သိန်းကျော်ရှိပြီး စစ်ဘေးရှောင်ပြည်သူများကို အကူအညီပေးနိုင်ရန် နယ်စပ်ဖြတ်ကျော် လမ်း ကြောင်းများအပါအဝင် အရေးပေါ်လူသားချင်း စာနာထောက် ထားမှုဆိုင်ရာ အကူအညီဆောင် ရွက်နိုင်ရေးညှိနှိုင်း ရန်လည်း KnHRG က နိုင်ငံတကာကိုတောင်းဆိုထား သည်။

စစ်ကောင်စီက ပြည်သူများအပေါ် လေကြောင်းဖြင့်ဗုံးကြဲတိုက်ခိုက်နေသဖြင့် ယင်းအကြမ်းဖက်လုပ် ရပ် အဆုံးသတ်ရန် စစ်ကောင်စီထံသို့ လေယာဉ်ဆီ ရောင်းချပေးမှုကို ပိတ်ပင်တားမြစ်ရန်နှင့် လေ ယာဉ်မပျံသန်းရဇုန်အဖြစ် သတ် မှတ်ပေးရန်လည်း KnHRG က ထုတ်ပြန်ချက်တွင် ပြောသည်။

#MeKongnews
#စစ်ကောင်စီ
#အကြမ်းဖက်
#ကရင်နီပြည်
#ပြည်သူ
#သေဆုံး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)