မဲခေါင်၊ ဇူလိုင် ၁၇
လိပ်မျိုးစိတ်များအနက် အကြီးဆုံးပင်လယ်လိပ်တမျိုးဖြစ်သည့် လိပ်စောင်းလျာတကောင်ကို မြေပုံမြို့နယ် ရှင်တောင်ကျေးရွာတွင် ဇူလိုင် ၁၆ ရက်နေ့က တွေ့ရှိခဲ့ကြောင်း မင်းပြားအခြေစိုက် ဒေသတွင်းသတင်းသမားတဦးက ပေးပို့လာသည်။
ရေလုပ်သားတစ်ဦး၏ ပိုက်တွင် ရှားပါးပင်လယ်လိပ်တစ်ကောင်ကို ဖမ်းဆီးရပြီး နောက်ပိုင်းတွင် ပြန်လွတ်ပေးလိုက်ကြောင်း ၎င်းဆက်လက်ရှင်းပြသည်။
“ငါးဖမ်းပိုက်ချတဲ့အခါ လိပ်တွေငြိပါလာတတ်ပေမယ် အခုလိုမျိုးလိပ်တော့ မတွေ့ဘူးကြဘူးတဲ့ အဲ့ဒါနဲ့ ရှားပါးတဲ့လိပ်ဆိုပြီး ပြန်လွတ်ပေးလိုက်တာ” ဟု ၎င်းကရှင်းပြသည်။
လိပ်စောင်းလျားခေါ် Leatherback Sea Turtle (Dermochelys coriacea) သည် အခွံပျော့ ပင်လယ်လိပ်တမျိုးဖြစ်ပြီး လိပ်မျိုးစိတ်ထဲတွင် ကမ္ဘာအကြီးဆုံးမျိုးစိတ်ဖြစ်ကြောင်း သိရသည်။
အရွယ်ရောက် လိပ်စောင်းလျားတကောင်သည် ၆ ပေကျော် ၇ ပေခန့်အထိရှိပြီး အလေးချိန်ဖြင့် ပေါင် ၂၀၀ မှ ၂၀၀၀ အထိရှိနိုင်ကြောင်း သိရသည်။ လိပ်စောင်းလျား၏ ထူးခြားမှုတခုမှာ အမများအရွယ်ရောက်ဥချချိန်တွင် မွေးဖွားခဲ့သည့် ကမ်းခြေသောင်၌သာ ဥဥချလေ့ရှိသည့် လိပ်မျိုးလည်း ဖြစ်သည်။
ရခိုင်ပြည်နယ်တွင်ဖြစ်ပွားနေ့သည့် လေကြောင်းတိုက်ခိုက်မှုအပါ ရေကြောင်းတိုက်ခိုက်မှုများကြောင့် ရေလုပ်သားများ ပင်လယ်ပြင်အထွက်နည်း၍ ပိုက်ချမှုနည်းလာသဖြင့် ငါးပုဇွန်များနှင့် ရေသတ္တဝါများ ပေါများလာကြောင်း သံတွဲဂျိတ်တောမှ ရေလုပ်သားတဦးက ပြောသည်။
“တချို့ရေလုပ်သားတွေက စစ်ဘေးရှောင်နေကြရတယ်။ တချို့က ကျတော့လည်း စစ်ကောင်စီ နေဗီတွေက ဖမ်းဆီးခံရမှာ ကြောက်လို့ ကမ်းဝေးကို သိပ်မသွားတော့ပါဘူး” ဟု ၎င်းက ဆိုသည်။
#MeKongNews
#လိပ်စောင်းလျား
#မြေပုံမြို့နယ်
#ပင်လယ်လိပ်
#ရခိုင်ပြည်နယ်
