မဲခေါင်၊ နိုဝင်ဘာ ၂၄
မနေ့က( နိုဝင်ဘာ ၂၃) နေ့လည် ၁၂ နာရီခန့်မှာ ဘယ်အဖွဲ့အစည်းကပစ်ခတ်မှန်း အတည်ပြုလို့မရတဲ့ လက်နှက်ကြီးကျည် ရှမ်းမြောက်၊ နမ့်လန်မြို့ကိုကျရောက်ပေါက်ကွဲခဲ့လို့ ဒေသခံသက်ကြီးအမျိုးသမီးတစ်ဦး ထိခိုက်ဒဏ်ရာရခဲ့ပါတယ်။
“မယ်ထောက်က အိမ်မှာထိတာ၊ မြေးအဖွား နှစ်ယောက်ထဲနေတာ၊ မြေးဖြစ်သူက အိမ်မှာမရှိတော့ မထိဘူး၊ ဘယ်ကပစ်တယ် မပြောနိုင်ဘူး” လို့ နမ့်လန်ဒေသခံတစ်ဦးက ပြောပါတယ်။
မနက် ၁၁ နာရီလောက်ကတည်းက လက်နက်ကြီးပစ်နေတာဖြစ်ပြီး အနည်းဆုံး ခုနှစ်လုံးခန့်ရှိပြီး မြိုထဲကို တစ်လုံးကျကာ ကျန်တာတွေ မြို့ပြင်ဘက် ကျရောက်ပေါက်ကွဲခဲ့ပါတယ်။ နေ့လယ် ၁၂ နာရီမှ ၂ နာရီခန့်အထိ ပစ်ခတ်ခဲ့တယ်လို့ ဒေသခံကပြောပါတယ်။
ပြီးခဲ့တဲ့လပိုင်းကလည်း အခုကျတဲ့ ကောင်းလမ်းရပ်ကွက်က လမ်းပေါ်ကျလို့ ကလေးတစ်ဦး ထိခိုက်ဒဏ်ရာရခဲ့ပါသေးတယ်။
ပြီးခဲ့တဲ့ စက်တင်ဘာလ ၂၁ ရက်မှာ နမ့်လန်မြို့အဝင် မက်မွန်းရွာအကျော်မှာ MNDAA နဲ့ စစ်ကောင်စီတိုက်ပွဲဖြစ်ပြီး MNDAA က လျော့တိုက်ဒုံးတွေ ပစ်တာရှိခဲ့တယ်လို့ ဒေသခံတစ်ဦးထံက သိရပါတယ်။
“ကိုးကန့်က ရှော့တိုက်ဒုံး သုံးလုံးပစ်တာ နှစ်လုံးကွဲတယ်၊ တစ်လုံး မကွဲဘူး၊ စစ်တပ်တွေ နောက်ဆုတ်သွားတာ မှတ်ထားတယ်” လို့ ပြောပါတယ်။
သီပေါဘက် ခိုလုံ၊ ပန်ညု ဘက်မှာ MNDAA ရှိနေပြီး နမ့်လန်မှာ စစ်ကောင်စီရဲ့ ခလရ( ၂၄၃) ခမရ (၅၀၅)ခမရ( ၅၀၆ )နဲ့ မိုင် ၅၀ ခန့်ဝေးတဲ့ ကျောက်ဂူလမ်းမှာ SSPP တို့ ရှိနေတယ်လို့ သိရပါတယ်။
MK – 012
#MeKongNews
#နမ့်လန်
#လက်နက်ကြီးကျ
#ကိုးကန့်
#စစ်ကောင်စီ
