မဲခေါင်၊ သြဂုတ် ၇
ရှမ်းပြည်တောင်ပိုင်း၊ ဆီဆိုင်မြို့နယ်၊ အရှေ့ဘက် လွယ်ထွယ်နဲ့လွယ်သောင်ကျေးရွာတိုက်ပွဲတွေအတွင်း စစ်ကောင်စီတပ်နဲ့ PNO ၂၀ ခန့်သေဆုံးပြီး ၂ ဦး အရှင်ဖမ်းမိကာလက်နက်ငယ် ၁၁ လက် သိမ်းဆည်းရမိတယ်လို့ ကနဦးသိရကြောင်း ပအိုဝ်းအမျိုးသားကာကွယ်ရေးတပ်-ခမ်းကောင် PNDF-KK ထံက သိရပါတယ်။
မနေ့ သြဂုတ်လ ၆ ရက် မနက်ပိုင်းမှာ ဆီဆိုင်မြို့နယ် ၊ လွယ်ထွယ်နဲ့ လွယ်သောင်ကျေးရွာတိုက်ပွဲတွေမှာ စစ်ကောင်စီတပ် အကျအဆုံးများတာဖြစ်ပြီး လောလောဆယ် နယ်မြေမရှင်းရသေးဘဲ အကြမ်းဖျဉ်းစာရင်သာရှိသေးလို့ ဒိထက်ပိုနိုင်တယ်လို့ PNDF-KK တာဝန်ရှိသူက မဲခေါင်ကိုပြောပါတယ်။
“၆ ရက်နေ့ မနက်ပိုင်းက စဖြစ်တာ။ ၄၂၃ က စစ်ကူလာတာပေါ့လေ။ သူတို့အသေအပျောက်တော့ တော်တော်များတယ်။ လောလောဆယ်ရှင်းလင်းရေးတွေမလုပ်ရသေးတော့ စာရင်းမရနိုင်သေးဘူး။ လက်နက်ကတော့ ၁၁ လက်ရပြီ။ အခု လွယ်သောင်ထဲမှာ ရွာသားတွေကို ဖမ်းထားပြီး လက်နက်ကြီးနဲ့ရမ်းပစ်နေတယ်။ ဟောင်ဝစ်ဇာနဲ့ပါ ပစ်နေတာ” လို့ PNDF-KK က စစ်ရေးတာဝန်ခံ ခွန်မြတ်က မဲခေါင်ကို ပြောပါတယ်။
အရှင်ဖမ်းမိတဲ့ ၂ ယောက်ကို PNLA ကို အပ်ထားပြီး သူတို့ ၂ယောက်ဟာ ဒဏ်ရာအလွန်ပြင်းထန်ပြီး သေဆုံးဖို့ ရာခိုင်နှုန်းများတယ်လို့ ခွန်မြတ်က ပြောပါတယ်။ တိုက်ပွဲတွေ ဆက်ဖြစ်နေဆဲဖြစ်ပြီး လွယ်သောင်ရွာမှာ စစ်ကောင်စီနဲ့ PNO တွေ ရမ်းသန်းပစ်ခတ်နေဆဲဖြစ်နေတယ်လို့ သိရပါတယ်။
တပ်ပေါင်းစုအတွင်း PNDF-KK တပ်ဖွဲ့ဝင်တွေ အနေနဲ့ ကျည်ကာဦးထုပ်၊ ကျည်ကာ ရင်ကာတွေ လိုအပ်ချုက်ရှိနေတဲ့အတွက် လှန်ပြည်သူတွေက ထောက်ပံ့ပေးဖို့ မေတ္တာရပ်ခံတယ်လို့ ခွန်မြတ်က အထူး တောင်းဆိုပါတယ်။
သူတို့အဖွဲ့အနေနဲ့ လောင်စာပရောဂျက်ကို လုပ်နေဆဲဖြစ်ကာ ကျည်ကာ ဦးထုပ်ကမ်ပိန်းအတွက် ထိုင်းဘတ်ငွေ ၄၀၀၀ တန် အနည်းဆုံး ဦးထုပ် ၁ဝဝ လိုအပ်နေတယ်လို့ ပြောပါတယ်။
ပအိုဝ်းအမျိုးသားကာကွယ်ရေးတောင်ပေါ်တပ်ဖွဲ့ – PNDF-KK အနေနဲ့ စစ်အာဏာရှင် အမြစ်ပြတ်သုတ်သင်ဖို့အတွက် ပအိုဝ်းဒေသနဲ့ ရှမ်း၊ကယားနယ်စပ်တွေမှာ၊ PNLA နဲ့အခြား ရှမ်းတောင်တပ်တွေနဲ့ပူးပေါင်းတိုက်ခိုက်နေတာအပြင် စစ်ဆင်ရေးတွေမှာ ရွတ်ရွတ်ချွံချွံ တိုက်ခိုက်နေတာလို့ သိရပါတယ်။
သေဆုံးနေသည့် စစ်ကောင်စီတပ်ဖွဲ့ဝင်ပုံများကို မဲခေါင်သတင်း Telegram Channel တွင် သွားရောက်ကြည့်ရှု့ပေးပါရန်
Telegram Link – t.me/mekongnewsmm
MK – 012
