မဲခေါင်၊ ဇူလိုင် ၂၇
ရှမ်းပြည်မြောက်ပိုင်း၊ ကျောက်မဲမြို့က လွယ်ခွန်တောင်ဘုန်းကြီးကျောင်းနဲ့ အနီးတဝိုက်ကို စစ်ကောင်စီက မနေ့က ဗုံးကြဲသွားပြီး ထိခိုက်သေဆုံးမှုအခြေအနေကို မသိရသေးဘူးလို့ ဒေသခံတွေက ပြောပါတယ်။
ကျောက်မဲမြို့မှာ မပေါက်ကွဲသေးတဲ့ လက်နက်ကြီးကျည်တွေလည်း ရှိနေသလို အသတ်ခံရသူတွေလည်း ရှိကြလို့ သတိထားနေဖို့ တိုက်တွန်းကြပါတယ်။
“မြို့တွင်းထဲတော့ လက်နက်ကြီးမကျပါဘူး၊ ငြိမ်ပါတယ်၊ လက်နက်အသေးသံတွေကတော့ အဝေးမှာကြားရတယ်၊ ၃ ရက်လောက် လုံးဝငြိမ်နေတာကနေ မနေ့ ဇူလိုင် ၂၆ ရက်မှာ လက်နက်သေးသံတွေပြန်ကြားရပြီးလေယာဉ်နဲ့ဗုံးလာကြဲသွားတာ၊ ကျောက်တောင်ဘုန်းကြီးကျောင်း
ဘယ်ကျောင်းမှန်းမသိပါဘူး၊ လတ်တလောတော့ ပြန်လာပြီး သွေးတိုးစမ်းတဲ့လူတွေ သေတာများတယ်၊ ပြန်လာဖို့ကတော့ ကိုယ့်သဘောပါဘဲ”လို့ ဒေသခံ ၁ ဦးက ပြောပါတယ်။
နောင်ပိန်လေး၊ နတ်ကွန်းအကွေ့အကျော်မှာ မပေါက်ကွဲသေးတဲ့ RPG ထိပ်ဖူး ၁ ခုရှိနေပြီး ကားတွေ ဆိုင်ကယ်တွေ ဝင်တိုက်မိနိုင်တဲ့အခြေအနေဖြစ်လို့ အထူးသတိထားဖို့ ပြောပါတယ်။
ကျောက်တောင်အကင်ဆိုင် အနောက်တည့်တည့်က နေအိမ် ၁ အိမ်ရဲ့ ဝင်းထဲမှာတော့ Y12 ကချထားတဲ့ ဗုံး ၁လုံး မပေါက်ကွဲသေးဘဲ မြေကြီးထဲစိုက်ဝင်နေပြီး အထက-၁ ရှေ့က ရွှေ့သရဖူဂိတ်အနီးမှာ ပင်ဖြုတ်ထားတဲ့ လက်ပစ်ဗုံး ၁ လုံး၊ ဇောတိကုန်း ကျောက်မဲ ဆီစက်ရုံမှာ မပေါက်ကွဲ
သေးတဲ့ လက်ပစ်ဗုံး ၁လုံးနဲ့ အမျိုးအမည်မသိရတဲ့ ဗုံးသီးထိပ်ဖူး ၁ ခုရှိနေတာကို ပြည်သူတွေ သတိထားမိအောင်စာကပ်ပြီး သတိပေးတာတွေလုပ်ထားတယ်လို့ ပြည်သူ့အကျိုးဆောင် ဒေသခံ ၁ ဦးက ပြောပါတယ်။
ကျောက်မဲ ရပ်ကွက်-၈ ထုံးဖို၊ နယ်မြေ ၄ အင်ကြင်းတောင်ဘက်က ပျောက်ဆုံးနေတဲ့ မောင်ကျော်လင်းအောင် ၂၄ နှစ်၊ မောင်အောင်ငွေဦး ၂၉ နှစ် နဲ့ ဦးအောင်ဝင်း ၅၇ နှစ်တို့ ၃ ဦးဟာ ဇူလိုင်၂၀ ရက်နေ့က အိမ်မှာဖမ်းခေါ်သွားခံရပြီး ၃ ယောက်လုံးသေဆုံးတယ်လို့ပြောပါတယ်။
“အိမ်ထဲမှာ အိပ်နေတုံး၊ မနက် ၇ နာရီမှာ ဝင်ဖမ်းပြီး သတ်ပစ်တာ၊ အိမ်စောင့်ကျန်ခဲ့တဲ့ မောင်လေးပါ” လို့ မောင်ကျော်လင်းအောင်ရဲ့ အမတော်စပ်သူက လူမှုကွန်ရက်မှာ ပြောကြားထားပါတယ်။
အင်ကြင်းတောင်ဘုန်းကြီးကျောင်းဝင်းအတွင်း ကျောင်းဆောင်သစ်ဆောက်မယ့်နေရာမှာ မျက်လုံးစည်းထားပြီး လက်ပြန်ကြိုးတုပ် အသတ်ခံထားရတာလို့ ဆိုပါတယ်။
ကျောက်မဲမြို့ပေါ်က စစ်ဘေးမရှောင်ဘဲ လူထုကို ကူညီနေတဲ့ နမ့်ခုံးရှမ်းများပရဟိတအသင်းအဖွဲ့ဝင် ၁ ဦး ရဲ့ပြောကြားချက်အရ ဇွန်လ ၂၆ ရက်ကနေ ယနေ့မနေ့ ဇူလိုင် ၂၆ ရက်အထိ သေဆုံးသူ အလောင်း ၁၀၀ ကျော်ကို အေးချမ်းသာ သချိုင်းကို တတ်စွမ်းသမျှပေးခဲ့ပြီး ဖြစ်တယ်လို့ သိရပါတယ်။
TNLA ကတော့ ကျောက်မဲမှာ တိုက်ပွဲ ၁လအတွင်း စစ်ကောင်စီကြောင့် မ ၁၄ဦး၊ ကျား ၂၄ ဦး သေဆုံးပြီး ကျား ၁၅ ဦး၊ မ၂၁ ဦးနဲ့ ကလေး ၄ ဦး ထိခိုက်ဒဏ်ရာရရှိကာ နေအိမ် ၃၇ လုံး၊ ဘုန်းကြီးကျောင်း ၂ ကျောင်းနဲ့ စာသင်ကျောင်း ၂ ကျောင်း ပျက်စီးသွားခဲ့တယ်လို့ထုတ်
ပြန်ထားပြီး မနေ့ဇူလိုင် ၂၆ ရက် နေ့လယ်မှာ စစ်ကောင်စီတပ် ခမရ-၅၀၁၊ ၅၀၂ နဲ့ တာဝါတိုင်အနီးတဝိုက်မှာ တိုက်ပွဲတွေ ဖြစ်ပွားခဲ့တယ်လို့ ထုတ်ပြန်ထားပါတယ်။
MK-012
