မဲခေါင်၊ စက်တင်ဘာ ၁၅

ရှမ်းပြည်တောင်ပိုင်း၊ တောင်ကြီးမြို့နယ်၊ ရွှေညောင်မြို့ရှိ အမှတ် (၄) ရဲသင်တန်းကျောင်း (တောင်လေးလုံး) မှ သုံးပွင့် တပ်ခွဲမှူး သန့်ဇင်ထွန်းသည် သင်တန်းတပ်ခွဲမှူးအဖြစ် လုပ်ကိုင်ပြီး လုပ်ပိုင်ခွင့်အာဏာကို အခွင့်ကောင်းယူကာ သင်တန်းသား၏ ဇနီးအပေါ် ကာမရယူ ကျူးလွန်ခဲ့ကြောင်း ယင်းသင်တန်းကျောင်းနှင့် နီးစပ်သူများထံမှ သိရသည်။

သင်တန်းသား၏ အမျိုးသမီးသည် သင်တန်းတက်နေသည့် ၎င်း၏ ခင်ပွန်းထံ အလည်အပတ် လာရောက်စဉ် သန့်ဇင်ထွန်းမှ ၎င်းသည် တပ်ခွဲမှူးဖြစ်၍ သင်တန်း တက်ရောက်နေသူအား နေရာကောင်းရအောင် ဆောင်ရွက်ပေးနိုင်ကြောင်းနှင့် မကောင်းသည့်နေရာသို့လည်း ပို့ပစ်နိုင်ကြောင်း ခြိမ်းခြောက်ပြောဆိုကာ ထိုအမျိုးသမီး၏ ကာမကို မတရား ရယူခဲ့သည်ဟု ၎င်းက ပြောသည်။

အဆိုပါ အမျိုးသမီးကိုလည်း သင်တန်းမဆင်းမချင်း သင်တန်းကျောင်းအနီးရှိ ရွာထဲတွင် အိမ်ငှားထားပေးကာ ၎င်းဆန္ဒရှိသလို ပြုမူခဲ့သည်ဟု ဆိုသည်။

ယင်းအကြောင်းကို သင်တန်းသားမှ သိရှိ၍ ပြဿနာရှာသဖြင့် ခြိမ်းခြောက်ကာ လျော်ကြေးပေးခဲ့ကြောင်း သိရှိရသည်ဟု ပြောသည်။

ထိုသို့ အကျင့်ပျက်နေသည့် သန့်ဇင်ထွန်းသည် လောင်းကစားကိုလည်း ခုံမင်သူဖြစ်ပြီး နေ့စဉ် ဖဲဝိုင်း၊ ဂျင်ဝိုင်းများသို့ သွားရောက်လေ့ရှိပြီး ၎င်းလောင်းကစားလုပ်ဖို့ လိုအပ်သည့် ငွေကြေးကို သင်တန်းသားများ ရရှိသည့် လစာငွေများမှ မတရား ခေါင်းစဉ်အမျိုးမျိုးတပ်ကာ ရယူနေသည်ဟု ပြောသည်။

လက်ရှိမှာလည်း ကိုယ်တိုင်က ရဲအရာရှိတစ်ဦး ဖြစ်ပါလျက် လိုင်စင်မဲ့ without ကား စီးထားပြီး ၎င်းကားဖြင့် လောင်းကစားဝိုင်းများသို့ လှည့်လည်သွားလာလျက်ရှိသည်ဟု ဆိုသည်။

၎င်းကဲ့သို့ အကျင့်ပျက်ဝန်ထမ်းကြောင့် အခြား ရဲများအပေါ်မှာ အထင်အမြင်သေးခြင်းကို လက်မခံချင်သလို ရိုးသားပြီး ပြည်သူကို ကူညီစောင့်ရှောက်သည့် တပ်ဖွဲ့ဝင်များလည်း ရှိနေသဖြင့် တပ်ဖွဲ့၏ ဂုဏ်သတင်းအတွက် ခြေမ မကောင်း ခြေမ ရှင်းလင်းသင့်ကြောင်း အများက အကြံပြုထားသည်။

#MeKongNews
#တောင်လေးလုံးရဲသင်တန်းကျောင်း
#ကာမရယူ
#တပ်ခွဲမှူးသန့်ဇင်ထွန်း
#အဂတိ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)