မဲခေါင်၊ မေ ၁
အစိုးရ ရရှိထားသည့် ဂြိုဟ်သားနှင့် UFO ဆိုင်ရာ အထောက်အထား မှတ်တမ်းများကို မကြာမီ အများသိ အမြန်ဆုံး ချပြသွားမည်ဟု လကမ္ဘာပေ ါ်သွားခဲ့သည့် Artemis II အာကာသယာဉ်မစ်ရှင်နှင့် ပတ်သက်ပြီး ဧပြီ ၂၉ ရက်က အိမ်ဖြူတော်တွင် တွေ့ဆုံပွဲ ပြုလုပ်ရာ၌ အမေရိကန်သမ္မတ ဒေါ်နယ်ထရမ့်က ကတိပြု ပြောကြားခဲ့သည်။
အမေရိကန်စစ်ရေးဌာန (DoW) သည် နှစ်ပေါင်းများစွာအတွင်း ကောင်းကင်ပြင်၌ အမျိုးအမည် မသိလေ ကြောင်းဖြစ်စဉ်များ (UAPs) နှင့် အမျိုးအမည်မသိ ပျံသန်းနေသော အရာ၀တ္ထုများ (UFOs) မှတ်တမ်းများကို လျှို့ဝှက်စွာ သိမ်းဆည်းထားခြင်းအား ယနေ့ ထုတ်ဖော်ပြသရန် နိုင်ငံရေးအသိုင်းအဝိုင်းကပါ တောင်းဆိုနေခဲ့ရာ ဖေဖော်ဝါရီ လကတည်းက မှတ်တမ်းများကို ထုတ်ဖော်ပြသသွားမည်ဟု ဒေါ်နယ်ထရမ့်က ကတိပေးခဲ့ပြီး မြင်တွေ့သူများ၏ ပြောစကားများပင်ပါသည့် ဗီဒီယိုမှတ်တမ်းများလည်း ပါမည်ဖြစ်ကာ မယုံကြည်နိုင်လောက်သည့်အရာများ မြင်တွေ့ရလိမ့်မည်ဟု ထရမ့်က ထပ်မံပြောဆိုခဲ့ခြင်း ဖြစ်သည်။
“မကြာတော့ပါဘူး။ မှတ်တမ်းတွေကို ထုတ်ပြဖို့ စစ်ရေးဌာန အကြီးအကဲ ပိ(တ်)ဟက်ဂ်ဆက်ကို ပြောထားပြီးသားပါ။ ဒီနှစ်ထဲမှာကို ထုတ်ပြန်မှာပါ။ တချို့အရာတွေက လူတွေ မယုံနိုင်လောက်အောင်ကို အရမ်းစိတ်ဝင်စားကြမယ့် ဖြစ်စဉ်တွေပါ” ဟု ၎င်းက ပြောခဲ့သည်။
ထို့နောက် Truth Social လူမှုကွန်ရက်တွင်လည်း ဂြိုဟ်သားနှင့် လူသားမဟုတ်သော သက်ရှိများ၊ UAP များနှင့် UFO များဆိုင်ရာ မျတ်တမ်းများသည် အလွန်ရှုပ်ထွေးကာ အလွန်စိတ်ဝင်စားဖွယ် ကောင်းကြောင်း၊ ထိုအရေးကြီးသော ကိစ္စရပ်များနှင့် ဆက်စပ်နေသော အခြားအချက်အလက် အားလုံးကို ဖော်ထုတ်ပြသသွားရန် လုပ်ငန်းစဉ်များ လုပ်ဆောင်နေပြီဟု ထပ်မံရေးတင်သွားခဲ့သည်။
ဧပြီလဆန်းပိုင်းကတည်းက အမေရိကန် လွှတ်တော်အမတ်များသည် ဂြိုဟ်သားများဟု ထင်ရသည့် စစ်ဘက်ဆိုင်ရာ လျှို့ဝှက်ရုပ်သံဖိုင် ၄၆ ခုကို လူသိရှင်ကြား ထုတ်ပြန်သွားရန် တောင်းဆိုခဲ့ကြသေးပြီး ဧပြီ ၁ ရက်တွင် ထရမ့်သည် ပိ(တ်)ဟက်ဂ်ဆက်ကို ထိုမှတ်တမ်းများ ထုတ်ပြသွားရန် လက်မှတ်ရေးထိုးကာ စာပို့အမိန့်ပေးခဲ့သည်။
စစ်ရေးဌာန အတွင်းလူများက ယင်းဗီဒီယိုများတွင် ကိုလံဘတ်စ်အိုဟိုင်းအိုးလေဆိပ်နှင့် ပါရှန်ပင်လယ်တွေ့ ဒေသများ၏ ကောင်းကင်ယံ၌ အလွန် အံ့အားသင့်ဖွယ်ရာ UAPs များစွာကို မှတ်တမ်းများတွင် မြင်တွေ့ရကြောင်း၊ ထိုအနေအထားသည် အမေရိကန်နိုင်ငံ လုံခြုံရေးအတွက် စိုးရိမ်ရသည့် မြင်ကွင်းများ ဖြစ်နေကြောင်း ပြောဆိုခဲ့သည်။
အမေရိကန် သမ္မတဟောင်း အိုဘားမားသည်လည်း အင်တာဗျူးတစ်ခုတွင် ဂြိုဟ်သားများ တကယ် ရှိနေနိုင်သည်မှာ ဖြစ်နိုင်ကြောင်းနှင့် ၎င်းကိုယ်တိုင်က မမြင်တွေ့ဖူးသေးကြောင်း၊ သမ္မတကိုပင် ထိုကိစ္စများ ပေးမသိစေရန် စုပေါင်းဖုံးကွယ်မှုမျိုး မဖြစ်သင့်ဟု ပြောဆိုခဲ့ပြီးနောက် လက်ရှိသမ္မတ ထရမ့်က အမြန်ဆုံး ထိုအရေး ထုတ်ပြန်အသိပေးမည်ဟု ပြောလာခဲ့ခြင်း ဖြစ်သည်။
ကိုကလင်း
Ref: Thesun
#MeKongNews
#ဂြိုဟ်သား
#UFO
#ဒေါ်နယ်ထရမ့်
#ကတိပြု
