မဲခေါင်၊ ဖေဖော်ဝါရီ ၂၈
နှစ်စဉ်ကျင်းပမြဲ အကြီးမားဆုံး နိုင်ငံရေးအစည်းအဝေးကို လာမည့် သီတင်းပတ်တွင် မကျင်းပမီ စစ်ဘက်မှ ဗိုလ်ချုပ်ကြီး ၉ ဦး အ ပါအဝင် အရာရှိကြီး ၁၉ ဦးအား တရုတ်က လွှတ်တော်မှ ဖယ်ရှားလိုက်သည်။
၎င်းတို့အား ဖယ်ရှားလိုက်ကြောင်းကို နိုင်ငံ၏ ထိပ်တန်း ဥပ ဒေပြုရေးအဖွဲ့ အမျိုးသားပြည့်သူ့ကွန်ဂရက် – NPC အမြဲ တမ်းကော်မတီက ကြေညာခဲ့ခြင်း ဖြစ်သည်။
ဖယ်ရှားခြင်းနှင့် ပတ်သက်၍ တရားဝင် အကြောင်းပြချက် ဖော်ပြမထားသော်လည်း စစ်ဘက်တွင်ထိပ်တန်း ဗိုလ်ချုပ်ကြီးနှင့် အရင်းနှီးဆုံး စစ်ဘက်မဟာမိတ်တစ်ဦးဖြစ်သူ ကျန်ယူရှားကို ခြစားမှုဟုရည်ညွှန်းသော အသုံးအနှုန်းများဖြင့် သမ္မတ ရှီကျင့်ဖျင်က ထုတ်ပယ်လိုက်ပြီးနောက် သီတင်းပတ်အနည်းငယ်အကြာမှာပင် ဖြစ်ပေါ်လာခြင်း ဖြစ်သည်။
အာဏာရလာပြီး နောက်ပိုင်းကတည်းက အကျင့်ပျက်ခြစားမှု သည် ကွန်မြူနစ်ပါတီ၏ အကြီးမားဆုံး ရန်သူဖြစ်ကြောင်း ကြွေးကြော်ရင်း ရှီကျင့်ဖျင်က ခြစားမှု တိုက်ဖျက်ရေး လှိုင်းများကို တစ်သုတ်ပြီးတစ်သုတ် လုပ်ဆောင်ခဲ့သည်။
လွှတ်တော်မှ ဖယ်ရှားခံရသူများတွင် တရုတ်စစ်တပ်မြေပြင်တပ်ဖွဲ့ အကြီးအကဲ လီကျောင်မင်းနှင့် ရေတပ်အကြီးအကဲဟောင်း ရှန်ကျင်လောင်းတို့လည်း ပါဝင်ကြောင်း အစိုးရ သတင်းဌာနများက ပြောကြားကြသည်။
အခြား စစ်ဘက်အရာရှိကြီးများနှင့်အတူ မွန်ဂိုလီးယား အတွင်းပိုင်းပါတီ အကြီးအကဲဟောင်း ဆန်ရှောင်ချောင်းလည်း ဖယ်ရှားခံရသူများ စာရင်းတွင် ပါဝင်နေသည်။
၂၀၂၅ ခုနှစ် အောက်တိုဘာလကလည်း အကျင့်ပျက်ခြစားမှု နှိမ်နင်းရေး တစ်စိတ်တပိုင်း အဖြစ် စစ်တပ်မှ ဗိုလ်ချုပ်ကြီး ၉ ဦးကို ရာထူးမှ ဖယ်ရှားခဲ့သည်။
Two Sessions ဟု နာမည်ပေးထားသော နိုင်ငံရေးအစည်းအဝေးပွဲများအတွက် လာမည့် သီတင်းပတ်တွင် ထောင်နှင့်ချီသော ကိုယ်စားလှယ်များ ပေကျင်းမြို့သို့ စုဝေး ရောက်ရှိလာကြမည် ဖြစ်ကာ NPC အစည်းအဝေးနှင့် တရုတ် ပြည်သူ့နိုင်ငံရေး နှီးနှောဖလှယ်မှု ကွန်ဖရင့်သို့ တက်ရောက်ကြမည် ဖြစ်သည်။
မတ်လ ၄ ရက်မှ ၁၁ ရက်အထိကျင်းပမည့် အစည်းအဝေးပွဲများတွင် ၅ နှစ်စီမံကိန်းကို အစိုးရက ကြေညာသွားမည် ဖြစ်ကာ အဓိက မူဝါဒရည်မှန်းချက်များ၊ နှစ်အလိုက် စီးပွားရေးရည်မှန်းချက်များကို တင်ပြသွားကြမည်ဖြစ်ကြောင်း သိရသည်။
အေးကျော်
Ref: BBC
#MeKongNews
#နိုင်ငံရေး
#အစည်းအဝေး
#ဗိုလ်ချုပ်ကြီး
#ပါလီမန်မ
#တရုတ်
