မဲခေါင်၊ ဒီဇင်ဘာ ၂၃
နယ်စပ်စစ်ပွဲများ ပြန်လည် ဖြစ်ပွားနေချိန် ထိုင်းနှင့် ကမ္ဘောဒီးယားတို့အကြား လူမှုကွန်ရက်များတွင် အပြန်အလှန် စကားလုံးစစ်ပွဲများ ဆင်နွှဲနေရာ ယခုနောက်ဆုံး ထိုင်းနိုင်ငံ၏ မွေထိုင်းဂန္ထဝင်ကြီး ဘွတ်ခေါင်းမှာ ၎င်းတို့နိုင်ငံသား ဖြစ်သည်ဟု နှစ်ဖက်အပြန်အလှန် ငြင်းခုံနေကြခြင်းလည်း ပါဝင်လာခဲ့သည်။
ဘွတ်ခေါင်းသည် ကမ္ဘောဒီးယားနိုင်ငံသား စစ်စစ်ဖြစ်ကာ ထိုင်းနိုင်ငံသားအဖြစ် နောက်မှ ခံယူခဲ့သူဟု ကမ္ဘောဒီးယား ဖေ့စ်ဘွတ်ခ် စာမျက်နှာတစ်ခုက ဆိုကာ ၎င်း၏ ကမ္ဘောဒီးယားပတ်စ်ပို့တ်ကို ဖော်ပြလာခဲ့ခြင်း ဖြစ်သည်။
ထိုင်းတော်ဝင်စစ်တပ်တွင် အရာရှိအဖြစ်လည်း တာဝန်ထမ်းနေသည့် ဘွတ်ခေါင်းသည် မည်သည့်အခါမျှ ကမ္ဘောဒီး ယားပြိုင်ဘက်နှင့် မွေထိုင်း၊ ကစ်ဘောင်ဆင်ပွဲများ မထိုးသတ်ခဲ့ခြင်းသည် ၎င်း၏ လူမျိုးဖြစ်ခြင်းကြောင့်ဟု ကမ္ဘော့ဒီးယားဘက်မှ တင်သည့်ပို့စ်တွင် ဖော်ပြထားသည်။
ယင်းအခြေအနေတွင် ၎င်းအား ကမ္ဘောဒီးယားသားဟု ပတ်စ်ပို့တ် ထုတ်ပြလာခြင်းသည် AI ဖြင့် အတုပြုလုပ်ထားသော ပုံသာဖြစ်ကြာင်း ထိုင်းစစ်တပ်၏ ဖေ့စ်ဘွတ်ခ် စာမျက်နှာက ဒီဇင်ဘာ ၂၀ ရက်၌ ထုတ်ပြန် ရှင်းလင်းခဲ့သည်။
တစ်ရက်တည်းမှာပင် ဘွတ်ခေါင်း၏ ဖေ့စ်ဘုတ်ပေ့ချ်ဖြစ်သော Banchamek Gym က ထိုပို့စ်ကိုမျှဝေကာ “ ခင်ဗျားတို့ ယုံပါတယ်လို့ ကျွန်တော့်ကို မပြောကြပါနဲ့” ဆိုသည့် မှတ်ချက်ဖြင့် မယုံလျှင် haha နှိပ်၊ ယုံလျှင် Wow နှိပ်ဟု ပြန်ရေးတင်ခဲ့သည်။
ယင်းဖော်ပြမှုတွင် ၎င်း၏ ပို့စ်အား ကြည့်ရှုသူ ၁၆၀၀ ကျော်က haha နှင့် ၅၅၀ က Like ပေးခဲ့ပြီး မည်သူကမျှ Wow မပေးခဲ့ဟု ထိုင်းမီဒီယာ The Nation က ဖော်ပြသည်။
ကိုကလင်း
Ref: The Nation
#MeKongNews
#မွေထိုင်းဂန္ထဝင်
#ဘွတ်ခေါင်း
#ထိုင်း
#ကမ္ဘောဒီးယား
