မဲခေါင်၊ နိုဝင်ဘာ ၂၆
အသက် ၂၁ နှစ်နှင့် ၂၀ အရွယ်သာရှိသေးသော အမေရိကန်နိုင်ငံ တက္ကဆက်ပြည်နယ်သား ဂါဗင်ရေးဗားဝိုင်ဆန်ဘာ့ဂ်နှင့် တန်နာခရစ္စတိုဖာသောမတ်စ်တို့သည် အလွန်ကြောက်မက်ဖွယ် ရူးသွပ်သည့် ရည်မှန်းချက်ဖြင့် ဟေတီနိုင်ငံပိုင် ကျွန်းငယ်လေးတစ်ခုအား လက်နက်ကိုင်တပ်ဖွဲ့ဝင် ဝင်ရောက် အာဏာသိမ်းပိုက်ရန် ကြံစည်နေမှုကြောင့် FBI နှင့် အမေရိကန်လေတပ်အထူးစုံစမ်းစစ်ဆေးရေးတပ်တို့ ပူးပေါင်းကာ ဖမ်းဆီးလိုက်ကြောင်း နိုဝင်ဘာ ၂၀ ရက်နေ့က တက္ကဆက်ပြည်နယ် အရှေ့ပိုင်းခရိုင် ရှေ့နေရုံးက အတည်ပြု ထုတ်ပြန်သွားခဲ့သည်။
ယင်းလူငယ် ၂ ဦးသည် ဝါရှင်တန်ဒီစီတွင် အိမ်ယာမဲ့များကို ကြေးစားစစ်သားများအဖြစ် ဆွဲဆောင် ခေါ်ယူကာ လက်နက်တပ်ဆင်ပြီးဟေတီကျွန်းငယ်လေးအား သိမ်းပိုက်မှု၌အသုံးချရန် စည်ရုံးနေခဲ့သည် မှာ နှစ်ချီကြာနေပြီဖြစ်ကြောင်းနှင့် ထိုကျွန်းအား သိမ်းပိုက်နိုင်ပြီးပါက အမျိုးသားများအား ညှင်းပန်းနှိပ် စက်သတ်ဖြတ်ခြင်း၊ အမျိုးသမီးများနှင့် ကလေးငယ်များအား လိင်ကျွန်အဖြစ် အသုံးချရန် ရည်မှန်း ထားကြောင်း၊ ၎င်းတို့ ကြံရာပါ ၂ ဦးစလုံးသည် သက်ငယ်ညစ်ညမ်းဗီဒီယို ဓာတ်ပုံများစွာလည်း သိမ်း ဆည်းထားသဖြင့် ရုံးတင်စစ်ဆေးပြီးပါက ထောင်ဒဏ် အနည်းဆုံး ၁၅ နှစ်မှ နှစ် ၃၀ အထိ ချမှတ်ခံရ နိုင်ကြောင်း သိရသည်။
၎င်းတို့ သိမ်းပိုက်ရန် ပစ်မှတ်ထားသော ကျွန်းလေးမှာ ဒေသခံနေထိုင်သူ ၁၀၀၀၀၀ ရှိနေကာ စစ်အင်အားစုဆောင်ခြင်းနှင့် စစ်ရေးလေ့ကျင့်ပေးမှုများလုပ်ဆောင်နိုင်ရေးအတွက် ရည်ရွယ်ပြီး ဟေတီသားများပြောသော ခရီအိုလီဘာသာစကားကိုလည်း ကြိုတင်သင်ကြားခဲ့ကြသည်။
ဝိုင်ဆန်ဘာ့ဂ်သည် ၂၀၂၄ ဩဂုတ်လတွင် တက္ကဆက်မြောက်ပိုင်း မီးသတ်အကယ်ဒမီသို့ တက်ရောက် ကာ အမိန့်ပေးခြင်းနှင့် ထန်းချုပ်ခြင်း လုပ်ငန်းစဉ်များကို လေ့လာခဲ့သလို ဆိုက်ဘာရာဇဝတ်မှုများကျူးလွန်မှု သတိပေး သင်ရိုးများကိုလည်း အသုံးတည့်ရန် သင်ကြားခဲ့သည်။
သို့သော် ယခုနှစ်ဖေဖော်ဝါရီလ တွင် အဆိုပါသင်တန်းကို မအောင်နိုင်ဘဲ ဝိုင်ဆန်ဘာ့ဂ်ထွက်ခဲ့ရသည်။
ကြံရာပါသောမတ်စ်သည်လည်း စစ်ဆင်ရေးများတွင် အောင်မြင်နိုင်စေရေး အမေရိကန်လေတပ်သို့ဝင်ကာ သင်တန်းသားအဖြစ် လေ့ကျင့်သင်ကြားမှုများ လုပ်ခဲ့ပြီး နောက်ပိုင်း ဝါရှင်တန်ဒီစီနှင့် နီးသော မေရီလန်းပြည်နယ်သို့ အမှု ထမ်းရန် ပို့ဆောင်ခံခဲ့ရသည်။
ထိုအချိန်တွင် ဝိုင်ဆန်ဘာ့ဂ်သည် ဟေတီနိုင်ငံ ကျွန်းလေးကို သိမ်းပိုက်ရာ တွင် ရွက်လွှင့်ခြင်းအတတ်ပညာ တတ်မြောက်ရန် လိုအပ်သောကြောင့် ထိုင်းသို့သွားပြီး ရွက်လွှင့် ပညာသင်ခဲ့သေးကြောင်းနှင့် လက်နက်ခဲယမ်း၊ ဖောက်ခွဲရေးပညာရပ်များနှင့် ပင်လယ်ရေကြောင်းသုံး ပစ္စည်းများ ကျွမ်းကျင်မှု သင်တန်းများလည်း တက်ရောက်လေ့လာခဲ့သည်ဟု တရားရုံး စွဲချက်တွင် ထည့်သွင်းဖော်ပြထားသည်။
ကိုကလင်း
Ref: Thesun
#MeKongNews
#ဟေတီနိုင်ငံ
#တက္ကဆက်ပြည်နယ်
#အမေရိကန်
#လူငယ်
