မဲခေါင်၊ ဩဂုတ် ၂၉
အမေရိကန်သမ္မတ ဒေါ်နယ်ထရမ့် ကြားဝင်စေ့စပ်ပေးသည့် ယူကရိန်းစစ်ပွဲ ငြိမ်းချမ်းရေးရရှိရေအဆို ပြုမှုကို ရုရှားသမ္မတ ပူတင်က လိုက်နာခြင်းမရှိသလို ယူကရိန်းသမ္မတ ဇီလန်းစကီးနှင့် မျက်နှာချင်းဆိုင် တွေ့ဆုံစရာအကြောင်းမရှိသေးဟု တုံ့ပြန်ခဲ့သော်လည်း တရုတ် V Day နေ့တွင်မှု မကောင်းဆိုးဝါး ဝင်ရိုးတန်း ၃ ဖော်ဟု အနောက်အင်အားစုက သတ်မှတ်ထားသည့် တရုတ်သမ္မတ ရှီကျင်းဖျင်၊ မြောက်ကိုရီးယားခေါင်းဆောင် ကင်ဂျုံအန်တို့နှင့် အတူတွေ့ဆုံကြမည်ဖြစ်ကြောင်း သိရသည်။
ဒုတိယကမ္ဘာစစ်ပြီးဆုံးခြင်းနှင့် ဖက်ဆစ်ဂျပန်အား တွန်းလှန်စစ်အောင်မြင်ခြင်း နှစ် ၈၀ ပြည့် V Day အခမ်းအနားကို ပေကျင်းရှိ တီယန်နမ် ရင်ပြင်၌ စက်တင်ဘာ ၃ ရက်နေ့တွင် ရှီကျင်းဖျင်က အခမ်းနား ဆုံးကျင်းပရန်ပြင်ဆင်နေရာ ပူတင်နှင့် ကင်ဂျုံအန်အပါအဝင် အမေရိကန်၊ အနောက်နိုင်ငံများမှ မဟုတ် သော နိုင်ငံခေါင်းဆောင် ၂၆ ယောက် တက်ရောက်မည်ဟု တရုတ်နိုင်ငံခြားရေးဝန်ကြီးဌာန ဒုတိယဝန်ကြီး ဟောင်လိုင်က အတည်ပြု ပြောကြားသွားခဲ့သည်။
ယင်း မိနစ် ၇၀ ကြာ စစ်ရေးပြချီတက်မှု အခမ်းအနားတွင် တရုတ်သည် သောင်းချီသော စစ်သည်များ ချီတက်ခြင်းအပြင် သံချပ်ကာ တပ်၊ နောက်ဆုံးပေါ် နည်းပညာသုံး အသစ်ထုတ် ဖိုက်တာဂျက်သစ်များနှင့်လေကြောင်း စစ်ချီတက်မှုများပါ ပြုလုပ်သွားမည်ဟု သိရသည်။
ရှီကျင်းဖျင်၊ ပူတင်နှင့်ကင်ဂျုံအန်တို့သည် ယနေ့ကမ္ဘာတွင် အနောက်အင်အားစုများသာ စစ်ရေး၊ စီးပွားရေးပိုင်း၌ ဦးဆောင်အုပ်စိုးထားမှုသီးသန့် မရှိတော့ဘဲ ၎င်းတို့ ၃ ဦး မဟာဗျူဟာမြောက် မဟာမိတ်ဖွဲ့ထားခြင်းဖြင့် သိရှိစေရန် အဆိုပါ အောင်ပွဲနေ့အခမ်းအနား၌ အမေရိကန်ကိုပင် မဖိတ်ဘဲ မကောင်းဆိုးဝါး ဝင်ရိုးတန်း ၃ ဖော်အားဖြင့်သာ စစ်အင်အားသစ်များ ထုတ်ပြန်သွားရေး ရည်ရွယ်ကြောင်း စစ်ရေးလေ့လာသူများက သုံးသပ်နေကြသည်။
ကိုကလင်း
Ref: Thesun
#MeKongNews
#တရုတ်
#ရှီကျင်းဖျင်
#ပူတင်
#ကင်ဂျုံအန်
#မကောင်းဆိုးဝါးမဟာမိတ်
