မဲခေါင်၊ ဩဂုတ် ၂၂
ထိုင်းဗဟိုဘဏ် (BOT) သည် ကျားဖြန့်နှိမ်နင်းရေးစီမံချက်ကြောင့် တစ်ရက်လျှင် ဘတ် ၅၀၀၀၀ ထက် ပိုပြီးငွေလွှဲခွင့်မပြုတော့ဆိုသည့်သတင်းများပျံ့နှံ့ကာ စိုးရိမ်တကြီးဖြစ်မှုများရှိလာခြင်းကြောင့် အားလုံးကို ရည်ရွယ်ခြင်းမဟုတ်ဟု BOT က ချက်ချင်း ရှင်းလင်းချက် ထုတ်ပြန်ခဲ့သည်။
BOT သည် ကျားဖြန့်ငွေလွှဲလုပ်ဆောင်မှုများအား လျှော့ချနိုင်ရေးအတွက် ၂၀၂၅ ခုနှစ်အတွင်းမှာပင် လူတစ်ဦးလျှင် တစ်ရက်ဘတ် ၅၀၀၀၀ သာ ငွေလွှဲခွင့်ရှိမည့်အဆိုကို ထုတ်ပြန်ကြေညာခဲ့ရာ အားလုံးနှင့်သက်ဆိုင်သည့် အနေအထားမျိုးဖြစ်သွားခဲ့ပြီး စိုးရိမ်ထိတ်လန့်မှုများစွာ ဖြစ်ပေါ်စေခဲ့သည်။
ထို့ကြောင့် BOT က ဩဂုတ် ၂၀ ရက်၌ အားချင်း ရှင်းလင်းချက်ထုတ်ပြန်ခဲ့ရာတွင် အားလုံးကို မဆိုလိုဘဲ သံသယရှိသည့် အုပ်စုများကိုသာ ဦးတည်ပြီး တစ်နေ့ ဘတ် ၅၀၀၀၀ သာ ငွေလွှဲခွင့်ပြုမည်ကို ဆိုလိုခြင်းဖြစ်ကြောင်း ရှင်းလင်းထုတ်ပြန်ခဲ့သည်။
ပုံမှန်အားဖြင့် ယခင်ကတည်းက တစ်နေ့ဘတ် ၅၀၀၀၀ အထက် ငွေလွှဲနေသည့်အကောင့်များသည် ပုံမှန်အတိုင်း ငွေလွှဲခွင့်ရှိမည်ဖြစ်ကာ စိုးရိမ်စရာလိမ်လည်မှုရှိနိုင်သည့် ဘဏ်အကောင့်များ၊ ယခင် ငွေလွှဲလမ်းကြောင်းအစဉ်အလာ၌ လိမ်လည်သံသယရှိခဲ့သည့် ဘဏ်အကောင့်များ နှင့် ပုံမှန်အားဖြင့် တစ်နေ့ ဘတ် ၅၀၀၀၀ ထက်မကျော်ဘဲ တစ်သမတ်တည်း ငွေလွှဲနေသည့်ဘဏ်အကောင့်များကိုသာ အုပ်စုအလိုက်သတ်မှတ်ပြီး တစ်နေ့ ဘတ် ၅၀၀၀၀ ထက် ပိုမထုတ်ရဟု ကန့်သတ်မည်ဖြစ်ကြောင်း ရှင်းလင်းထုတ်ပြန်ခဲ့သည်။
ဒုတိယနှင့် တတိယ အုပ်စုဝင်များအနေဖြင့် ထိုကန့်သတ်ချက်ကိုကျော်လွန်ကာ အရေးပေါ် ငွေလွှဲရေး အတွက် သတ်မှတ် မိုဘိုင်းအပလီကေးရှင်းများ၊ ကောလ်စင်တာများ၊ ဘဏ်ခွဲများသို့ သွားရောက်ပြီး လျှောက်ထားနိုင်ကြောင်း၊ သက်ကြီးရွယ်အိုများ ငွေလွှဲနှုန်းသတ်မှတ်ခံထားရမှုများထဲ ပါဝင်နေခဲ့လျှင် ထိုသတ်မှတ်ခံစာရင်းအား ပယ်ဖျက်ပေးမည်မဟုတ်သော်လည်း အထူးအစီအစဉ်တစ်ရပ်အဖြစ် ကင်းလွတ်ခွင့်ပြုသွားမည်ဟုလည်း ဆိုသည်။
ကိုကလင်း
Ref: The Nation
#MeKongNews
#ထိုင်းဗဟိုဘဏ်
#ကျားဖြန့်
#ဘဏ်အကောင့်
#ငွေလွှဲ
