မဲခေါင်၊ ဇူလိုင် ၂၃
တရုတ်အစိုးရ၏ ဖိအားပေးခြင်းကြောင့် ထိုင်းအစိုးရသည် နယ်နိမိတ်ချင်းဆက်နေသော နယ်စပ် မြ၀တီကျားဖြန့်လုပ်ငန်းများအားပေးထားသည့် ဖုန်းလိုင်းများ၊ အင်တာနက်လိုင်းများနှင့် လျှပ်စစ်မီး များကို ဖြတ်တောက်ခဲ့သော်လည်း ယင်းကျားဖြန့်လုပ်ငန်းများသည် အမေရိကန်ဘီလျံနာ မီလွန်မာ့စ် ၏ စတားလင့်ခ် အင်တာနက်များဖြင့် လုပ်ငန်းများကို ကြံ့ကြံ့ခံကာ ဆက်လက်လုပ်ဆောင်နေကြောင်း သိရသည်။
ယခင်က ကျားဖြန့်လုပ်ငန်းများသည် ကေဘယ်အင်တာနက်များ၊ မိုဘိုင်းဖုန်းလိုင်းများမှသာ လိမ်လည်မှုများကိုလုပ်ဆောင်သော်လည်း ထိုင်းဘက်မှ ၂၀၂၅ နှစ်ဆန်းပိုင်းတွင် အဆိုပါ လိုင်းများ ဖြတ် တောက်လိုက်သည်။
Nikkei Asia မီဒီယာသို့ လူမှောင်ခိုကူးခြင်းတိုက်ဖျက်ရေး အမေရိကန် လူ့အခွင့် အရေးအဖွဲ့ International Justice Mission (IJM) မှပေးပို့သည့် အချက်အလက်များအရ Google satellite ပုံများမှာပင် မြ၀တီရှိ KK Park အပါအဝင် အဓိက ကျားဖြန့် အဆောက်အအုံကြီး ၈ ခု၌ အမိုး များပေါ် စတားလင့်ခ် အင်တာနက်များများစွာ တိုးပွားလာနေသည်ကို မြင်တွေ့ရသည်။
IJM မှ ကမ္ဘာလုံးဆိုင်ရာ လေ့လာစူးစမ်းရေးသမား အဲရစ်ဟိန့်ဇ်က ၂၀၂၄ ဧပြီလတွင် မြ၀တီကျားဖြန့် များ၌ စတားလင့်ခ်အင်တာနက် သိပ်မများသော်လည်း ၂၀၂၅ ဧပြီတွင် ထိုင်းမှ အင်တာနက်မပိတ်မီက ထက် ၂ ဆကျော်ပို တပ်ဆင်ထားကြကြောင်း တွေ့ရှိရသည်ဟု ပြောကြားသွားသည်။
ကိုကလင်း
Ref: The Nation Thailand
#MeKongNews
#ကျားဖြန့်
#မြဝတီ
#စတားလင့်ခ်
#အင်တာနက်
