မဲခေါင်၊ ဇူလိုင် ၂၁
ဇူလိုင် ၂၀ ရက်နေ့က ဂါဇာမြောက်ပိုင်း၌ ကုလသမဂ္ဂ စားနပ်ရိက္ခာများ ဖြန်ပေးရာ ယာဉ်တန်းဆီသို့ ရိက္ခာသွားယူကြသော ပါလက်စတိုင်းပြည်သူ လူအုပ်ထဲသို့ အစ္စရေးတင့်ကားများက ပစ်ခတ်သော ကြောင့် အနည်းဆုံး ၈၅ ယောက်သေဆုံးကာ ၁၅၀ ကျော်ဒဏ်ရာရခဲ့သည်ဟု ပါလက်စတိုင်း ကျန်းမာ ရေးဝန်ကြီးဌာနမှ ထုတ်ပြန်ခဲ့သည်။
ဇီကင်အရပ်ကို ကျော်ဖြတ်ကာ စားနပ်ရိက္ခာယာဉ်တန်းသို့ ထောင်ချီသော ပါလက်စတိုင်းသားများ ရိက္ခာသွားယူခြင်းတွင် အားချင်းအန္တရာယ်ရှိသော အနေအထားအဖြစ် ရှုမြင်ကြောင်း၊ ဂါဇာ ဗဟိုဒေသ မှ ပြည်သူများ ရှောင်တိမ်းထွက်ခွာရန် အမိန့်ပေးထားပြီးဖြစ်ခြင်းကြောင့် ပစ်ခတ်ရခြင်းဖြစ်ကြောင်း၊ ဟားမက်စ်တင်မြှောက်ထားသည့် ပါလက်စတိုင်းကျန်းမာရေးဝန်ကြီးပြောသော သေဆုံးမှုဦးရေသည် လည်း မဟုတ်မမှန် လွန်စွာများပြားသည့် အရေအတွက်ဟု အစ္စရေး စစ်တပ်မှ ငြင်းဆိုထုတ်ပြန်သွားခဲ့သည်။
ဂါဇာတွင် လက်ရှိ နေထိုင်ရှင်သန်ရမှုနှင့် စားနပ်ရိက္ခာပြတ်လပ်မှုအနေအထားသည် အလွန်ဆိုးရွားနေ သဖြင့် ကုလသမဂ္ဂ ကမ္ဘာ့စားနပ်ရိက္ခာအစီအစဉ်ဖြင့် ကုန်ကား ၂၅ စီးဖြင့် ရိက္ခာများ သွားရောက် ဝေငှ နေစဉ် ယခုလို ပစ်ခတ်ခံရမှုရှိခဲ့ကြောင်း ကုလမှ အမည်မဖော်လိုသူ ဝန်ထမ်းတစ်ဦးကလည်း အတည် ပြုပြောဆိုသည်။
ဂါဇာ ကျန်းမာရေးဝန်ကြီးဌာန မှတ်တမ်းဌာနခွဲမှ အကြီးအကဲ ဇာဟာ အယ်လ်ဝါဟိုင်း ဒီက ယခုဖြစ်စဉ်မှာ ရိက္ခာယူသည့်ဖြစ်စဉ်များအနက် သေဆုံးမှု အများဆုံးသော ဖြစ်စဉ်ဟု ဆိုကာ ရှာကုချ်အရပ် ဂါဇာ လူသားချင်းစာနာမှုဆိုင်ရာ ဖောင်ဒေးရှင်းရုံးအနီးတွင်လည်း အစ္စရေးစစ်သားများ သေနတ်ဖြင့် ပစ်ခတ်မှုကြောင့် ပါလက်စတိုင်းပြည်သူ ၆ ဦးသေဆုံးခဲ့ရသေးသည်ဟု ထုတ်ပြန်သည်။
ယခုလဆန်းပိုင်းက အစ္စရေးဘက်မှ ဂါဇာနယ်မြေ ၆၅ ရာခိုင်နှုန်းကို စီးနင်းထိန်းချုပ်ထားနိုင်ပြီဖြစ် ကြောင်း ထုတ်ပြန်ကာ ဝန်ကြီးချုပ် နက်တန်ယာဟုသည် ဟားမက်စ်တို့ ငြိမ်းချမ်းရေး ဆွေးနွေးနိုင်ရန် ထိုးစစ်အင်အားမြှင့်ကာ ဆက်လက် ဖိအားပေးတိုက်ခိုက်နေခြင်းဖြစ်သည်ဟု ဖွင့်ဟခဲ့သည်။
ကိုကလင်း
Ref: Thesun
#MeKongNews
#အစ္စရေး
#ပါလက်စတိုင်း
#ဂါဇာ
#ကုလသမဂ္ဂ
