မဲခေါင်၊ ဇူလိုင် ၁
ကမ္ဘောဒီးယားနိုင်ငံခေါင်းဆောင် ဟွမ်ဆန်နှင့် သီးသန့်ဖုန်းပြောဆိုမှု ဖွင့်ချခံရပြီးနောက် နိုင်ငံဂုဏ်သိက္ခာ ကျဆင်းစေသည့် စကားများပြောမိသည့်သဘောဖြစ်သောကြောင့် ထိုင်းဝန်ကြီးချုပ် ပေထောင်တန်ကို ရာထူးမှ ဖယ်ရှားရန် အတိုက်အခံများ အင်အားအလုံးအရင်းဖြင့် ဆန္ဒပြနေရာ လက်ရှိ ထိုင်းကာကွယ်ရေးဝန်ကြီး ဖမ်သမ်က တပ်ချုပ် ၄ ဦးစလုံးနှင့် စကားပြောဆိုခဲ့ပြီး မည်သူမျှ စစ်အာဏာသိမ်းလိုခြင်း မရှိဟု ဇွန် ၃၀ ရက်တွင် ထုတ်ပြန်ပြောဆိုခဲ့သည်။
ပြီးခဲ့သည့်ရက်ပိုင်းက ပေထောင်တန် ဝန်ကြီးချုပ်ရာထူးမှ ထွက်ရန် အတိုက်အခံများဆန္ဒပြနေရာ ဖမ်သမ်က နိုင်ငံအကျပ်အတည်းကို စစ်အာဏာသိမ်းခြင်းက ပိုဆိုးနေကြဖြစ်သောကြောင့် ဆန္ဒပြသူများ စစ်အာဏာသိမ်းရေး လှုံ့ဆော်မှုများမလုပ်ကြရန် ပန်ကြားသလို မဲခွဲခြင်းနည်းဖြင့်သာ ဆန္ဒခံယူ ဖြေရှင်းကြရန် နှိုးဆော်ခဲ့ခြင်း ဖြစ်သည်။
ဇူလိုင် ၁ ရက်နေ့တွင် ထိုင်းဖွဲ့စည်းပုံအခြေခံဥပဒေခုံရုံးသည် အတိုက်အခံ အထက်လွှတ်တော်အမတ်များ စွပ်စွဲထားသည့် ပေထောင်တန်၏ ဖွဲ့စည်းပုံအခြေခံဥပဒေ ပုဒ်မ ၁၇၀၊ အပုဒ်ခွဲ ၄၊ ပုဒ်မ ၁၆၀ အပိုဒ်ခွဲ ၄ နှင့် ၅ တို့ကို ချိုးဖောက်ထားသည်ဆိုသော တိုင်ကြားမှုအတွက် အစည်းအဝေး စတင်ခေါ်ယူမည်ဖြစ်ရာ ကာကွယ်ရေးဝန်ကြီး ဖမ်သမ်က နိုင်ငံလက်နက်ကိုင် စစ်တပ် တပ်ချုပ် ၄ ဦးစလုံးသည် စစ်အာဏာသိမ်းရန် စိတ်ထဲတွင်မရှိဘဲ နိုင်ငံအကျယ်အတည်းကို ကူညီဖြေရှင်းနိုင်ရေးသာ ဦးထိပ်ထားကြသည်ဟု ပြောဆိုခဲ့ကြောင်း ထုတ်ပြန်ပြောဆိုသွားခဲ့သည်။
ကိုကလင်း
Ref: The Nation Thailand
#MeKongNews
#ထိုင်းနိုင်ငံ
#အာဏာသိမ်း
#ဆန္ဒပြ
#ဝန်ကြီးချုပ်
