မဲခေါင်၊ မေ ၂၂
မေ ၂၁ ရက်ညတွင် အမေရိကန်နိုင်ငံ ဝါရှင်တန်မြို့ရှိ ဂျူးပြတိုက်အနီး အစ္စရေးသံရုံးဝန်ထမ်း ၂ ဦး ပစ်ခတ်သတ်ဖြတ်ခံခဲ့ရသည်။ ဒေသစံတော်ချိန် ည ၉ နာရီ ၅ မိနစ်တွင် ပစ်ခတ်မှုဖြစ်ပွားခြင်း ဖြစ်ကာ ပစ်မှတ်ထားပြီး အကြမ်းဖက်ခြင်းဖြစ်ကြောင်း အမေရိကန် အာဏာပိုင်များက ပြောဆိုသလို အခင်းဖြစ်ရာနေရာသည် FBI အပါအဝင် အစိုးရအဆောက်အအုံများစွာ ရုံးစိုက်ရာအနီး ဖြစ်ပွားခဲ့ခြင်း ဖြစ်သည်ဟု ဆိုသည်။
သေဆုံးသူမှာ အသက် ၃၀ အရွယ် ချီကာဂိုမြို့မှ အီးလီးယက်စ်ရိုဒရီဂွက်ဇ်နှင့် ချစ်သူတို့ဖြစ်ကာ ပြတိုက်ထဲမှ အထွက် လူ ၄ ဦးပါဝင်သော အဖွဲ့က ပစ်ခတ်သတ်ဖြတ်ခဲ့ခြင်းဖြစ်ကြောင်းနှင့် မျက်မြင် သက်သေများ၏အဆိုအရ ပါလက်စတိုင်းလွတ်လပ်ခွင့်ပေးဟု လက်နက်ကိုင်များက အော်ဟစ်ကြုံးဝါးခဲ့သည်ဟု သိရှိရသည်။
အမေရိကန်ပြည်ထဲရေးဝန်ကြီးဌာန အတွင်းရေးမှူး ခရစ္စတီနိုအမ်က အကြောင်းမဲ့ အကြမ်းဖက်မှုဟု ဆိုကာ တခြားသော အများပြည်သူဆိုင်ရာ အန္တရာယ်ပေးမှု မရှိခဲ့ကြောင်း ထုတ်ပြန်သွားသည်။ အမေရိကန် နိုင်ငံခြားရေးဝန်ကြီး မာကိုရူဘီယိုကလည်း လူမျိုးရေးခွဲခြားအကြမ်းဖက်သော မိုက်မဲသည့်လုပ်ရပ်ဟုဆိုခဲ့ကာ ဒေါ်နယ်ထရမ့်ကလည်း အမေရိကန်နိုင်ငံတွင် ယခုလို အမုန်းတရားနှင့် လူမျိုးခွဲခြားစော်ကား တိုက်ခိုက်မှုမျိုး လုံး၀ မရှိစေရဟု ဒေါသတကြီး ထုတ်ပြန်ပြောဆိုခဲ့သည်။
အမေရိကန်ရှိ အစ္စရေးသံအမတ်ကြီး ယီချီရယ်လိုင်တာက သေဆုံးသွားသော စုံတွဲသည် မကြာသေးမီ ကမှ စေ့စပ်လက်စွပ်ဝယ်ခဲ့ကြသူများဖြစ်ကာ မကြာခင် ဂျေရုဆလင်တွင် မင်္ဂလာပွဲ ဆင်နွှဲရန် စီစဉ်ထား ကြသူများဖြစ်သည်ဟု ဝမ်းနည်းကြောင်း စကားနှင့်အတူ ထုတ်ပြန်ပြောဆိုခဲ့သည်။
ကိုကလင်း
Ref:CNN
#MeKongNews
#အမေရိကန်
#ဂျူးပြတိုက်
#အစ္စရေး
#ချီကာဂို
