မဲခေါင်၊ ဧပြီ ၁၂
ထိုင်းနိုင်ငံတွင် ရွှေမဟာသင်္ကြန်နှစ်အဖြစ် ယခုနှစ်ဆုန်ကရန်ပွဲတော်ရက်သတ္တပတ်ကို ဧပြီ ၁၁ ရက်မှ ၁၇ ရက်အထိ သတ်မှတ်ထားရာ ပထမဆုံးရက်မှာပင် မတော်တဆမှု ၂၁၁ မှုဖြစ်ပွားရာမှ ၂၇ ဦးသေဆုံး ပြီး၂၀၁ ယောက် ဒဏ်ရာရခဲ့ကြောင်း ထုတ်ပြန်ခဲ့သည်။
ဘန်ကောက်တွင် အများဆုံးသေဆုံးမှုဖြစ်ပြီး ၅ ဦးသေဆုံးခဲ့သည်။
ဘေးအန္တရာယ်ကာကွယ်ရေးနှင့် လျော့ပါးရေးဦးစီးဌာန၊ လမ်းမတော်တဆမှု ကာကွယ်ရေးနှင့် လျော့ပါးရေးဗဟိုဌာနမှ ဆုန်ကရန်ကာလအတွင်း အဓိက အသေအပျောက်အများဆုံးမှာ ယာဉ်မတော် တဆမှုများမှဖြစ်ခြင်းကြောင်း ယာဉ်မတော်တဆမှု အနည်းဆုံးဖြစ်စေရေး သက်ဆိုင်ရာအဖွဲ့အစည်းများ၊ အေဂျင်စီများသာမက ပြည်သူများကပါ သတိပြုဆင်ခြင်းစရာများကို လှုံ့ဆော်ကြရန်ထိုင်းကျန်မာရေးဝန်ကြီးဌာန အမြဲတမ်းအတွင်းဝန် ဒေါက်တာ ကန်ကာဝင်ပွန်က ပြောဆို သွားခဲ့သည်။
ယာဉ်မတော်တဆမှုအများဆုံးတွင် ယာဉ်မောင်း၏ အပြုအမူအကျင့်စရိုက်ကြောင့် ဖြစ်ကာ သေဆုံးမှုများရခြင်းဖြစ်သည့်အတွက် ယာဉ်မောင်းများ အထူးသတိပြုရန်၊ အရက်နှင့်ဘီယာများကို သတ်မှတ်ဥပဒေနှင့်အညီ ရောင်းချကာ အသက် ၂၀ အောက်လူငယ်များကို မရောင်းချရေး ဒေသဆိုင်ရာ မိဘပြည်သူများကပါ ထိန်းမတ်ပေးဖို့ လိုကြောင်းထုတ်ပြန်ထားသည်။
ထို့ပြင် ယာဉ်များ သတ်မှတ်အရှိန်ထက်ပိုမမောင်းစေရန် အတွက်လည်း ပွဲတော်ကာလတွင် GPS စနစ်များ ၂၄ နာရီအပြည့် အလုပ်လုပ်စေရန် လမ်းညွှန်ထားပြီး ဖြစ်ကြောင်း၊ ဆုန်ကရန်သင်္ကြန်ရက်များဖြစ်သည့် ဧပြီ ၁၂ မှ ၁၄ ရက်အတွင်း မြောက်ပိုင်းဒေသများ တွင်လည်း မိုးကြိုးမုန်တိုင်းများရှိမည်ဟု ခန့်မှန်းထုတ်ပြန်ထားပြီးဖြစ်သဖြင့် အထူးသတိပြုနေထိုင်ကြရန်ပါ ထုတ်ပြန်သွားခဲ့သည်။
ကိုကလင်း
Ref: amarintv
#MeKongNews
#သင်္ကြန်
#ဆုန်ကရန်
#ယာဉ်တိုက်မှု
#ထိုင်းနိုင်ငံ
