မဲခေါင်၊ မတ် ၁
ဝါရှင်တန်ဒီစီမြို့ရှိ အိမ်ဖြူတော် ဘဲဥပုံရုံးခန်းအတွင်း ယနေ့နံနက် အမေရိကန်သမ္မတ ဒေါ်နယ်ထရမ့်၊ ဒုသမ္မတ JD ဗန်စီတို့ တွေ့ဆုံဆွေးနွေးမှုသည် အလွန်တင်းမာသော အခြေအတင်စကားများမှုများရှိခဲ့ကာ ဇီလန်းစကီးကို အခန်းထဲမှပင် မောင်းထုတ်ခဲ့ကြောင်း သိရှိရသည်။
မည်မျှ ပြင်းထန်သော အခြေအတင် စကားများမှုများဖြစ်ခဲ့ကြောင်း အတိအကျမသိရှိရသေးသော်လည်း ဒေါ်နယ်ထရမ့်က ဇီလန်းစကီးသည် တတိယကမ္ဘာစစ်ကြီးဖြစ်ပွားစေရန် လောင်းကစားလုပ်နေသူဖြစ်ကာ ရုရှား နှင့် ငြိမ်းချမ်းရေး စကားမပြောလိုလျှင် မိမိတို့ ထိုပဋိပက္ခအတွင်းမှ ထွက်သွားရမည်ဟု ပြောဆိုခဲ့ကြသည်။
ထိုအခြေအနေတွင် ဇီလန်းစကီးက မည်သည့်အချိန်ကမှ ကတိမတည်ခဲ့သော ရုရှားနှင့် ဆွေးနွေးစရာမရှိဟု တုံ့ ပြန်ပြီးနောက် ရုံးခန်းထဲမှ ထွက်သွားခိုင်းခြင်းပင် ခံခဲ့ရပြီး ထရမ့် အလွန်အလိုရှိနေသော ယူကရိန်းမြေပေါ် မြေရှားသတ္တုအပါအဝင် ဓာတ်သတ္တု ဒေါ်လာ ဘီလီယံ ၅၀၀ ဖိုး တူးဖော်လိုသည့် ကမ်းလှမ်းမှုအတွက် ဇီလန်း စကီးဘက်မှလည်း လက်ခံ လက်မှတ်ထိုးပေးခဲ့ခြင်းမရှိကြောင်း သိရသည်။
ဇီလန်းစကီး အိမ်ဖြူတော်ထဲမှ ထွက်ခွာသွားပြီးနောက် Fox News သတင်းဌာနက မေးမြန်းရာ ဇီလန်းစကီး ဘက်က နှစ်ဖက်စလုံးအတွက် ကောင်းသော တွေ့ဆုံမှုမျိုး မဖြစ်ခဲ့ကြောင်း၊ သို့သော် အမေရိကန်နှင့် ဆက်ဆံ ရေး ရှေ့ဆက်လက်တွဲသွားနိုင်ဖွယ်ရှိသေးကြောင်း တုံ့ပြန်ပြောဆိုခဲ့ကြောင်း သိရသည်။
အခြေအနေမည်မျှ ပြင်းထန်ခဲ့သည်ကို အတိအကျမသိရသော်လည်း ယူကရိန်းလွှတ်တော် အတိုက်အခံ အမတ် အင်နာဆော့ဗ်ဆန်က ဘဲဥပုံရုံးခန်းအတွင်း မည်မျှ ကြမ်းတမ်းခဲ့သနည်း အတိအကျမသိသေးသော်လည်း ထရမ့် နှင့် JD တို့သည် မိမိတို့ ယူကရိန်းသမ္မတအပေါ် လုံး၀ လက်မခံနိုင်စရာ ရိုင်းစိုင်းသော ပြောဆိုမှုများပြုလုပ်ခဲ့ကြသည်။
ဇီလန်းစကီးသည် ယူကရိန်းပြည်သူတစ်ရပ်လုံးကိုယ်စားပြုပြီးပြောဆိုခဲ့ခြင်းသာဖြစ်ကာ ထရမ့်နှင့် ဒုသမ္မတဘက်မှ ယခုစစ်ပွဲသည် ဇီလန်းစကီးကြောင့် ဖြစ်ရသည်ဟု စွပ်စွဲခဲ့ကြောင်း၊ ပြီးခဲ့သည့် တစ်ပတ်က ရုရှားကိုယ်စားလှယ်များနင့် တွေ့ဆုံစဉ် ထရမ့်နင့် JD တို့ ယဉ်ကျေးပျူငှာစွာ ဆက်ဆံခဲ့သလောက် ကျူးကျော် တိုက်ခိုက်ခံနေရသော မိမိတို့နိုင်ငံ သမ္မတ အပေါ် ရိုင်းစိုင်းစွာ စွပ်စွဲနေခြင်းများမှာ လုံးလုံး လက်ခံနိုင်စရာမရှိဟု ထုတ်ပြန်ပြောဆိုသွားခဲ့သည်။
အဆိုပါ ပြဿနာဖြစ်အပြီး ယူကေ ဝန်ကြီးချုပ် စတာမာသည် ဘဲဥပုံရုံးခန်းအတွင်း ဝင်ကာ ထရမ့်နှင့် တွေ့ဆုံ ပြီးနောက် မိမိကမူ ယူကရိန်းအပေါ် မယိမ်းယိုင်သော ပံ့ပိုးကူညီမှုများ ဆက်လက်ထားရှိသွားမည်ဟု ပြောရေး ဆိုခွင့်ရှိသူမှတစ်ဆင့် မီဒီယာများထံ ထုတ်ပြန်သွားခဲ့သည်။
Ref:BBC
ကိုကလင်း
#MeKongNews
#ဇီလန်းစကီး
#ထရမ့်
#ဒုသမ္မတ
#ဘဲဥပုံ
#အမေရိကန်
#ယူကရိန်း
