မဲခေါင်၊ ဧပြီ ၂၅
နိုင်ငံခြားရေးဝန်ကြီးဌာနချင်း ဆွေးနွေးညှိနှိုင်းမှုအရ ဧပြီ ၂၄ ရက်မှာ စစ်တွေထောင်ထဲ ဖမ်းထားတဲ့ ဘင်္ဂလားဒေ့ရှ် နိုင်ငံသား ၁၇၃ ယောက်ကို စစ်ကောင်စီက တပ်ပိုင် ချင်းတွင်းသင်္ဘောနဲ့ ကော့ဘဇားကို ပြန်လည်ပို့ဆောင်ပေးခဲ့ ပြီး ဧပြီ ၂၅ ရက်နေ့မှာ ဘင်္ဂလားဒေ့ရှ်ဘက် ထွက်ပြေးရောက်ရှိလာတဲ့ စကစတပ်နဲ့ နယ်ခြားစောင့်တပ်သား ၂၈၈ ယောက်ကို ချင်းတွင်းသင်္ဘောနဲ့ပဲ ပြန်လည် ပို့ဆောင်ပေးခဲ့ပြီဖြစ်ကြောင်း ကော့ဘဇားလွှတ်တော်အမတ် ဆိုင်မန် ဆာဝါကာမယ်က အတည်ပြုထုတ်ပြန်သွားပါတယ်။
ရခိုင်မှာ AA ရဲ့ ထိုးစစ်ကြောင့် ဘင်္ဂလားဒေ့ရှ်ထဲ စစ်ကောင်စီတပ်တွေနဲ့လက်အောက်ခံ နယ်ခြားစောင့်တပ်တွေ ဆက်တိုက် ထွက်ပြေးနေခဲ့ကြတာကို ဒါကာမှာရှိတဲ့ ဘင်္ဂလားဒေ့ရှ်နဲ့ မြန်မာသံရုံးတို့ ညှိနှိုင်းဆွေးနွေးပြီး ပြန်ပို့ရေး လုပ်ဆောင်ရာမှာ စစ်ကောင်စီဘက်က အကြောင်းအမျိုးမျိုးကြောင့် စစ်တွေထောင်မှာ ဖမ်းထားတဲ့ ဘင်္ဂလား ဒေ့ရှ်နိုင်ငံသားတွေကို အမှုပြီးပြတ်စေခြင်း ဒါမှမဟုတ် လွတ်ငြိမ်ချမ်းသာခွင့်နဲ့ အပြီးလွှတ်ပေးဖို့ စစ်ကောင်စီဘက် က သဘောတူခဲ့ရပြီး ဘင်္ဂလားဒေ့ရှ်ထဲ ပြေးတဲ့ စစ်သားတွေကို ပြန်လွှတ်ပေးဖို့ လက်ခံခဲ့တာဖြစ်ပါတယ်။
ဧပြီ ၂၅ ရက်နေ့မှာ နေပြည်တော်ကို ပြန်ပို့ရမယ့် စကစ တပ်သားတွေကို စိစစ်မှုလုပ်ပြီးတာနဲ့ တစ်ခါတည်း ပြန်ပို့ ပေးသွားမှာဖြစ်ပြီး မပြီးပြတ်ရင် ၂၆ ရက်နေ့မှ အပြီးသတ် နေရပ်ပြန်ပို့မှာဖြစ်ကြောင်း၊ နောက်ထပ် ထောင်ကျခံ နေရသေးတဲ့ ဘင်္ဂလားဒေ့ရှ်နိုင်ငံသား ၂၉ ဦးကို ထပ်လွှတ်ပေးဖို့လည်း ဘင်္ဂလားဒေ့ရှ်အစိုးရဘက်က တောင်းဆို ထားကြောင်း သိရှိရပါတယ်။
ရခိုင်မှာ AA ရဲ့ ထိုးစစ်ကြောင့် ဘင်္ဂလားဒေ့ရှ်နိုင်ငံထဲ ဝင်ပြေးတဲ့ စစ်ကောင်စီတပ်သားပေါင်း ၆၀၀ ကျော်ရှိခဲ့ပြီဖြစ် ကြောင်း သိရှိရပါတယ်။
Ref: bssnews
MKF-001
