မဲခေါင်၊ နို၀င်ဘာ ၂၉
ရှမ်းပြည်နယ် တောင်ပိုင်း အခြေစိုက် တော်လှန်ရေး တပ်ရင်း ၃ ခု ပူးပေါင်းပြီး ဒရုန်း ဝယ်ယူနိုင်ဖို့ အတွက် “၁၃ မျဉ်းစောင်း မအလ ဂျောင်း” ကမ်ပိန်း ပြုလုပ်နေတယ်လို့ သိရပါတယ်။
SSPDF လက်အောက်ခံ (၁၀၀၅) တပ်ရင်း၊ SSRY မှ (၁၀၀၈) တပ်ရင်း နဲ့ ရှမ်းပြည် တောင်ပိုင်း ဒေသခံ တော်လှန်ရေး တပ်ပေါင်းစု-SSLRU တို့ ပူးပေါင်းပြီး ဒီကမ်းပိန်း ပြုလုပ်နေတာလို့ သိရပါတယ်။
“၁၃ မျဉ်းစောင်း ဆိုတာ ရှမ်းတောင် တပ်ရင်း ၃ ရင်းကို ရည်ညွှန်းပါတယ်။ ဒီ ၃ ရင်းမှာ ရှမ်းတောင်က ရဲဘော် အများစု ပါဝင်ပြီး တခြားနယ်စုံက ရှမ်းတောင်-ကရင်နီပွဲတွေမှာ တိုက်နေတဲ့ ရဲဘော်တွေလည်း အများကြီး ပါဝင်ပါတယ်။ ဒရုန်းမြန်မြန်ရရင် ပွဲမြန်မြန် ကရမှာပါ။ ဘာကြောင့် တိုက်ခိုက်ရေး ဒရုန်းကမ်ပိန်း လုပ်လဲဆိုရင် ဖြစ်နိုင်သမျှ ရဲဘော်တွေရဲ့ တန်ဖိုးရှိတဲ့ အသက်ကို ကာကွယ်ပေးချင်လို့ပါ။ ငွေက ပြန်ရှာလို့ရတယ်။ တော်လှန်ရေး ပြီးရင် ကိုယ်တိုင်လည်း အလုပ်လုပ်နိုင်ပြီ ဆိုပြီး ပြန်ရှာမရတဲ့ အသက်တွေကို ကာကွယ်ပေးဖို့ပါ” လို့ ကမ်ပိန်း တာဝန်ရှိသူ တစ်ဦးက ပြောပါတယ်။
ဒီကမ်ပိန်းမှာ ကျပ်သိန်းတစ်ထောင်ရဖို့ မျှော်မှန်းထားပြီး ပမာဏ အပြည့်ရပါက တိုက်ခိုက်ရေး ဒရုန်း ၃ စင်း ဝယ်ယူနိုင်မယ်လို့ သူကဆိုပါတယ်။
ကမ်ပိန်းက ရသမျှ ငွေအားလုံးကို Federal Wings အဖွဲ့က စီမံခန့်ခွဲပေးမှာဖြစ်ပြီး အဲ့ဒီကနေ တပ်ရင်း ၃ ရင်းအတွက် ဒရုန်းတွေ ဝယ်ယူမှာ ဖြစ်တယ်လို့ သူကဆက်ရှင်းပြပါတယ်။
ကမ်ပိန်းမှာ ပါဝင်သူတွေ အတွက် Certificate တွေကို ကိုယ်လှူတဲ့ သက်ဆိုင်ရာ page တွေကနေ ထုတ်ယူရမှာ ဖြစ်တယ်လို့ ဆိုပါတယ်။
ကမ်ပိန်း Target မပြည့်ပါကလည်း ရဲဘော်တွေ မြေပြင်မှာ ဆက်လက် တိုက်ခိုက်သွားမယ်လို့ ဆိုပါတယ်။
အဆိုပါ “၁၃မျဉ်းစောင်း မအလ ဂျောင်း” ကမ်ပိန်းနဲ့ ပတ်သက်ပြီး မရှင်းလင်းပါက Project SSS ရဲ့ Page messenger မှာ တိုက်ရိုက် မေးမြန်းနိုင်တယ်လို့ သိရပါတယ်။
Page Link : https://www.facebook.com/61553497771656/posts/pfbid02NxKkbWXkUci3WPqVz3xNWrZ4Scvo5zXMxXzvGbEJBjC34idmbQKDB75cD7Shm3bpl/
CJ-001
#MeKongNewsProjectSSS
#1005infantary
#1008Infantary
#SSLRU
#Drone
#၁၃မျဉ်းစောင်းမအလဂျောင်း
