စစ်ကောင်စီထိန်းချုပ်ထားသည့် တောင်ကြီးမြို့ ကုန်ဈေးနှုန်းထက် ကိုးကန့်တပ်ထိန်းချုပ်ထားသည့် လားရှိူးမြို့က သက်သာ
မဲခေါင်၊ ဖေဖော်ဝါရီ ၁၇
ကိုးကန့်တပ် ထိန်းချုပ်ထားသည့် လားရှိူးမြို့၌ အခြေခံစားသောက်ကုန် စျေးနှုန်းများသည် စစ်ကောင်စီထိန်းချုပ်ထားသည့် မြို့တော် တောင်ကြီးထက် သက်သာနေပြီး မြို့လည်ပတ်မှုလည်း ပုံမှန်အတိုင်းရှိနေကြောင်း လားရှိုးမြို့ခံများနှင့်ပြန်လည်ထူထောင်ရေးအဖွဲ့ကပြောသည်။
လားရှိုး၏ အခြေခံစားသောက်ကုန်ဖြစ်သည့် ဆန်၊ ဆီ၊ ဆား၊ ပဲ ၊ငြုပ်၊ ကြက်သွန် စျေးနှုန်းများမှာ တောင်ကြီးမြို့ကုန်စျေးနှုန်းထက် ကျပ် ၈၀၀၀ ကျပ်မှ ၁၅၀၀၀ ကျပ်အထိ သက်သာနေသည်။
“စျေးသူစျေးသားတွေနဲ့သေချာတွေ့ဆုံအစည်းအဝေးလုပ်ပြီး သင့်တင့်တဲ့စျေးနှုန်းတွေသတ်မှတ်ထားတာပါ၊ အသီးအရွက်ကတော့ရာသီပေါ်ချိန်ဆိုတော့ပေါတာပေါ့နော်” ဟု လားရှိူးမြို့ပြန်လည်ထူထောင်ရေးအဖွဲ့မှ ပြောရေးဆိုခွင့်ရှိသူ မနော်ဖောက မဲခေါင်ကိုပြောသည်။
လားရှိုး၌ ပြည်သူနေထိုင်မှုနှင့်မြို့နယ်အုပ်ချုပ်ရေးလုပ်ငန်းများပုံမှန်လည်ပတ်နေပြီဖြစ်ပြီး ဆိုင်ခန်းများလည်းပြန်လည်ဖွင့်လှစ်ဖို့လုပ်နေပြီဖြစ်ကြောင်း လားရှိူးဒေသခံတစ်ဦးကမဲခေါင်ကိုပြောသည်။
“ ဆိုင်ခန်းတွေ စျေးနှုန်းသတ်မှတ်ပြီး ၆ လချုပ်ခိုင်းပြီးပြီလို့ ကြားတယ်၊ main လမ်းဘေးနားကဟာတွေ တစ်လ ကိုးသိန်းတဲ့၊ မီးခွန်တွေ ဒီလက စပြီးကောက်မယ်ပြောတယ်” ဟုဆိုသည်။
လားရှိုးမြို့ ကိုစွန့်ခွါ စစ်ရှောင်ပြည်သူပြန်လည်နေထိုင်ခြင်းနှင့် မြို့အုပ်ချုပ်ရေးရုံးများဖွင့်လှစ်နိုင်ခြင်းမှအပ ကားအရောင်းအဝယ်လုပ်ငန်းများ၊ စျေးဆိုင်ခန်းများနှင့် တခြားလုပ်ငန်းများအားလုံးလည်ပတ်နေကြောင်း မနော်ဖောကပြောသည်။
လားရှိုးမြို့ကို ကိုးကန့်တပ်သိမ်းပိုက်ပြီးချိန်မှစတင်ကာ တရုတ်နိုင်ငံဘက်မှ ရှမ်းပြည်မြောက်ပိုင်းဒေသဘက် နယ်စပ်ကုန်သွယ်ရေးဂိတ်များကိုပိတ်သိမ်းလိုက်သဖြင့် ကုန်စည်ပြတ်လတ်ခြင်းနှင့် စျေးနှုန်းမြင့်တက်ခြင်းများဖြစ်ပေါ်ခဲ့ရာမှ ယခုအခါ ပုံမှန်အတိုင်းပြန်လည် လည်ပတ်လာခြင်းသည်။
ဂနိုက်
#MeKongNews
