မဲခေါင်၊ ဇန်နဝါရီ ၃၁

ရှမ်းပြည်တောင်ပိုင်း၊ ဆီဆိုင်မြို့နယ်မှာ တိုက်ပွဲတွေ ပြင်းထန်နေပြီး စစ်ကောင်စီနဲ့ လက်အောက်ခံ PNO ပြည်သူ့စစ် အလောင်း ၄၀ ကျော်ကျကျန်ရစ်ခဲ့တယ်လို့ ပအိုဝ်းအမျိုးသားလွတ်မြောက်ရေးတပ်မတော် (PNLA) က ပြောပါတယ်။

မနေ့က ဆီဆိုင်မြို့နယ် မြောက်ပိုင်းမှာ တိုက်ပွဲပြင်းထန်ပြီးနောက် စစ်ကောင်စီနဲ့ ပြည်သူ့စစ် အလောင်းတွေ ထားခဲ့သလို ညနေပိုင်းဖြစ်တဲ့ တိုက်ပွဲမှာလည်း လက်နက် ၅၀ ကျော်ထပ်ရခဲ့ပြီး ဆီဆိုင်ကို ဆက်ထိန်းထားတယ်လို့ PNLA က ပြောပါတယ်။

စစ်ကောင်စီ လေယာဉ်က မနေ့ ဇန်နဝါရီ ၃၀ ရက် နေ့လည် ၁ နာရီက ညနေ ၅ နာရီအထိ ဗုံးကြဲခဲ့တာမှာ လွယ်ထွဲဘုန်းကြီးကျောင်းနဲ့ ရွှေညောင်ပင် ဆီပန့်ဆိုင်တို့ မီးလောင်ပျက်စီးခဲ့တယ်လို့ သိရပါတယ်။

မနေ့က နေ့လယ်ကနေ ညနေထိ ဗုံးကြဲတာ ဘုန်းကြီးကျောင်းနဲ့ဆီပန့်ဆိုင် ပေါ်ကျတာ မီးလောင်ပျက်စီးကုန်တယ်လို့ အောင်ချမ်းသာ ရပ်ကွက်နေ သူတစ်ဦးက ပြောပါတယ်။

စစ်ကောင်စီ တပ်ရင်း ၄၂၃၊ ၄၂၄ ဘက်ကနေ စစ်တပ်နဲ့ PNO တွေက လက်နက်ကြီးနဲ့ပစ်ခတ်နေပေမယ့် သူတို့ အများအပြားကျဆုံးလို့ ထပ်တက်လာခြင်းမရှိဘဲ PNLO အနေနဲ့ ဆီဆိုင်မြို့ကို ထိန်းထားဆဲလို့ သိရပါတယ်။

MK-012

#MeKongNews

#ဆီဆိုင်

#ပြင်းထန်

#တိုက်ပွဲ

#PNLA

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)