မဲခေါင်၊ ဇွန် ၁၉
ရှမ်းတောင်၊ ပအိုဝ်းဒေသ၊ ဆီဆိုင်မြို့နယ်၊ လွယ်မောတောင်၊ ထမ်းယံတိုင်ကျေးရွာအနီးကို စစ်ကောင်စီက စစ်ကြောင်ထိုးလာလို့ မနေ့က ဇွန်လ ၁၈ ရက်နေ့ မနက်ပိုင်းမှာ တိုက်ပွဲ ဖြစ်ပွားခဲ့တယ်လို့ PNLA က ထုတ်ပြန်ထားပါတယ်။
ထိတွေ့တိုက်ပွဲဖြစ်ပွားမှုမှာ စစ်ကောင်စီဘက်က ၃ ဦး သေဆုံးခဲ့ပြီး မနက် ၉ နာရီကနေ ၁၁ နာရီအထိ အချိန် ၂ နာရီကြာခန့် တစ်ဖက်နဲ့ တစ်ဖက် ပစ်ခတ်မှုဖြစ်ပွားခဲ့တယ်လို့ သိရပါတယ်။
စစ်ကောင်စီနဲ့ လက်အောက်ခံ ပြည်သူ့စစ်တွေဟာ လွယ်မောတောင်ဒေသက စာသင်ကျောင်းတွေမှာ တပ်စွဲတာတွေပြုလုပ်နေလို့ ကလေးငယ်တွေ ကျောင်းတက် ပညာသင်ကြားဖို့ ခက်ခဲနေတဲ့အပြင် ရပ်ရွာတွေအတွင်းတပ်စွဲပြီး ပြည်သူတွေကို အသားဟင်းနဲ့ထမင်းချက်ခိုင်းတာတွေ ထမင်းထုပ်ပို့ခိုင်းတာတွေ လုပ်ခဲ့တယ်လို့ သိရပါတယ်။
“ တောထဲတောင်ထဲအထိ စစ်ကြောင်းထိုးလာတော့လဲ တိုက်ပွဲဖြစ်တာပေါ့၊ သူတို့ဘက်က ၃ ဦးသေတာတွေ့ရတယ်၊ ပြီးတော့ လက်နက်ကြီးတွေကို ရွာထဲမှာထားပြီး ရမ်းသမ်းပစ်ခတ်နေတော့ စိုက်ပျိုးချိန်မှာ ဒေသခံတွေ လုပ်ငန်းခွင်မဝင်နိုင်ကြဘူး” လို့ PNLO ပြောရေးဆိုခွင့်ရှိသူ ခွန်ရိန်းယံက ပြောပါတယ်။
ဒေသခံတွေအနေနဲ့ ရွာအပြင်၊ တောင်ယာတွေမှာတွေ့ရင် တော်လှန်ရေးတပ်ဖွဲ့ဝင်တွေလို့ သတ်မှတ်ပြီး ပစ်သတ်မယ်လို့ ခြိမ်းခြောက်ထားလို့ စိုက်ပျိုးရာသီဖြစ်ပေမယ့် စိုက်ပျိုးရေးလုပ်ငန်းခွင် ဝင်ရောက်နိုင်ခြင်းမရှိဘူးလို့ ပြောပါတယ်။
ဆီဆိုင်မြို့နယ်အတွင်းကနေ ကရင်နီဘက် မေလနဲ့ ဇွန်လအတွင်း စစ်ကောင်စီဘက်က စစ်ကြောင်းထိုးတာတွေရှိ ထိတွေ့တိုက်ပွဲ ဖြစ်ပွားတာနဲ့ စစ်ကောင်စီဘက်က လက်နက်ကြီးပစ်တာတွေ ဆက်တိုက်ရှိနေတယ်လို့ သိရပါတယ်။
MK-012
