မဲခေါင်၊ အောက်တိုဘာ ၃၁

ဂါဇာကို အစ္စရေးဘက်က ဝင်တိုက်ခိုက်အောင် စတင်ရန်စခဲ့တဲ့ ဟားမက်စ်အကြမ်းဖက်အဖွဲ့ဟာ အဖွဲ့ငယ်လေးသာဖြစ်ပေမယ့် တစ်နှစ်ကို ထောက်ပံ့ငွေ ဘတ်ဂျက် ပေါင် ၁ . ၅ ဘီလီယံအထိ ဝိုင်းပေးထားတဲ့အဖွဲ့ဖြစ်ကြောင်း အစ္စရေးနာမည်ကြီးထောက်လှမ်းရေး မော့ဆက်အဖွဲ့ဝင်ဟောင်း အူဇီရှာရာက ရှင်းလင်းပြောကြားခဲ့ပါတယ်။

အောက်တိုဘာ ၇ ရက်နေ့က ဟားမက်စ်အဖွဲ့တွေဟာ အစ္စရေးနယ်စပ်ကိုကျော်ပြီးလူပေါင်း ၁၄၀၀ ကျော်ကို သတ်ဖြတ်ခဲ့သလို အယောက် ၂၀၀ ကျော်ကို ပြန်ပေးဆွဲသတ်ဖြတ်နေလို့ အစ္စရေးဘက်က လက်ရှိမှာ ဂါဇာ ကမ်းမြောင်ဒေသတွင်းအထိ ဝင်ရောက်ပြီး မြေပြင်ထိုးစစ်ဆင်နေတာဖြစ်ပါတယ်။

ကာတာကနေ တစ်နှစ်ထောက်ပံ့ငွေ ပေါင်သန်း ၄၀၀၊ အီရန်ကနေ ထောက်ပံ့ငွေ ပေါင်သန်း ၂၀၀ နဲ့ ယူအေအီး၊ ဆူဒန်၊ အယ်လ်ဂျီးရီးယားနိုင်ငံတွေက အိမ်ခြံမြေလုပ်ငန်းတွေအပါအဝင် ငွေကြေးခဝါချ ကုမ္ပဏီ ပေါင်း များစွာကနေ စုစုပေါင်း ဟားမက်စ်ကို တစ်နှစ်ထောက်ပံ့ငွေဟာ ပေါင် ၁ . ၅ ဘီလီယံ ရှိနေတာလို့ ဆိုပါတယ်။

ဒါပေမဲ့ တူရကီမှာ အခြေစိုက်တဲ့ ဟားမက်စ်ခေါင်းဆောင်နဲ့ မိသားစုတွေကသာ ဒီငွေတွေကို ကိုယ်ကျိုးအတွက် ချုပ်ကိုင်သုံးစွဲနေကြကြောင်း၊ ဂါဇာက အလုပ်လက်မဲ့ပြည်သူတွေဆီ ဒီငွေတွေမရောက်ဘဲ ပါလက်စတိုင်းတွေဟာ တစ်လ ဝင်ငွေ ပေါင် ၂၄၀ တောင် မနည်း အနိုင်နိုင်ရှာနေရကြောင်း၊ ဒါကြောင့် ရန်ပုံငွေကွန်ရက် အင်မတန်ကြီး မားပေးမယ့် ထိရောက်တဲ့ သုံးစွဲနိုင်မှုမရှိတဲ့ အကြမ်းဖက်အဖွဲ့လို့ သုံးသပ်ပြောကြားသွားပါတယ်။

အစ္စရေးထဲ ဟားမက်စ်တွေဝင်တိုက်တုန်းက သေဆုံးခဲ့တဲ့ ဟားမက်စ်အဖွဲ့ဝင်တစ်ယောက်ရဲ့ ဘာကလေ ဘဏ် စာရင်းကို ပိတ်ပင်မှုလုပ်ခဲ့သလို အစ္စရေးဟာ ဟားမက်စ်ထောက်ပံ့ငွေတွေကို တားဆီးနိုင်ရေးအတွက် ၂၀၂၁ ဒီဇင်ဘာကနေ ဒီနှစ်ဧပြီလအတွင်း ခရစ်ပတိုငွေစာရင်းအကောင့် ၂၀၀ ကျော်ကို ပိတ်သိမ်းခဲ့ပါ သေးတယ်။

Ref:thesun
MKF-001

#MeKongNews

#ဟားမက်စ်

#အစ္စရေး

#ထောက်လှမ်းရေး

#မော့ဆက်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)