မဲခေါင်၊ မတ် ၂၁
စစ်ရာဇဝတ်မှုနဲ့ ဖမ်းဝရမ်းထုတ်ခံထားရတဲ့ ရုရှားသမ္မတပူတင် တောင်အာဖရိကနိုင်ငံမှာ BRICS အစည်းအဝေး လာတက်ပါက တောင်အာဖရိက အစိုးရအနေနဲ့ ဖမ်းပေးဖို့ မဖြစ်နိုင်ဘူးလို့ သုံးသပ်နေကြပါတယ်။
လာမယ့် ဩဂုတ်လထဲမှာ ဘရာဇီး၊ ရုရှား၊ အိန္ဒိယ၊ တရုတ်နဲ့ တောင်အာဖရိက နိုင်ငံတွေရဲ့ နှစ်ပတ်လည်ညီလာ ခံအဖြစ် တောင်အာဖရိကနိုင်ငံ ပရီတိုးရီးယားမြို့မှာ BRICS အစည်းအဝေးကျင်းပဖို့ရှိနေပြီး ပူတင် ပုံမှန် တက်ရောက်လေ့ရှိတဲ့ အစည်းအဝေးဖြစ်ပါတယ်။
တောင်အာဖရိကနိုင်ငံဟာ ICC အဖွဲ့ဝင်နိုင်ငံဖြစ်ပြီး ရောမဥပဒေ (Rome Statute) ကို လက်မှတ်ရေးထိုးထောက်ခံထားတဲ့အတွက် ပူတင် နိုင်ငံထဲ ရောက်လာပါက ဖမ်းဆီးပေးရမယ့် တာဝန်ရှိနေပါတယ်။
ဒါပေမယ့် တောင်အာဖရိကနိုင်ငံဟာ ယူကရိန်းကျူးကျော်စစ် ဆင်နွှဲတဲ့ရုရှားကို ကုလသမဂ္ဂ ရှုတ်ချပွဲအဖြစ်
လက်မှတ်ကောက်ခံရာမှာ ကြားနေအဖြစ်သာ မသိချင်ယောင်ဆောင်နေခဲ့တဲ့ ၃၄ နိုင်ငံထဲ ပါဝင်နေခဲ့သလို အရင်ကလည်း ICC ၀ရမ်းထုတ်ခဲ့တဲ့ ဆူဒန်သမ္မတဟောင်း အိုမာအယ်လ်ဘာရှီယာ လာတုန်းကလည်း ဖမ်းဆီး ခြင်းမပြုခဲ့တဲ့ ဖြစ်စဥ်ရှိခဲ့ပါတယ်။
၂၀၁၅ ခုနှစ် ဇွန်လက ဂျိုဟန်နက်စ်ဘတ်မြို့ အာဖရိကသမဂ္ဂ အစည်းအဝေးမှာ အယ်လ်ဘာရှီယာ တက်ရောက်လာချိန် ICC ရဲ့ ဖမ်း၀ရမ်းအတိုင်း လုပ်ဆောင်ဖို့ အဲဒီအချိန်က သမ္မတဂျက်ကော့ဘ်ဇူးမား ကိုယ်တိုင် ငြင်းဆိုခဲ့ဘူးပါတယ်။
ဒီနေ့အထိလည်း တောင်အာဖရိကဟာ ရုရှားနဲ့ ရင်းနှီးတဲ့ ဆက်ဆံရေးရှိနေဆဲဖြစ်ပြီး BRICS အစည်းအဝေးမှာလည်း ပူတင်ကို ဖမ်းပေးဖို့ ငြင်းဆိုလိမ့်မယ်လို့ theeastafrican မီဒီယာက သုံးသပ်ဖော်ပြခဲ့ပါတယ်။
Ref: theeastafrican
