မဲခေါင်၊ စက်တင်ဘာ ၈
နေတိုးအဖွဲ့၏ အာခိလိဖနောင့်ဟု ခေါ်သော ဆူဝယ်လ်ကီစင်္ကြန်ကို သိမ်းပိုက်ရန် ရုရှားဘက်မှ စစ်တပ်များ လှုပ်ရှားမှုများစွာ လုပ်ဆောင်နေပြီဟု ဗြိတိန်ထောက်လှမ်းရေးအကြီးအကဲဟောင်း ဖိလစ်အင်ဂရမ်က စုံစမ်းထောက်လှမ်းထားသော အချက်အလက်များဖြင့် ဗြိတိန် The Sun သတင်းဌာန Battle Plans Exposed အစီအစဉ်နောက်ဆုံးပိုင်း၌ ဖော်ထုတ်တင်ပြသွားခဲ့သည်။
ပူတင်သည် ယူကရိန်းနှင့် စစ်ပွဲဆင်နွှဲနေသလို တစ်ဖက်တွင်လည်း နေတိုးဥရောပမဟာမိတ်တပ်များ အား ဝင်ရောက်တိုက်ခိုက်ရေး လျှို့ဝှက်ကြံစည်နေရာတွင် ပိုလန်နှင့် လစ်သူယေးနီးယားအကြား မိုင် ၆၀ ရှည်လျားသော ဆူဝယ်လ်ကီစင်္ကြန်ကို စတင်သိမ်းပိုက်ရန် အဆိုပါနယ်စပ်အနီး စစ်ရေး လေ့ကျင့်မှုများ၊ စစ်ရေးရွေ့လျားမှုများ မူမမှန်စွာဖြင့် လုပ်ဆောင်ပြင်ဆင်နေသည်ဟု ဖိလစ်အင်ဂရမ်က ဆိုသည်။
“ကာလီနင်ဂရတ်နဲ့ ဘီလာရုစ်နယ်စပ်တွေမှာ ပုံမှန်မဟုတ်တဲ့ ရုရှားတပ်တွေရဲ့ လှုပ်ရှားမှုများစွာ မြင်တွေ့ရတယ်။ မူမမှန်တဲ့ ပူးပေါင်းစစ်ရေးလေ့ကျင့်မှုတွေလုပ်ဆောင်နေပြီး စစ်သည်များစွားကိုလည်း စေလွှတ်တပ်စွဲထားတယ်။ ဘောလ်တစ်ပြည်နယ် နိုင်ငံတွေဖြစ်တဲ့ အက်စတိုးနီးယား၊ လတ်ဗီးယား၊ လစ်သူရေးနီးယား နိုင်ငံတွေကို သိမ်းပိုက်ပြီး မဟာမိတ်နေတိုးအဖွဲ့ကနေ ဖြတ်ထုတ်ယူလိုက်တာမျိုး လုပ်ဆောင်လာပါလိမ့်မယ်။ နေတိုးအာခိလိဖနောင့်လို့ ခေါ်ကြတဲ့ ဆူဝယ်လ်ကီ စင်္ကြန်ကျဉ်းကျဉ်းလေး ကိုသိမ်းပိုက်နိုင်ရင် ရုရှားနဲ့ မဟာမိတ် ဘီလာရုစ်တို့အတွက် ကာလီနင်ဂရတ်နယ်နဲ့ အနီးဆုံး လမ်းကို ရသွားမှာပါ” ဟု ဖိလစ်အင်ဂဂမ်က သုံးသပ်တင်ပြသွားခဲ့သည်။
ပူတင်သည် ၂၀၂၂ ခုနှစ်က ယူကရိန်းအား ဝင်မတိုက်မီ နယ်စပ်ဒေသများတွင် စစ်ရေးအဆောက်အအုံ များတည်ဆောက်ခြင်း၊ စစ်ရေးလေ့ကျင့်မှုများပြုလုပ်ခဲ့သလို ယခုလည်း ဆူဝယ်လ်ကီ အနီး နယ်ပစ် ဒေသသို့ စစ်သည်များစွာပို့ဆောင်ကာ လေ့ကျင့်ပြင်ဆင်နေခြင်းက အန္တရာယ်နီးကပ်လာပြီကို သက်သေပြနေခြင်းဖြစ်သည်ဟုလည်း အင်ဂရမ်က သတိပေးပြောကြားခဲ့သည်။
ကိုကလင်း
Ref:Thesun
#MeKongNews
#နေတိုး
#ဥရောပ
#ရုရှား
#ဆူဝယ်လ်ကီစင်္ကြန်
