မဲခေါင်၊ နိုဝင်ဘာ ၂၀
အမေရိကန်က သူတို့ပေးထားတဲ့ ATACMS တာဝေးပစ်ဒုံးကျည်တွေကို ယူကရိန်းကို ရုရှားနိုင်ငံထဲ ပစ်ခတ်ခွင့် ပြုပြီးဖြစ်သလို ပစ်ခတ်မှုလည်း စတင်လုပ်ဆောင်ခဲ့တာကြောင့် ယူကရိန်းနဲ့ ရုရှားစစ်ပွဲ အတင်းမာဆုံးအခြေ အနေရောက်လာချိန် ဂျာမနီဟာလည်း တတိယကမ္ဘာစစ်ပွဲကြီးအတွက် မဟာဗျူဟာကျ လျှို့ဝှက် စစ်ရေး ဗျူဟာတွေကို စာမျက်နှာ ၁၀၀၀ ပါ ရေးဆွဲပြင်ဆင်ထားပြီးဖြစ်ကြောင်း ဂျာမန်ထိပ်တန်းလျှို့ဝှက် စာဆောင် Frankfurter Allgemeine က ဖော်ထုတ်ရေးသားသွားခဲ့ပါတယ်။
ပြီးခဲ့တဲ့ နိုဝင်ဘာ ၁၈ ရက်နေ့က နော်ဒစ်နိုင်ငံတွေဖြစ်တဲ့ ဆွီဒင်၊ ဖင်လန်၊ နော်ဝေနိုင်ငံတွေဟာ ရုရှားကြောင့် ကမ္ဘာစစ်ကြီးဖြစ်လာခဲ့ရင် ပြည်သူတွေ ဘယ်လိုရှင်သန်လွတ်မြောက်အောင် နေထိုင်ရမလဲ ဆိုတဲ့ လမ်းညွှန်ချက် လက်ကမ်းစာဆောင်တွေ၊ အွန်လိုင်းအသိပေးမှုတွေကို တစ်တိုင်းပြည်လုံးအနှံ့ ပေးပြီး အသိပေးခဲ့ပါတယ်။
ဂျာမနီဟာလည်း သူတို့နိုင်ငံနဲ့ နေတိုးအဖွဲ့ဝင်နယ်မြေတွေမှာ စစ်ဖြစ်လာခဲ့ရင် တိုက်ခိုက်ရမယ့် နေတိုး စစ်သည် ၈ သိန်းနဲ့ ရွှေ့လျှားစခန်းချရမယ့် ယာဉ်အစီးပေါင်း ၂ သိန်းကို ဘယ်လိုဗျူဟာချ ခင်းကျင်မလဲ၊ အရေးပါတဲ့ အဆောက်အအုံတွေမှာ ချထားရမယ့် ကာကွယ်ရေးစစ်သည်တွေရဲ့ လုပ်ငန်းဆောင်တာ၊ ယာဉ်အစီးပေါင်း ၂ သိန်း ကို မောင်းနှင်ရွှေ့လျှားစေမယ့် ယာဉ်မောင်းတွေကို ဘယ်လို စုဆောင်းလမ်းညွှန်မလဲ၊ စစ်ပွဲကြောင့် နိုင်ငံရဲ့ စီးပွား ရေး၊ စွမ်းအင်ကဏ္ဍ၊ မရှိမဖြစ်စားသောက်ကုန်စည်ကဏ္ဍတွေကိုပါ ထည့်သွင်းတိုင်ပင်တွက်ချက်ပြီး ပြင်ဆင်ထား မှုဟာ စာမျက်နှာ ၁၀၀၀ အထိ ရှိနှင့်နေပြီးဖြစ်တယ်လို့ Frankfurter Allgemeine ကရေးသားဖော်ပြသွားခဲ့ပါ တယ်။
ဒီ ဗျူဟာကို Operation Deutschland လို့နာမည်ပေးထားပြီး ပြီးခဲ့တဲ့ တစ်နှစ်လုံး ဂျာမနီကာကွယ်ရေးဝန် ကြီးဌာန၊ စီးပွားရေးပညာရှင်၊ စစ်ရေးပညာရှင်တွေအားလုံး အကြိမ်ကြိမ် တိုင်ပင်ပြီး လမ်းညွှန်ရေးဆွဲနေခဲ့ ကြတာဖြစ်ပါတယ်။
ပထမဆုံးအစည်းအဝေးကို ဟမ်းဘတ်ကုန်သည်ကြီးများအသင်းအစည်းအဝေးပွဲမှာ စတင် နှီးနှောတိုင်ပင် အကြံဉာဏ်ရယူပြီး စတင်ခဲ့ရာမှာ စစ်ပွဲကာလအတွင်း လုံလောက်တဲ့ ဒီဇယ်ဂျန်နရေတာတွေ၊ လေတာဘိုင်တွေကနေ စွမ်းအင်ထုတ်လုပ်သုံးစွဲနိုင်ရေး လုံလောက်တဲ့ ပြင်ဆင်မှုလုပ်ဖို့ ကုမ္ပဏီပေါင်းများစွာရဲ့ ဒါရိုက်တာအဆင့် စီးပွားရေးပညာရှင်တွေက တိုင်ပင်ရေးဆွဲခဲ့ကြပါတယ်။
ရုရှား-ယူကရိန်း စစ်ပွဲ ရက် ၁၀၀၀ ပြည့်နေ့မှာ ယူကရိန်းဟာ ရုရှားမြေထဲ စစ်ပွဲကာလအတွင်း ပထမဆုံးအကြိမ် အဖြစ် အမေရိကန်နဲ့နေတိုးမဟာမိတ်တွေ ထောက်ပံ့ထားတဲ့ တာဝေးပစ်ဒုံးကျည်တွေနဲ့ ပစ်ခတ်ခဲ့တာကြောင့် ရုရှားသမ္မတပူတင်ကလည်း ချက်ချင်း နျူကလီးယားလက်နက်အသုံးပြုရေး မူဝါဒဟောင်းကို ဖျက်သိမ်းလို့ ပစ်ခတ်ခွင့်ပြုတဲ့ လက်မှတ်ရေးထိုးပြီးနောက် တတိယကမ္ဘာစစ်ဖြစ်လာနိုင်ရေးဟာ အရမ်းနီးစပ်သွားခဲ့ပြီဖြစ်လို့ နိုင်ငံတိုင်း အစွမ်းကုန် ပြင်ဆင်နေကြပါတယ်။
ဆွီဒင်နဲ့ဖင်လန်ဟာ ယူကရိန်းလို ရုရှားရဲ့ ကျူးကျော်ခံရမှာ စိုးလို့ နေတိုး အဖွဲ့ဝင်နိုင်ငံဖြစ်ရေး ကြိုးစားနေမှုကို လက်လျှော့သွားခဲ့ပေမယ့် စစ်မီး မလွတ်နိုင်လို့ ပြည်သူအားလုံးထဲ စစ်ပွဲ ကြုံရင် ရှင်သန်ခွင့်ရရေး လမ်းညွှန်ချက်တွေ ဝေငှ အသိပေးနေကြရတာဖြစ်ပါတယ်။
Ref:Thesun
MKF-001
#ရုရှား
#ယူကရိန်း
#ကမ္ဘာစစ်
#ပူတင်
#ဘိုင်ဒန်
#ဂျာမဏီ
