မဲခေါင်၊ မတ် ၁၈
ကမ္ဘာ့ကျန်းမာရေး အဖွဲ့ WHO က ဖွင့်လှစ်တဲ့ သင်တန်းတွေကို မြန်မာနိုင်ငံ အပါအဝင် ကမ္ဘာတစ်ဝှမ်းရှိ ကျန်းမာရေး စောင့်ရှောက်မှု နယ်ပယ်က စ်တ်ဝင်စားသူတွေ အခမဲ့ လျှောက်ထားနိုင်တယ်လို့ WHO ရဲ့ Official Website မှ ကြေညာထားပါတယ်။
ဒီသင်တန်းတွေမှာ စိတ်ကျန်းမာရေး၊ အာဟာရ၊ လုပ်ငန်းခွင် ကျန်းမာရေးနှင့် ဘေးအန္တရာယ် ကင်းရှင်းရေး၊ ဆေးဝါးထိန်းချုပ်ရေး မူဝါဒ စတဲ့ အကြောင်းအရာတွေကို စုံစုံလင်လင် လေ့လာနိုင်မှာဖြစ်ပြီး သင်တန်းပြီးဆုံးရင် WHO အသိအမှတ်ပြု လက်မှတ်-Certificate ရရှိမှာ ဖြစ်ပါတယ်။
သင်တန်းပေါင်း ၂၀ ကျော်ရှိပြီး စိတ်ဝင်စားတဲ့ သင်တန်းကို အခမဲ့ ရွေးချယ် တက်ရောက်နိုင်သလို အွန်လိုင်းကနေ တက်ရောက်ရမှာ ဖြစ်တဲ့အတွက် အချိန်ကုန် သက်သာစေမယ်လို့ ဖော်ပြထားပါတယ်။
ဒီသင်တန်းတွေဟာ အချိန် အများကြီး မပေးရသလို နောက်ဆုံး လျှောက်ထားရမယ့် နေ့ရက်နဲ့ ပညာ အရည်အချင်း ကန့်သတ်ချက် မရှိဘူးလို့ သိရပါတယ်။
သင်တန်းတက်ဖို့ အတွက် WHO ရဲ့ Official Website မှာ အကောင့် ဖွင့်ဖို့တော့ လိုအပ်တယ်လို့ ဖော်ပြထားပါတယ်။
တက်ရောက်လိုသူတွေ အနေနဲ့ WHO အကောင့်ရပြီ ဆိုရင်တော့ ကိုယ်တက်ချင်တဲ့ သင်တန်းကို https://openwho.org/account/new မှာ စာရင်းပေးသွင်း တက်ရောက်နိုင်သလို အသေးစိတ်ကို https://openwho.org/ မှာ ဝင်ရောက် လေ့လာနိုင်မှာ ဖြစ်ပါတယ်။
MK-010
#MeKongNews
#WHO
#ကျန်းမာရေး
#သင်တန်း
