Uncategorized

KNU တပ်မဟာ (၃) ထိမ်းချုပ်နယ်မြေမှာ ဖြစ်ပွားတဲ့ ၁၅ ရက်တိုက်ပွဲအတွင်း ဒုတပ်ရင်းမှူး အပါအဝင် ၄၇ ဦး သေဆုံး

မဲခေါင် 21 Jan - 2023
မဲခေါင်၊ ဇန်နဝါရီလ ၂၁ KNU-ကရင်အမျိုးသား အစည်းအရုံး ကော်သူးလေ အုပ်ချုပ်နယ်မြေ၊ ခလယ်လွီထူခရိုင်-ညောင်လေးပင်ခရိုင် တပ်မဟာ (၃) နယ်မြေတွေမှာ ဇန်နဝါရီလ ၁ ရက်နေ့မှ ၁၅ ရက်နေ့အထိ ဖြစ်ပွားတဲ့ တိုက်ပွဲတွေ အတွင်း ဒုတပ်ရင်မှူး အပါအဝင် စစ်ကောင်စီတပ်သား ၄၇ ဦးသေဆုံးတယ်လို့ KNU က မနေ့က ထုတ်ပြန်ပါတယ်။

မဲခေါင်၊ ဇန်နဝါရီလ ၂၁

KNU-ကရင်အမျိုးသား အစည်းအရုံး ကော်သူးလေ အုပ်ချုပ်နယ်မြေ၊ ခလယ်လွီထူခရိုင်-ညောင်လေးပင်ခရိုင် တပ်မဟာ (၃) နယ်မြေတွေမှာ ဇန်နဝါရီလ ၁ ရက်နေ့မှ ၁၅ ရက်နေ့အထိ ဖြစ်ပွားတဲ့ တိုက်ပွဲတွေ အတွင်း ဒုတပ်ရင်မှူး အပါအဝင် စစ်ကောင်စီတပ်သား ၄၇ ဦးသေဆုံးတယ်လို့ KNU က မနေ့က ထုတ်ပြန်ပါတယ်။

ကရင်အမျိုးသား လွတ်မြောက်ရေး တပ်မတော်-KNLA၊ တပ်မဟာ (၃) လက်အောက်ခံ တပ်ရင်း (၈)၊ တပ်ရင်း (၉)၊ ကရင်အမျိုးသား ကာကွယ်ရေးတပ်ဖွဲ့-KNDO တပ်ရင်း (၃)၊ Federal Wings Drone တပ်ဖွဲ့တွေနဲ့ စစ်ကောင်စီတပ်တွေ အကြား မြေပြင် တိုက်ပွဲပေါင်း ၅၅ ကြိမ် ဖြစ်ပွားခဲ့တဲ့ အပြင် Federal Wings Drone တပ်ဖွဲ့မှလည်း ဝေဟင်တိုက်ခိုက်မှုပေါင်း ၁၄ ကြိမ် ပြုလုပ်ခဲ့တယ်လို့ သိရပါတယ်။

အဲဒီ တိုက်ပွဲတွေ အတွင်း စစ်ကောင်စီတပ်ရဲ့ ဒု-တပ်ရင်းမှူး တစ်ဦး အပါအဝင် ၄၇ ဦးခန့် သေဆုံးခဲ့ပြီး ၁၉ ဦးခန့် ထိခိုက်ဒဏ်ရာ ရရှိခဲ့တဲ့အပြင် အတည်မပြုနိုင်တဲ့ ထိခိုက် သေဆုံးမှုတွေလည်း ရှိတယ်လို့ သိရပါတယ်။

KNLA နဲ့ KNDO ဘက်မှ တိုင်းပြည်နဲ့ လူမျိုး အတွက် ၂ ဦး အသက်ပေးလှူခဲ့ရပြီး ၂ ဦး ထိခိုက်ဒဏ်ရာ ရရှိခဲ့တယ်လို့ ဆိုပါတယ်။

တိုက်ပွဲအတွင်း စစ်ကောင်စီတပ်ဖွဲ့ အသုံးပြုတဲ့ စစ်ကား ၂၁ စီးကိုလည်း ဖျက်ဆီးနိုင်ခဲ့တယ်လို့ သိရပါတယ်။

၁၅ ရက်အတွင်း နေ့စဉ် တိုက်ပွဲတွေ ဖြစ်ပွားပြီး စစ်ကောင်စီတပ်မှ ပြည်သူလူထု နေထိုင်တဲ့ ကျေးရွာတွေ အတွင်း ရည်ရွယ်ချက်ရှိရှိ လက်နက်ကြီးတွေနဲ့ ပစ်ခတ်ခဲ့တာကြောင့် ကျောက်ကြီးမြို့နယ်၊ မုန်းမြို့နယ် အုပ်ချုပ်နယ်မြေတွေ အတွင်းရှိ ပြည်သူ ၅,၀၀၀ ကျော် ထွက်ပြေး တိမ်းရှောင်နေရတယ်လို့ သိရပါတယ်။

စစ်ကောင်စီတပ်တွေရဲ့ လက်နက်ကြီး ပစ်ခတ်မှုကြောင့် အမျိုးသမီး တစ်ဦး ထိခိုက်ဒဏ်ရာ ရရှိခဲ့တယ်လို့လည်း KNU က ထုတ်ပြန်ထားပါတယ်။

MK-003

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

Uncategorized

အမျိုးသားညီညွတ်ရေးအစိုးရ ပြည်ထောင်စုဝန်ကြီးတွေနဲ့ ပြင်သစ် အောက်လွှတ်တော် ကိုယ်စားလှယ်အဖွဲ့ တွေ့ဆုံ

မဲခေါင်၊ ဖေဖော်ဝါရီ ၂ အမျိုးသား ညီညွတ်ရေး အစိုးရအဖွဲ့ ပြည်ထောင်စုဝန်ကြီးတွေနဲ့ ပြင်သစ် အောက်လွှတ်တော် ကိုယ်စားလှယ် အဖွဲ့တို့ မနေ့က
Uncategorized မြန်မာ့နွေဦး

စစ်ကောင်စီကို ဒုဝန်ကြီးချုပ် ၅ နေရာနဲ့ ပြင်ဆင်ဖွဲ့စည်း၊ နိုင်ငံခြားရေးဝန်ကြီး ဝဏ္ဏမောင်လွင်  စစ်ကောင်စီဝင်အဖြစ် ရွှေ့ပြောင်းခံရ

အာဏာသိမ်း ၂ နှစ်ပြည့်တဲ့ ဒီကနေ့မှာ မင်းအောင်လှိုင် ဦးဆောင်တဲ့ စစ်ကောင်စီကို ဒုဝန်ကြီးချုပ် ၅ ဦးနဲ့ ပြင်ဆင် ဖွဲ့စည်းလိုက်ပါတယ်။
Uncategorized

စစ်တပ်က လက်နက်ကြီးနဲ့ပစ်လို့ ကျုံဒိုးမြို့ပေါ်နဲ့ ကျေးရွာကဒေသခံတွေ နေရပ်စွန့်ခွာ ထွက်ပြေးရ

မဲခေါင်၊ ဇန်နဝါရီ ၂၄ ကရင်ပြည်နယ်၊ ကျုံဒိုးမြို့နယ်မှာ စစ်ကောင်စီတပ်က လက်နက်ကြီးနဲ့ ပစ်ခတ်မှုကြောင့် ကျုံဒိုးမြို့ပေါ် အပါအဝင် ကျေးရွာတွေက ဒေသခံ ၃,၀၀၀ ကျော် နေရပ်စွန့်ခွာ ထွက်ပြေးနေရတယ်လို့ သိရပါတယ်။
Uncategorized

ရွှေပြည်သာမှာ ဧည့်စာရင်းလာတိုင်တဲ့ လူငယ်ကို ရုံးစာရေးက သံတုတ်နဲ့ရိုက်လို့ ခေါင်းကွဲသွား

မဲခေါင်၊ ဇန်နဝါရီ ၂၃ ရန်ကုန်တိုင်း၊ ရွှေပြည်သာမြို့နယ် (၂၅) ရပ်ကွက်၊ ပြည်တော်သာလမ်းရှိ ရပ်ကွက်ရုံးမှာ ဧည့်စာရင်း လာတိုင်တဲ့ လူငယ် တစ်ဦးကို ရပ်ကွက်ရုံး စာရေးက သံတုတ်နဲ့ ရိုက်နှက်ခဲ့တယ်လို့ ဒေသခံတွေက ပြောပါတယ်။
Uncategorized

မြန်မာ၊ ကမ္ဘောဒီးယား လူမှောင်ခိုသမားများနဲ့ ဖိလစ်ပိုင် လ၀က အရာထမ်းများ ပူးပေါင်းနေဟု ထုတ်ပြန်

မဲခေါင်၊ ဇန်နဝါရီ ၂၁ ဖိလစ်ပိုင်နိုင်ငံသား လူငယ်နဲ့ အမျိုးသမီးငယ်အချို့ဟာ ကမ္ဘောဒီးယားနဲ့ မြန်မာနိုင်ငံက လူမှောင်ခိုသမားတွေလက်ထဲရောက်ရှိခဲ့ခြင်းက လူဝင်မှုကြီးကြပ်ရေးအရာရှိ ၃ ဦး ပါဝင် ပူးပေါင်းခဲ့တယ်လို့ သံသယရှိကြောင်း ဖိလစ်ပိုင် လူဝင်မှုကြီးကြပ်ရေးဌာန ပြောရေးဆိုခွင့်ရှိသူ ဒါနာဆန်ဒိုဗယ်က သတင်းထုတ်ပြန်ခဲ့ပါတယ်။
Uncategorized

စစ်ကောင်စီလက်နက်အင်အားတောင့်အောင် ပံ့ပိုးနေတဲ့အထဲ ဒီမိုကရေစီနိုင်ငံကြီးတွေပါဝင်နေတယ်လို့ဆို

ကုလသမဂ္ဂမြန်မာနိုင်ငံဆိုင်ရာ လွတ်လပ်သော နိုင်ငံတကာအချက်အလက်ရှာဖွေရေးမစ်ရှင်က ဇန်နဝါရီ ၁၆ ရက်နေ့မှာ ထုတ်ပြန်လိုက်တဲ့ အစီရင်ခံစာမှာတော့ ပြည်သူတွေကို သတ်ဖြတ်နေတဲ့ မြန်မာစစ်ကောင်စီကို လက်နက်နဲ့နည်းပညာကုန်ကြမ်းတွေ ပံ့ပိုးရောင်းချနေတဲ့ ကုလသမဂ္ဂအဖွဲ့ဝင်နိုင်ငံပေါင်း အနည်းဆုံး ၁၃ နိုင်ငံရှိနေပြီး ဒီအထဲမှာ အမေရိကန်၊ ဂျပန်၊