မဲခေါင်၊ ဖေဖော်ဝါရီ ၁၇
ဖေဖော်ဝါရီ ၁၆ ရက်နေ့က ထွက်တဲ့ ထိုင်းထီမှာ ဘတ် ၁၂ သန်းကံထူးသွားတဲ့ အသက် ၇၂နှစ်အရွယ် ထိုင်းအဘွားအိုဟာ ငွေကြေးချမ်းသာသွားပေမယ့် ထိုင်းရိုးရာဆန်မုန့် ရောင်းချတဲ့ အလုပ်ကိုပဲ ဆက်လက်လုပ်ကိုင်သွားမယ်လို့ ဖွင့်ဟလာပါတယ်။
ဘတ် ၁၂ သန်းထီကို ထိုင်းနိုင်ငံမြောက်ပိုင်း အက်တာရာဒစ်ခရိုင်က ဖမ်းဖတ်ပီလာချန်းဆိုတဲ့ အဘွားအို ကံထူးသွားတာဖြစ်ပြီး ပထမ ထီပေါက်မှန်းမသိပေမယ့် မူးန်((Mueang) ခရိုင်၊ ခွန်းနိုင်စျေးထဲမှာ ဆန်မုန့်ရောင်းနေရင်း ဘေးကအသိစျေးသည်တွေ ထီတိုက်တော့မှ သူ့ထီလက်မှတ်ပေါက်မှန်းသိလို့ အဖွားအို ပျော်လွန်းလို့ ကခုန်အော်ခဲ့ပါတယ်။
အဘွားအိုက ထီထွက်မယ့်မနက်ကမှ လက်ယားနေလို့ သူရောင်းနေတဲ့စျေးထဲက ထီဆိုင်ကိုသွားပြီး ထီ ၂စောင်ထိုးခဲ့ရာက ဘတ် ၁၂ သန်းကံထူးတာဖြစ်ပါတယ်။
သူ့မြေးလေးရဲ့ ၂၅ နှစ်မြောက်မွေးနေ့က ဖေဖော်ဝါရီ ၁၇ ရက်နေ့မှာ ကျရောက်ခဲ့လို့ ၁၇ နဲ့ ဆုံးတဲ့နံပါတ် ရှာထိုးရင်း ကံထူးသွားတာ ဖြစ်ကြောင်း၊ တစ်သက်လုံး မိသားစုကို ထိုင်းရိုးရာ ဆန်မုန့်လုပ်ရောင်းရင်းကျွေးမွေးလာရလို့ ဒီအလုပ်ပဲ ဆက်လုပ်သွားမယ်လို့ ဝမ်းသာအားရပြောသွားခဲ့ပါတယ်။
“ လောလောဆယ် ကျွန်မချစ်ရတဲ့ သားတွေ၊ မြေးတွေကို အကုန်အိမ်ပြန်ခေါ်မယ်။ ဆွေမျိုးတွေအားလုံးက ဘန်ကောက်မှာ။ အရင်ဆုံး အကြွေးတွေဆပ်မယ်။ ပြီးရင် တစ်သက်လုံး စျေးထဲဆိုင်ငှားပြီး ဆန်မုန့်ရောင်းလာရတဲ့အတွက် ကိုယ်ပိုင်ဆိုင်လေးဝယ်ပြီး ဒီအလုပ်ပဲ ဆက်လုပ်သွားမယ်။ တစ်ဘ၀လုံး ဒီအလုပ်နဲ့ မိသားစုကို ကျွေးမွေးလာခဲ့တာဖြစ်လို့ စျေးရောင်းတဲ့အလုပ်ကို မစွန့်လွှတ်နိုင်ဘူး။ ကလေးတွေအားလုံးကို ဒီငွေတွေခွဲပေးခဲ့မယ်” လို့ အဘွားက ဝမ်းသာအားရပြောပါတယ်။
၁၆ ရက်နေ့ထွက်တဲ့ ထိုင်းထီပေါက်ဂဏန်းတွေထဲမှာ ၁၇ စောင်တွဲ ဘတ် ၄၂ သန်းပေါက်သူလဲရှိခဲ့သေးပေမယ့် ဆုလာမထုတ်သေးလို့ ဘယ်သူမှန်းမသိရသေးကြောင်းလည်း ဒေသခံမီဒီယာတွေက ဆိုပါတယ်။
MKF – 001
Ref: thethaiger