မဲခေါင်၊ ဖေဖော်ဝါရီ ၂၅
ဥရောပသမဂ္ဂရဲ့ အမှုဆောင်အဖွဲ့ခွဲ တစ်ခုဖြစ်တဲ့ ဥရောပ ကော်မရှင်က ဆိုက်ဘာ လုံခြုံရေး အခြေအနေ စိုးရိမ်ရလို့ သူတို့ ဝန်ထမ်းအားလုံး TikTok လုံး၀ မသုံးဖို့ ဖေဖော်ဝါရီ ၂၃ ရက်နေ့မှာ အတည်ပြု ထုတ်ပြန်ပါ တယ်။
တရုတ်နည်းပညာ ကုမ္ပဏီက ထုတ်ထားတဲ့ TikTok ဟာ Install လုပ်လိုက်တာနဲ့ ဖုန်းထဲက ကိုယ်ရေး အချက်အလက် တွေကို ခိုးယူသိရှိပြီး ဒီနည်းစနစ်ကနေ တရုတ်အစိုးရက နောက်ကွယ်ကနေ ကမ္ဘာ့အတွင်းရေး တွေကို လူ့အခွင့်အရေး ချိုးဖောက် ရယူနေတယ်လို့ ခိုင်ခိုင်မာမာ စွပ်စွဲမှုတွေ ရှိနေခဲ့ပါတယ်။
ဒါကြောင့် ကမ္ဘာတစ်လွှား လူသုံးများနေတဲ့ TikTok ကို အမေရိကန် အပါအဝင် ထိပ်သီး နိုင်ငံကြီးတွေက သူတို့ အစိုးရ ဝန်ထမ်းတွေ မသုံးဖို့ ပိတ်ပင်ထားမြစ်ခဲ့တာ လအနည်းငယ် ကြာခဲ့ပါပြီ။
TikTok ဟာ နိုင်ငံတကာ ဒစ်ဂျစ်တယ် ဝန်ဆောင်မှု အက်ဥပဒေ (DSA) ရဲ့ ဥပဒေ စည်းကမ်းတွေ အတိုင်း လူ့အခွင့်အရေး မချိုးဖောက်တဲ့ နည်းစနစ်တွေနဲ့ စက်တင်ဘာ ၁ ရက်နေ့ မတိုင်ခင် မှတ်ပုံတင်နိုင်ခဲ့ရင်တော့ ဒီလို ပိတ်ပင်စရာ မလိုကြောင်း ဥရောပ ကော်မရှင် ပြောရေးဆိုခွင့်ရှိသူ ဆွန်ညာဂေါ်စပိုဒီနိုဗာ ကပြောပါတယ်။
လက်ရှိ ဥရောပ ကော်မရှင်မှာ ဝန်ထမ်း ၃၂,၀၀၀ ဝန်းကျင်ရှိနေပြီး သူတို့သက်ဆိုင်ရာ ဖုန်းနဲ့ ဆက်စပ် ပစ္စည်းတွေမှာ မတ် ၁၅ ရက်နေ့ မတိုင်ခင် TikTok ကို ဖျက်ပစ်ရမှာ ဖြစ်တယ်လို့လည်း ဂေါ်စပိုဒီနိုဗာက အတည်ပြုပါတယ်။
Ref: bgr
MKF-001