မဲခေါင်၊ ဇန်နဝါရီ ၂၁
ဖိလစ်ပိုင်နိုင်ငံသား လူငယ်နဲ့ အမျိုးသမီးငယ်အချို့ဟာ ကမ္ဘောဒီးယားနဲ့ မြန်မာနိုင်ငံက လူမှောင်ခိုသမားတွေလက်ထဲရောက်ရှိခဲ့ခြင်းက လူဝင်မှုကြီးကြပ်ရေးအရာရှိ ၃ ဦး ပါဝင် ပူးပေါင်းခဲ့တယ်လို့ သံသယရှိကြောင်း ဖိလစ်ပိုင် လူဝင်မှုကြီးကြပ်ရေးဌာန ပြောရေးဆိုခွင့်ရှိသူ ဒါနာဆန်ဒိုဗယ်က သတင်းထုတ်ပြန်ခဲ့ပါတယ်။
လဝကတာဝန်ရှိသူတွေဟာ တရုတ်လူလိမ် လူမှောင်ခိုကူးဂိုဏ်းတွေနဲ့ပတ်သက်ကြောင်း သတင်းထွက်လာပြီးကတည်းက ဖိလစ်ပိုင်လွှတ်တော်အမတ် ရီဆာဟွန်တီဗားရို့စ်က အစိုးရရဲ့ မေးမြန်းမှု တစ်စုံတစ်ရာမခံရဘဲ နိုင်ငံထဲက ထွက်သွားချင်သူတွေအတွက် တစ်ဦးကို ဖိလစ်ပိုင် ပီဆိုငွေ ၇၅၀၀၀ ကနေ ၁၀၀၀၀၀ အထိ လ၀က အရာရှိတွေကို ပေးရကြောင်း စီအိုင်အေက ဖော်ထုတ်ခဲ့ပါတယ်။
ဖိလစ်ပိုင် လူဝင်မှုကြီးကြပ်ရေးဌာန ပြောရေးဆိုခွင့်ရှိသူ ဒါနာဆန်ဒိုဗယ် က “အပြီးသတ်ကောက်ချက်ချဖို့ စောလွန်းနေသေးပေမယ့် ကနဦးစုံစမ်းစစ်ဆေးမှုတွေ အရ ဌာနရဲ့ တာဝန်ရှိသူသုံးဦးဟာ လူမှောင်ခိုဂိုဏ်းတွေနဲ့ ပူးပေါင်းဆောင်ရွက်ခဲ့တယ်ဆိုတာ သိရတယ်။ နှစ်ယောက်က နီနွိုင်အာကွီနိုနိုင်ငံတကာလေဆိပ်မှာ တာဝန်ချထားသူတွေဖြစ်ပြီး နောက်တစ်ဦးက ကလက်ခ် နိုင်ငံတကာလေဆိပ်မှာ တာဝန်ချထားပေးသူဖြစ်တယ်။ စုံစမ်းမှုတွေပိုမိုချောမွေ့စေဖို့ ဒီသုံးယောက်ကို အလုပ် တာဝန်ရပ်ဆဲထားပါတယ်” လို့ ရှင်းလင်းပြောကြားခဲ့ပါတယ်။
ဒီလူတွေဟာ တရုတ် ဒုစရိုက်ဂိုဏ်း သားတွေအတွက် ခရစ်ပတို ငွေကြေးလဲလှယ်မှုကိုပါ ပူးပေါင်းလုပ်ဆောင်ပြီး လူမှောင်ခိုမှုမှာ ပတ်သက်ပါဝင် နေခဲ့ကြတယ်လို့ ဝေဖန်ပြောကြားခဲ့ပါတယ်။ဒီအမှုကို လက်ရှိမှာ ဖိလစ်ပိုင်တရားရေးဌာနကို အပြီးသတ်လွှဲအပ်လိုက်ပြီဖြစ်ကြောင်းလည်း ဆန်ဒိုဗယ်က အသိပေးပြောကြားသွားပါတယ်။
၂၀၂၂ ခုနှစ် ဖိလစ်ပိုင် လူမှောင်ခိုကူးခြင်း အစီရင်ခံစာမှာ ကလေးငယ်အပါအဝင် ဖိလစ်ပိုင်နိုင်ငံသူ နိုင်ငံသား ၆၀၀၀၀ ကနေ ၁၀၀၀၀၀ အထိ လူမှောင်ခိုကူးခံရပြီး လိင်ကျွန်၊ အဓမ္မ အလုပ် ခိုင်းစေခံရမှုနဲ့ ဆိုက်ဘာ လိမ်လည်ခိုင်းမှုတွေကို မြန်မာ၊ ကမ္ဘောဒီးယားနိုင်ငံတွေမှာ အများဆုံး ခိုင်းစေခံနေရတယ်လို့ သိရပါတယ်။
Ref: globalnation.inquire
MKF – 001
