မဏိပူရပြည်နယ်၊ မိုရေးမြိုအနီး အိန္ဒိယ-မြန်မာနယ်စပ်တွင် အာသံရိုင်ဖယ်တပ်ရင်းမှ စစ်မှုထမ်း ၄၃ ယောက်က နယ်စပ်ဂိတ်တဂိတ်ကို စစ်ဆေးစဉ် လက်လုပ်မိုင်းအလုံး ၂၀၀ ကျော်၊ အလေးချိန်အားဖြင့် ၅၈၂ ကီလိုဂရမ်ကို သိမ်းဆည်းရမိသည်။
မီဇိုရမ်ပြည်နယ်မှကျေးရွာတရွာ၏ အထူးသတင်းပေးပိုမှုကြောင့် သွားရောက်စစါဆေးစဉ် သိမ်းဆည်းရမိခြင်းဖြစ်သည်။
ထိုလက်နက်များသည် ပါကစ္စတန်စစ်တပ်နှင့် ထောက်လှမ်းရေးအေဂျင်စီတိုနှင့်ဆက်စပ်မှုရှိနိုင်ကြောင်း အိန္ဒိယစစ်တပ်ဘက်ကပြောသည်။
ပါကစ္စတန်ထောက်လှမ်းရေးအေဂျင်စီ ISI က အိန္ဒိယအကြမ်းဖက်များကို ထောက်ပံ့ထားခြင်းဖြစ်ကြောင်း အာသံရိုင်ဖယ်တပ်ရင်းမှ အရာရှိကြီးတယောက်ကပြောသည်။
အိန္ဒိယတွင် အုံကြွမှုများဖန်တီးရန် ISI သည် အိန္ဒိယအစိုးရကအကြမ်းဖက်အဖွဲများအဖြစ်ကြေညာထားသည့် NSCN (IM)၊ Manipur Liberation Army၊ ULFA တိုကိုအသုံးချပြီး မြန်မာနိုင်ငံမှ လက်နက်များတင်သွင်းနေကြောင်း မဏိပူရပြည်နယ်အခြေစိုက် APN သတင်းအေဂျင်စီကဖော်ပြသည်။
အိန္ဒိယစစ်ထောက်လှမ်းရေးအစီရင်ခံစာများအရ အာသံရိုင်ဖယ်တပ်ရင်းနှင့် အိန္ဒိယစစ်တပ်တိုက အိန္ဒိယနှင့်ထိစပ်နေသည့် ဘင်္ဂလားဒေ့ရှ်၊ မြန်မာ၊ တရုတ်နိုင်ငံများနှင့်နိုင်ငံတကာနယ်နိမိတ်များကို စေ့စေ့စပ်စပ်စောင့်ကြည့်နေသည်ဟု သိရသည်။
စောင့်ကြည့်နေခြင်းသည် အိန္ဒိယပြည်ထဲရေးဝန်ကြီးဌာနအမိန့်အရဖြစ်ကြောင်း စစ်တပ်အရာရှိကြီးတယောက်၏ အစီရင်ခံစာတွင်ပါဝင်သည်။
