လာအိုနိုင်ငံမှ မဲခေါင်မြစ်ကိုကူးပြီး ထိုင်းဘက်သို့မှောင်ခိုကူးရန် မက်သာဖက်တမင်းဆေးပြား ၇၄၀၀၀ နှင့် မက်သာဖက်တမင်းအခဲ ၁ ကီလိုဂရမ်သယ်လာသည့် အမျိုးသားတယောက်ကို ထိုင်းစစ်သားများက အင်္ဂါနေ့ညတွင် ဖမ်းဆီးခဲ့သည်။
သာချမ်ပါမြို့နယ်မှရွာတရွာအနီး မဲခေါင်မြစ်ကမ်းပါးတွင် အထူးတပ်ဖွဲ့မှ ကင်းလှည့်အဖွဲ့က စောင့်ဆိုင်းခဲ့သည်။
အင်္ဂါနေ့ညတွင် လာအိုမှမူးယစ်ဆေးများမှောင်ခိုသယ်ဆောင်လာမည်ဟု သတင်းအရ နေရာဖြန့်ကျက်ယူထားခြင်းဖြစ်သည်။
မြစ်ကမ်းတွင် သေတ္တာ ၂ လုံးကိုတင်နေသည့်အမျိုးသား ၃ ယောက်ကို တွေ့ခဲ့ပြီး အထူးတပ်ဖွဲ့က သူတို့ကိုဖမ်းခဲ့သည်။
၂ ယောက်ထွက်ပြေးခဲ့ပြီး သာအူသန်မြို့ရှိ နောင်သောင်မြို့နယ်မှ အသက် ၃၆ နှစ်ရှိသူ ဝိသာရ ရီယာဘတ်ကို ထိန်းသိမ်းရမိခဲ့သည်။
ထိုသေတ္တာ ၂ ခုတွင် မက်သာဖက်တမင်းဆေးပြား ၇၄၀၀၀ နှင့် မက်သာဖက်တမင်းအခဲ(အိုက်စ်) ၁.၀၈ ကီလိုဂရမ်ကို အထုပ်အသေးများဖြင့် ထည့်ထားသည်တို့ ပါဝင်သည်။
တန်ဖိုး ဘတ် ၁၀ သန်းရှိပြီး လာအိုနိုင်ငံမှလှေဖြင့် မှောင်ခိုကုန်ကူးလာခြင်းဖြစ်သည်ဟု ယူဆရသည်။
ဖမ်းခံရသူလည်း မူးယစ်ဆေးသုံးစွဲထားပုံရကြောင်း စစ်သားများကပြောပြီး သူ့ကို မူးယစ်ဆေးကုန်ကူးမှုဖြင့် သာအူသန်ရဲတပ်ဖွဲ့ထံလွှဲပြောင်းပြီး တရားရေးလုပ်ငန်းစဉ်များဆက်လက်ဆောင်ရွက်နေသည်။