မဲခေါင်၊ ဇွန် ၁၂
ရှမ်းပြည်နယ်တောင်ပိုင်း ၊ ဖယ်ခုံမြို့နယ်၊ ခေါင်းအိကျေးရွာ တိုက်ပွဲမှာ ကျဆုံးသွားတဲ့ စနိုက်ပါ လက်ဖြောင့် ရဲဘော် ၂ ဦးရဲ့ဈာပနကိုမနေ့က ပြုလုပ်ခဲ့တယ်လို့ မိုးဗြဲ PDF-2 က ထုတ်ပြန်ပါတယ်။
ဖယ်ခုံမြို့နယ်၊ ခေါင်းအိကျေးရွာကို ဇွန်လ ၁၀ ရက်က စစ်ကြောင်းထိုးလာတဲ့ စစ်ကောင်စီတပ်တွေနဲ့ ဒေသခံတော်လှန်ရေး အင်အားစုတို့ တိုက်ပွဲတွေပြင်းထန်ခဲ့ပြီး စစ်တပ်ပစ်တဲ့ လက်နက်ကြီးကျည်ထိမှန်ခဲ့တာကြောင့် စနိုက်ပါ လက်ဖြောင့် ရဲဘော် နာတားလက်နဲ့ ကျောင်းသား ရဲဘော် မောင်ဂျော်နိုင် တို့ ကျဆုံးခဲ့ရတယ်လို့ ဆိုပါတယ်။
ကျဆုံးရဲဘော် ၂ ဦးဟာ တိုက်ပွဲတိုင်းမှာ စစ်ကောင်စီကို ရွပ်ရွပ်ချွန်ချွန် ပါဝင်တိုက်ခိုက်တတ်တဲ့ ရဲဘော်တွေဖြစ်လို့ တပ်ရင်းတပ်ဖွဲ့အတွက် ကြီးမားတဲ့ ပေးဆပ်မှု တစ်ရပ်ဖြစ်တယ်လို့ မိုးဗြဲ PDF-2 က ပြောပါတယ်။
ရဲဘော် နာတားလက်နဲ့ ရဲဘော် မောင်ဂျော်နိုင်တို့ကို စစ်အာဏာရှင်စနစ်ကို တိုက်ထုတ်ရင်းကျဆုံးသွားတဲ့ အာဇာနည်တွေအဖြစ် မှတ်တမ်းတင်အလေးနီပြုသလို မိသားစုနဲ့ ထပ်တူ ဝမ်းနည်းရတယ်လို့ ထုတ်ပြန်ချက်မှာဖော်ပြထားပါတယ်။
MK-007
#MeKongNews
#မိုးဗြဲPDF
#ရဲဘော်နှစ်ဦး