မဲခေါင်၊ ဧပြီ ၇
အင်အား ၄ ဒဿမ ၆ ရစ်ချ်တာစကေးရှိတဲ့ ငလျင်တစ်ခု ဧပြီလ ၆ရက်နေ့ မနက်ပိုင်း ရှမ်းပြည်တောင်ပိုင်းကို ဗဟိုပြုပြီး လှုပ်သွားတာကြောင့် ရှမ်းပြည်တောင်ပိုင်း၊ လင်းခေးမြို့နယ်ထဲက ဘုန်းကြီးကျောင်းဆောင်တစ်ဆောင် ပျက်စီးသွားတယ်လို့ သိရပါတယ်။
ရှမ်းပြည်တောင်ပိုင်း၊ လင်းခေးမြို့နယ်ထဲမှာရှိတဲ့ မက်ကျန်းမွမ်းပရဟိတကျောင်းဝန်းအတွင်းက မဟာမြတ်မုနိကျောင်းဆောင် ပျက်စီးသွားတာဖြစ်တယ်လို့ အဲဒီကျောင်းမှာ သီတင်းသုံးနေတဲ့ ဘုန်းကြီးတပါးက မိန့်ပါတယ်။
ငလျင်ဒဏ်ကြောင့် ကျောင်းဆောင်ရဲ့ မျက်နှာကျက်တွေ ကြွေကျပျက်စီးသွားပြီး ပျိုလဲတာမျိုးတော့ မရှိဘူးလို့ သိရပါတယ်။
ငလျင်ဟာ ဧပြီလ ၆ရက် မနက် ၇နာရီ ၁၅မိနစ်ခန့်က နမ့်စန် မြေငလျင် စခန်း အရှေ့တောင်ဘက် ၃၅ မိုင်၊ လင်းခေးမြို့ အနောက်မြောက် ၇ မိုင်အကွာ၊ မြောက်လတ္တီတွဒ် ၂၀ ဒသမ ၃၉ ဒီဂရီ၊ အရှေ့လောင်ဂျီတွဒ် ၉၇ ဒသမ ၉၀ ဒီဂရီ၊ အနက် ၂ ကီလိုမီတာကို ဗဟိုပြုပြီး လှုပ်ခဲ့တယ်လို့မိုးဇလက ထုတ်ပြန်ထားပါတယ်။
Photo – Pi Huang Hai