မဲခေါင်၊ ဧပြီ ၂၄
ရှမ်းပြည်နယ်မှာ ရှမ်းတိုင်းရင်းသား လက်နက်ကိုင်အဖွဲ့တွေ ဖြစ်တဲ့ SSPP နဲ့ RCSS တို့ အခု ရက်ပိုင်း အတွင်း တိုက်ပွဲတွေ ဖြစ်ပွားနေရာ ရပ်တန့်ဖို့ ရှိပေမယ့် RCSS က ချောင်းမြောင်း ပစ်ခတ်နေလို့ တိုက်ပွဲတွေ ဆက်ဖြစ်နေတာလို့ မတ်လ ၂၃ ရက်မှာ SSPP က ထုတ်ပြန်ပါတယ်။
SSPP ဘက်က ပစ်ခတ်မှု ရပ်တန့်မှာ ဖြစ်ပေမယ့် RCSS ဘက်က ချောင်းမြောင်း ပစ်ခတ်တာ၊ တိုက်ပွဲ ဖော်ဆောင်တာနဲ့ မိုင်းထောင်တာတွေ အဆက်မပြတ် လုပ်နေတာကြောင့် တိုက်ပွဲတွေ ဆက်ဖြစ်နေရတယ်လို့ SSPP က ပြောပါတယ်။
ပြီးခဲ့တဲ့ ဧပြီ ၂၁ ရက်နေ့မှာ SSPP ရဲ့ လှုပ်ရှား စစ်ကြောင်းတွေကို လဲချားမြို့နယ်ထဲက ကန်အုံ၊ ဟိုင်းဆိုင် အထိ ရောက်ရှိပြီးနောက် စစ်ရေး လှုပ်ရှားမှုတွေ ရပ်တန့်ကာ ဟိုင်းဆိုင် မြောက်ပိုင်း အထိ တပ်ဆုတ်ခဲ့ပေမယ့် RCSS က မတ်မုံဆန်းရွ မှာ တကြိမ်၊ ဧပြီ ၂၂ ရက် မတ်ကောက်ရွာမှာ တကြိမ် SSPP စစ်ကြောင်းကို ချောင်းမြောင်း ပစ်ခတ်ခဲ့တယ်လို့ ဆိုပါတယ်။
အဲဒီလို အခြေအနေတွေကြောင့် မနေ့က ဧပြီ ၂၃ ရက် မနက် ၁၀ နာရီဝန်းကျင် ကွန်ဟိန်းမြို့နယ်၊ နမ့်တွတ်ရွာ အနောက်ဘက်က လွိုင်ဟုန်းငူးတောင်မှာ တိုက်ပွဲတွေ ဆက်လက် ဖြစ်ပွားခဲ့ပြီး စစ်သုံ့ပန်း တစ်ဦး၊ M-22 တစ်လက်နဲ့ စစ်အသုံးအဆောင်တချို့၊ တပ်ရင်း တံဆိပ်ပါ လည်ပတ်တွေ သိမ်းဆည်းရမိ ခဲ့တယ်လို့ SSPP ရဲ့ ထုတ်ပြန်ချက်အရ သိရပါတယ်။
MK-009