မဲခေါင်၊ ဧပြီ ၁၇

ဧပြီ ၁၅ ရက်နေ့က ပြန်ပေးဆွဲမှု၊ လူသတ်ဖို့ကြိုးစားမှုတွေနဲ့ ဖမ်းဆီးခံခဲ့ရတဲ့ အိန္ဒိယလွှတ်တော်အမတ်ဟောင်းနဲ့ ညီဖြစ်သူတို့ကို ရဲတပ်ဖွဲ့ခြံရံထားတဲ့ကြား၊ မီဒီယာတွေရုပ်သံတိုက်ရိုက် လွှင့်နေချိန်မှာပဲ လုပ်ကြံသူတွေက သေနတ်နဲ့ အချက်ပေါင်းများစွာ ပစ်သတ်သွားပါတယ်။ 

၂၀၀၄ ခုနှစ်ကနေ ၂၀၀၉ ခုနှစ်အထိ လွှတ်တော်အမတ်လုပ်ခဲ့သူ အာတစ်အာမက်နဲ့ ညီဖြစ်သူတို့ဟာ ထောင်တွင်း ဖမ်းဆီးခံထားရချိန် ကျန်းမာရေးစစ်ဆေးဖို့ အက်တာပရာဒက်ရှ်ပြည်နယ် ပရာယာဂရက်ဇ်မြို့ ဆေးရုံကို ရဲတပ်ဖွဲ့ စောင့်ကြပ်မှုနဲ့အလာ မီဒီယာတွေဝိုင်းအုံနေချိန်မှာပဲ သေနတ်နဲ့ ၂၂ စက္ကန့်အတွင်း ၁၄ ချက်ပစ်ခံရလို့ ညီဖြစ်သူနဲ့ အတူ သေဆုံးခဲ့ရတာဖြစ်ပါတယ်။

၂၀၁၉ ခုနှစ်က အာတစ်အာမက်ဟာ ပြန်ပေးဆွဲမှု၊ လူသတ်ဖို့ ကြိုးစားမှုနဲ့ ထောင်ချခံခဲ့ရပြီး မကြာသေးခင်ကပဲ ရဲတွေဟာ သူ့ကို လုပ်ကြံသတ်ဖြတ်ဖို့ ကြိုးစားနေလို့ အကာအကွယ်ပေးဖို့ တရားရုံးချုပ်ထံ အသနားခံစာတင်ခဲ့ ပါသေးတယ်။ 

ဒီတစ်ပတ်အစောပိုင်းက အာတစ်အာမက်ရဲ့ ဆယ်ကျော်သက်အရွယ် သားဖြစ်သူ အာဆက်နဲ့ နောက်တစ်ယောက်ဟာလည်း ရဲတပ်ဖွဲ့နဲ့ ပစ်ခတ်မှုဖြစ်စဉ်မှာ သေဆုံးခဲ့ရပါသေးတယ်။

အခု လူပုံအလယ် လုပ်ကြံမှုနဲ့ပတ်သက်လို့ တရာခံ ၂ ယောက်နဲ့ သတင်းထောက်ယောင်ဆောင်ပြီး ပူးပေါင်းပါဝင် ဖွယ်ရှိတယ်လို့ သံသယရှိသူ တစ်ယောက်ကို ဖမ်းဆီးထားပြီး တီဝါရီ၊ ဆန်နီနဲ့ အာရန်မော်ရေးဆိုတဲ့ဒီ ၃ ယောက် ဟာ ဖမ်းဆီးထိန်းသိမ်းခံရပြီးနောက် ဟိန္ဒူဘာသာစကားနဲ့ ဂျိုင်ရှရီရမ် လို့ အော်ဟစ်ကြွေးကျော်ခဲ့ကြပါတယ်။ 

အဓိပ္ပါယ်ကတော့ ရာမဘုရားအတွက်အောင်ပွဲ လို့ဆိုကြောင်း ဘီဘီစီ သတင်းမှာ ရေးသားဖော်ပြခဲ့ပါတယ်။

MKF – 001

Ref: BBC

#MeKongNews 

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)