ထိုင်းနိုင်ငံမြောက်ပိုင်းတွင် ကင်းလှည့်ခဲ့သည့် လုံခြုံရေးတပ်ဖွဲ့ဝင်များက ပြီးခဲ့သည့်တပတ်အတွင်း ယာဘဆေးပြားသိန်း ၇၀ ကျော်ကိုသိမ်းဆည်းရမိသည်ဟု ထိုင်းအစိုးရဘက်ကပြောသည်။
မြန်မာ-ထိုင်းနယ်စပ်ပေါက်များမှတဆင့် မူးယစ်ဆေးကုန်ကူးမှု ဖြစ်နေသေးကြောင်း ထိုင်းစစ်တပ်ပြောခွင့်ရသူ ဒုတိယဗိုလ်ချုပ်ကြီး ဆန်သီပေါင် သမ်မပီယက တနင်္ဂနွေနေ့တွင် ပြောသည်။
ပြီးခဲ့သည့် အင်္ဂါနေ့မှစနေနေ့အထိ ဖမောင်အထူးတပ်ဖွဲ့မှ လုံခြုံရေးတပ်ဖွဲ့ဝင်များနှင့် အမှတ် ၅ မူးယစ်ဆေးဝါးထိန်းချုပ်ရေးဌာနခွဲတို့ ပူးပေါင်းအဖွဲ့က မူးယစ်ဆေးတရားမဝင်ကုန်ကူးသူ ၂ ယောက်ကို ဖမ်းဆီးခဲ့သည်။
အင်္ဂါနေ့တွင် ချင်းမိုင်၌ ပစ်ကပ်ကားတစီးမောင်းလာသည့် မူးယစ်ဆေးကုန်ကူးသူကို အရာရှိများကဖမ်းဆီးခဲ့ပြီး သူ့ကားထဲတွင် ယာဘအလုံးသိန်း ၄၀ တွေ့ရသည်။
ထိုဖမ်းဆီးမှုမှ ဆက်စပ်ဖြစ်ရပ်အနေဖြင့် စနေနေ့တွင် နောက်ထပ်မူးယစ်ဆေးကုန်ကူးသည့် လုပ်ငန်းတခုကို ဖမ်ဆီးခဲ့သည်။
ချင်းမိုင်တွင်ပင် နောက်ထပ်ပစ်ကပ်ကားတစီးကို ဖမ်းဆီးခဲ့ပြီး ကားထဲတွင် ယာဘအလုံးသိန်း ၃၀ ထပ်တွေ့ခဲ့သည်။
