မဲခေါင်၊ မတ် ၅
တရုတ်အမျိုးသားလွှတ်တော်ဟာ ၂၀၂၃ ခုနှစ်အတွက် စစ်ရေးအသုံးစရိတ် ဘတ်ဂျက်ကို ထပ်မံမြှင့်တင်ပြီး ဒေါ်လာ ၂၂၄ ဘီလီယံအထိ အသုံးပြုသွားဖို့ရှိကြောင်း အတည်ပြုထုတ်ပြန်ပါတယ်။
နောက် ၈ ရက်အတွင်း တရုတ်အမျိုးသားပြည်သူ့လွှတ်တော်အစည်းအဝေးအပြီးအစီးကျင်းပပြီးခဲ့ရင် တရုတ် အစိုးရဟာ နိုင်ငံစီးပွားရေးဖွံ့ဖြိုးတိုးတက်လာမှုအနေအထားအရ ၂၀၂၃ ခုနှစ်အတွက် စစ်ရေးအသုံးစရိတ်ကို အတည်ပြုထုတ်ပြန်တော့မှာဖြစ်ပါတယ်။
လက်ရှိ ကိုဗစ်ကပ်ဆိုး ၃ နှစ် လွန်မြောက်ချိန် နိုင်ငံစီးပွားရေးဖွံ့ဖြိုးတိုးတက်မှုဟာ ၅ ရာခိုင်နှုန်းအထိ ပြန်လည်မြင့် တက်လာစေမှာ သေချာနေတဲ့အတွက် ၂၀၂၃ ကာကွယ်ရေးအသုံးစရိတ်ကို မနှစ်ကထက် ၇ ဒဿမ ၂ ရာခိုင်နှုန်းအထိ တိုးမြှင့်ပြီး ဒေါ်လာ ၂၂၄ ဘီလီယံအထိ အသုံးပြုသွားဖို့ လျာထားလိုက်တာ ဖြစ်ပါတယ်။
ပထဝီနိုင်ငံရေးအခြေအနေတင်းမာမှုတွေ ပိုမြင့်တက်လာမှုအရ စစ်ရေးအသုံးစရိတ်ကို မနှစ်က ၇ ရာခိုင်နှုန်း တိုးမြှင့်ခဲ့ရာကနေ ဒီနှစ်အတွက် ၇ ဒဿမ ၂ ရာခိုင်နှုန်းထပ်တိုးကြောင်း မတ် ၅ ရက်နေ့ အစီရင်ခံစာမှာ ဖော်ပြပါရှိခဲ့ ပါတယ်။
တရုတ်ဟာ လက်ရှိမှာ ယူကရိန်းကိုကျူးကျော်စစ်ဆင်နွှဲနေတဲ့ ရုရှားကို စစ်ရေးထောက်ပံ့မှုတွေ လုပ်နေတယ်လို့ အမေရိကန်က စွပ်စွဲထားသလို သတိလည်းပေးထားတဲ့အနေအထားမှာ ထိုင်ဝမ်နဲ့ စစ်ရေးတင်းမာမှု၊ အာရှ-ပစ္စိဖိတ်ဒေသတွင်း စစ်ရေးမဟာဗျူဟာပိုင်းမှာ အမေရိကန်နဲ့ အနောက်အင်အားစုတွေနဲ့ အားပြိုင်နေရမှုတွေ ကြောင့် ၂၀၁၅ ခုနှစ်က စစ်ရေးအသုံးစားရိတ်ထက် ၂ ဆ ပိုများတဲ့ ဒေါ်လာ ၂၂၄ ဘီလီယံသုံးဖို့ ကွန်မြူနစ်ပါတီက ဦးဆောင် ဆုံးဖြတ်ခဲ့တာဖြစ်ပါတယ်။
MKF – 001
#MeKongNews
Ref: CNN