ကိုရိုနာဗိုင်းရပ်စ်ကူးစက်မှုကြောင့် လူစုလူဝေးပြုလုပ်ခွင့်ပိတ်ပင်ထားသည့် ဒေသန္တရအမိန့်ကို ချိုးဖောက်သည်ဟုဆိုကာ မြန်မာနိုင်ငံသား ၁၂ ယောက်ကိုဖမ်းဆီးခဲ့ကြောင်း ဆာမွန်ပရာခန်းခရိုင်ရှိ ဘန်ဖီရဲစခန်းက တနင်္ဂနွေနေ့ညတွင် ပြောသည်။
ည ၁၁ နာရီတွင် လူဝင်မှုကြီးကြပ်ရေးနှင့် ဘန်ဖီရဲစခန်းတို့၏ ပူးပေါင်းလှည့်ကင်းက တိုက်ခန်းတွဲတခုမှ တိုက်တတိုက်ကို သတင်းအရရှာဖွေခဲ့သည်။
အဆောက်အဦတဖက်တွင် လောင်းကစားလုပ်နေသည့် အမျိုးသား ၉ ယောက်နှင့် အမျိုးသမီး ၃ ယောက်ကို ထိန်းသိမ်းခဲ့ပြီး လောင်းကစားပစ္စည်းများကိုလည်း သိမ်းဆည်းရမိခဲ့ကြောင်း ပူးပေါင်းအဖွဲ့ကပြောသည်။
ဖမ်းဆီးမှုသည် ကိုရိုနာဗိုင်းရပ်စ်ကူးစက်မှုကို ထိန်းချုပ်ရန် အရေးပေါ်အမိန့်အရ ခရိုင်အုပ်ချုပ်ရေးအဖွဲ့ကထုတ်ပြန်ထားသည့် လူစုလူဝေးလုပ်ဆောင်မှု ပိတ်ပင်ခြင်းဆန့်ကျင်မှုဆိုင်ရာ စည်းရုံးလှုံ့ဆော်မှု၏ တစိတ်တပိုင်းဖြစ်ကြောင်း ပူးပေါင်းအဖွဲ့ကိုဥိးဆောင်ခဲ့သည့် ရဲမှူးကြီး ဗီရော့ တက်ဆိုကပြောသည်။
ထိုရွှေ့ပြောင်းလုပ်သား ၁၂ ယောက်ကို ဘန်ဖီရဲစခန်းသို့လွှဲပြောင်းပေးပြီး တရားဥပဒေအရ လုပ်ထုံးလုပ်နည်းများ ဆက်လက်ဆောင်ရွက်နေသည်။