BGF ခေါင်းဆောင်များကို ဖမ်း၀ရမ်းထုတ်ရေး သက်သေမလုံလောက်သေးဟု ထိုင်း DSI ဆုံးဖြတ်
မဲခေါင်၊ ဖေဖော်ဝါရီ ၁၃
မြ၀တီကျားဖြန်လုပ်ငန်းများနှင့် လူမှောင်ခိုကူးပြီး အဓမ္မခိုင်းစေခြင်းများအတွက် မြ၀တီမြို့ကို ထိန်းချုပ်ထား သော ကရင်နယ်ခြားစောင့်တပ် BGF ခေါင်းဆောင် စောချစ်သူ၊ မုတ်သုန်နှင့် တင်ဝင်းတို့ကို ဖမ်း၀ရမ်းထုတ်ရန် ထိုင်းအထူးစံစမ်းစစ်ဆေးရေးဌာန (DSI) ထံသို့ သက်သေများနှင့် အချက်အလက်များတင်ပြထားသည်ဟု ထိုင်း ဒုဝန်ကြီးချုပ် ဗက်ချာရာချိုင်က ဖေဖော်ဝါရီ ၁၁ ရက်တွင် မီဒီယာအင်တာဗျူး၌ ဖွင့်ပြောခဲ့သော်လည်း ၀ရမ်း ထုတ်ရန် သက်သေမလုံလောက်သေးကြောင်း DSI ဘက်မှ ဆုံးဖြတ်ခဲ့သည်။
အဆိုပါ လူမှောင်ခိုကူးမှုနှင့်ပတ်သက်သည့် တင်ပြမှုမှာ ၂၀၂၂ မေ ၁၅ ရက်မှ ဩဂုတ် ၁၃ ရက်အတွင်း အိန္ဒိယနိုင်ငံသား ၈ ယောက်ကို ထိုင်းမှ တစ်ဆင့် မြ၀တီရှိ Heng Seng Resort and Casino ဝန်းရှိရာသို့ လူမှောင်ခို ကူးခြင်းကွန်ရက်ဖြစ်ရာ ၂၀၁၇ ခုနှစ်က BGF ခေါင်းဆောင် စောချစ်သူသည် အဆိုပါ Heng Seng Resort and Casino လုပ်ကွက်ကို မြေငှားရမ်းခဲ့သူဖြစ်သော်လည်း လူမှောင်ခိုကူးမှုနှင့်ပတ်သက်သည့် အထောက်အထား တွင် ပတ်သက်မှုမှာ လုံလောက်သော သက်သေမရှိသဖြင့် ၀ရမ်းမထုတ်နိုင်ဟ DSI မှ ဖေဖော်ဝါရီ ၁၂ ရက် ညပိုင်း ထုတ်ပြန်ခဲ့ခြင်းဖြစ်သည်။
လူမှောင်ခို ကူးခံရသော အိန္ဒိယနိုင်ငံသား ၈ ယောက်ထဲတွင် မစ္စတာဂျာဗက်အဗာဝက်စ်လီဆိုသူ ပါဝင်ပြီး ထို ၈ ယောက်ကို ထိုင်းနိင်ငံသို့ တယ်လီမာကက်တင်းအလုပ် လုပ်ရန်ဖိတ်ခေါ်ခဲ့သူမှာ ပါကစ္စတန်နိုင်ငံသား အမျိုးသမီး ပွဲစား မစ္စဆာရာ (နောက်နာမည် မသိရ)နှင့် မစ္စတာ အက်ဒွပ် (နောက်နာမည်မသိရ) တို့ဖြစ်သည်။
ဓားစာခံများ သည် ထိုင်းနိုင်ငံ ဒွန်မောင်းလေဆိပ်သို့ လေယာဉ်ဖြင့် ရောက်ရှိလာကြပြီး ထိုမှတစ်ဆင့် မဲဆောက်သို့ ကားဖြင့် ခေါ်ဆောင်ခံရပြီးမှ သောင်ရင်းမြစ်ကို ဖြတ်ကျော်ပြီး Heng Seng Resort and Casino သို့ လူမှောင်ခို ကူးခံရ ခြင်းဖြစ်သည်။
Heng Seng သို့ရောက်ရှိပြီးနောက် ကိုယ်ထိလက်ရောက်နှိပ်စက်ခြင်း၊ လျှပ်စစ်ကျဉ်စက်ဖြင့် နှိပ်စက်ခြင်း၊ သောခတ်လှောင်ပိတ်ခြင်းများဖြင့် နှိပ်စက်ပြီးနောက် အွန်လိုင်းငွေလိမ် ကျားဖြန်လုပ်ငန်းကို လုပ် ကိုင်စေပြီး မိသားစုများထံမှ ပြန်ပေးငွေ ပို့ပေးမှ လွတ်မြောက် လာခဲ့ခြင်းဖြစ်သည်ဟု အမှုလိုက် မှတ်တမ်းများ အရ သိရှိရသည်။
ထိုင်းစုံစမ်းစစ်ဆေးရေးဌာန၏ စစ်ဆေးမှုမှတ်တမ်းတွင် မစ္စတာ အက်ဒွပ်(နာမည်ရင်းမသိရ)နှင့် တရုတ်နိုင်ငံသား မစ္စတာ Xia Xiang De တို့က အိန္ဒိယနိုင်ငံသား ၈ ယောက်ကို အဓမ္မ အနိုင်ကျင့် အလုပ်စေခိုင်းသည်ဟု သိရကာ မာရှယ်ကျွန်းနိုင်ငံသားလည်းဖြစ် တရုတ်နိုင်ငံသားဟုလည်း သိရသော မစ္စတာ Martin Q.Y. Zhang နှင့် ထိုင်းတွင် Heng Seng Trading Company Limited ကို ပိုင်ဆိုင်ထားသူ ထိုင်းနိုင်ငံသား တစ်ဦးတို့သည် Heng Seng Resort and Casino ကို ပူးတွဲပိုင်ဆိုင်ထားသူများဖြစ်ကာ အဆိုပါ ထိုင်းနိုင်ငံသားပိုင်ရှင်က အိန္ဒိယသား ၈ ယောက်ကို မြ၀တီသို့ ပို့ဆောင်ပေးခဲ့သူဖြစ်သည်ဟု အမှုတွဲတွင် ဖော်ပြထားသည်။
ထို့ကြောင့် BGF ခေါင်းဆောင် များ ထိုအမှုတွဲအတွက် ဖမ်း၀ရမ်းထုတ်ရန်မှာ သက်သေလုံလောက်ခြင်းမရှိသေးသဖြင့် နောက်ထပ် ခိုင်လုံသည့် သက်သေများ လိုအပ်သည်ဟုဆိုကာ DSI က ၀ရမ်းမထုတ်နိုင်သေးဟု တုံ့ပြန်ခဲ့ခြင်းဖြစ်သည်။
၎င်းတို့ကို ဖမ်း၀ရမ်းထုတ်ရန် ထိုင်းဘက်မှ စီစဉ်နေသည်ဆိုသော သတင်းများနှင့်ပတ်သက်ပြီး စောချစ်သူကိုယ် တိုင်က DVB နှင့် ဖုန်းဆက်သွယ်ဖြေကြားမှုတွင် မိမိအနေဖြင့် ထိုင်းဘက်ကို အကူအညီများစွာ ပေးခဲ့သူဖြစ်ကာ မည်သည့်အတွက်ကြောင့် မိမိကို ဖမ်း၀ရမ်းထုတ်ချင်သည်ဟု ဆိုနေခြင်းအတွက် သိချင်သည်ဟု ဆိုသည်။
မိမိတို့မည်သူ့ ကိုမျှ လာခဲ့ပါဟု မခေါ်ဘဲ အားလုံး မည်သည့်နေရာမှာ ကူးလာသည်ကို အသိဖြစ်ကြောင်း၊ မည်သူမျှ မိုးပေါ်မှ ကျလာခြင်းမဟုတ်ဟုဆိုကာ ထိုင်းအာဏာပိုင်များကို ပြန်လည် မေးခွန်းထုတ်အပြီး ယခုလို ဖမ်း၀ရမ်း မထုတ် နိုင်သေးဟု ဆုံးဖြတ်ချက် ထွက်လာခြင်းဖြစ်သည်။
Ref:Khaosod
ကိုကလင်း
#MeKongNews
