မဲခေါင်၊ ဖေဖော်ဝါရီ ၁၆
ထိုင်းနိုင်ငံ၊ ဖစ်စနူလော့ခရိုင် အုပ်ချုပ်ရေးမှူးရုံးက လောင်းကစားစွဲနေတဲ့ အစိုးရစာရင်းကိုင်အမျိုးသမီးဟာ ဘတ် ၄၄ သန်းအလွဲသုံးစားလုပ်ခဲ့တာကြောင့် ဖမ်းဆီးခဲ့တယ်လို့ ဖေဖော်ဝါရီ ၁၄ ရက်မှာ ထုတ်ပြန်ပါတယ်။
အသက် ၃၉ နှစ်ရှိပြီဖြစ်တဲ့ ချာရာဖာအမည်ရ အစိုးရဝန်ထမ်း စာရင်းကိုင်ဟာ ဝမ်ဖောင်ခရိုင်အုပ်ချုပ်ရေးမှူးရုံးက စာရင်းကိုင်ဝန်ထမ်းဖြစ်ပြီး သူတို့ရုံးဘဏ်စာရင်းထဲက ဘတ် ၄၄ ဒဿမ ၄ သန်းပျောက်ဆုံးသွားမှုနဲ့ ဖမ်းဆီးအမှုဖွင့်တာ ဖြစ်တယ်လို့ ဝမ်ဖောင်မြို့တော်ဝန် မာဟာဆတ်က မီဒီယာတွေကို ရှင်းလင်းပြောကြားခဲ့ပါတယ်။
ဘဏ်ရဲ့ ငွေလွှဲမှုတွေ စုံစမ်းတဲ့အခါ ချာယာဖာဟာ အစိုးရငွေတွေကို သူ့ဘဏ်စာရင်းထဲ လျှို့ဝှက်လွှဲပြောင်းပေးခဲ့တာ အတိအကျအားဖြင့် ဘတ် ၄၄ သန်း ၃သိန်း ၈သောင်း ၅ထောင် ၄ရာ ၅၀ ဖြစ်တယ်လို့ ဆိုပါတယ်။
ဒီငွေတွေကို တစ်ခါတည်း လွှဲခဲ့တာမဟုတ်ဘဲ ၂၀၂၀ ဒီဇင်ဘာ ၂၄ ရက်ကနေ ၂၀၂၃ ဖေဖော်ဝါရီ ၄ ရက်နေ့ကြားအတွင်း ၁၃၂ ကြိမ်လွှဲခဲ့ကြောင်း၊ စစ်ဆေးမှုမှာ ဘတ် ၂ သန်းက လောင်းကစားရှုံး၊ ဘတ် ၅ သန်းက သူငယ်ချင်းတစ်ယောက်ကို ပေးလိုက်ပြီး ကျန်ငွေတွေက နေ့စဉ်သုံးအဖြစ် သုံးလိုက်တာလို့ ဝန်ခံခဲ့ကြောင်း သိရပါတယ်။
ချာရာဖာဟာ အခါအားလျှော်စွာ ဘဏ်စာရင်းထဲ ခိုးထားတဲ့ငွေတွေကို ပြန်ဖြည့်ခဲ့ပေမယ့် လောင်းကစားရှုံးတာနဲ့ သုံးပစ်လိုက်ပြီလို့ ပြောဆိုမှုကို ရှေ့နေတွေက မယုံကြည်ဘဲ ရနိုင်သမျှ ငွေအားလုံးပြန်ရဖို့ ဆွေးမျိုးနီးစပ်တွေကိုပါ စုံစမ်းရှာဖွေဖို့ စီစဉ်နေကြောင်းလည်း သိရပါတယ်။
MKF – 001
Ref: thethaiger