လက်ရှိပဋိညာဉ်ပြင်ဆင်ရေးလုပ်ငန်းစဉ်များတွင် ထိုင်းတော်ဝင်အဖွဲအစည်းများကို မထိမတိုဘဲထားရန် လွှတ်တော်အမတ်များကို ထိုင်းဝန်ကြီးချုပ် ပရာရွတ် ချန်အိုချာက သတိပေးသည်။
အစိုးရအဖွဲရွေ့လျားအစည်းအဝေးတွင် ပြောဆိုခြင်းဖြစ်ကြောင်း အစည်းအဝေးရှိသတင်းရင်းမြစ်များက ပြောသည်။
ပြည်သူများ၏ဖွဲစည်းပုံအခြေခံဥပဒေတရပ်ဖြစ်စေရန် အင်္ဂါနေ့က ပဋိညာဉ်ပြင်ဆင်ရေး လွှတ်တော်တွင်းဆွေးနွေးမှုများအကြောင်း ပရာရွတ်ကို အကျဉ်းချုပ်အစီရင်ခံခဲ့သည်။
ဗုဒ္ဓဟူးနေ့တွင် ထိုပြင်ဆင်ချက်ကို လက်ခံခြင်းရှိ၊ မရှိ ထိုင်းလွှတ်တော်က ဆုံးဖြတ်မ ည်ဖြစ်သည်။
“ နိုင်ငံ၊ ဘာသာနဲ့ ဘုရင်စနစ်က အခုအတိုင်းကျန်ရှိနေရမှာဖြစ်တယ်။ တော်ဝင်အဖွဲအစည်းတွေထိခိုက်မယ့်နည်းလမ်းတွေကို လွှတ်တော်အမတ်တွေက လုပ်ရမှာမဟုတ်ဘူး” ဟု ပရာရွတ်ကပြောသည်ဆိုကာ သတင်းရင်းမြစ်တယောက်ကပြောသည်။
ဥပဒေကြမ်းအပေါ် မဲခွဲဆုံးဖြတ်ရာတွင် အာဏာရ PPRPပါတီမှ အမတ်များအနေဖြင့် ပါတီတွင်းဆုံးဖြတ်ချက်များအတိုင်း လိုက်နာရမည်ဖြစ်ကြောင်းလည်း ပရာရွတ်က တိုက်တွန်းသည်။
ထိုဥပဒေကြမ်းသည် ၂၀၁၇ ခုနှစ်၊ ထိုင်းဖွဲစည်းပုံအခြေခံဥပဒေကို အဓိကအချက် ၆ ချက်တွင် ပြုပြင်ပြောင်းလဲရန်စီစဉ်ထားသည်။
ထိုဥပဒေသည် ယခုဖျက်သိမ်းလိုက်ပြီဖြစ်သော ထိုင်းအာဏာသိမ်းစစ်တပ်အသွင်ပြောင်း အမျိုးသားငြိမ်းချမ်းရေးနှင့်ငြိမ်ဝပ်ပိပြားရေးကောင်စီ (NCPO) ၏ လက်အောက်ခံဖြစ်သော အထက်လွှတ်တော်ကို ဖျက်သိမ်းရန်၊ အစိုးရ၏လုပ်ဆောင်မှုများကို စေ့စေ့စပ်စပ်စစ်ဆေးရန် လွှတ်တော်အမတ်များနှင့်အတိုက်အခံများကို အခွင့်ပိုပေးရန်လည်း ကြိုးပမ်းနေသည်။
