မဲခေါင်၊ ဖေဖော်ဝါရီ ၂
၂၀၂၃ ခုနှစ် အာဆီယံအလှည့်ကျဥက္ကဌနေရာ ရထားတဲ့ အင်ဒိုနီးရှားနိုင်ငံဟာ သူတို့ဥက္ကဌ သက်တမ်းအတွင်း ပြုလုပ်တဲ့ ပထမဆုံး အစည်းအဝေးကို ဖော်ဖော်ဝါရီ ၃ ရက်နဲ့ ၄ ရက်နေ့တွေမှာ ဂျာကာတာမှာကျင်းပသွားမှာဖြစ်ပါတယ်။
အာဆီယံနိုင်ငံခြားရေးဝန်ကြီးများအစည်းအဝေးကို တက်ရောက်ဖို့အတွက် မြန်မာဘက်က စစ်ကောင်စီကို နိုင်ငံရေးကိုယ်စားမပြုတဲ့ ကိုယ်စားလှယ်သာ တက်ရောက်ဖို့ ဒီတကြိမ်မှာလည်း သတ်မှတ်ခဲ့ပါတယ်။
အာဆီယံဟာ စစ်ကောင်စီ ကိုယ်စားလှယ်တွေကို အာဏာသိမ်းပြီးနောက် အစည်းအဝေးတက် ရောက်ခွင့်ပိတ်ခဲ့ပြီး နိုင်ငံရေးကိုယ်စားမပြုသူ တက်ရောက်ခွင့်ရှိတယ်ဆိုတဲ့ ဖိတ်ကြားမှုတွေကိုလည်း စစ်ကောင်စီဘက်က တစ်ကြိမ်မှ လက်မခံခဲ့ဘဲ တက်ရောက်ခဲ့ခြင်း မရှိပါဘူး။
၃၂ ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးကျင်းပမယ့်အခြေအနေကို အင်ဒိုနီးရှား နိုင်ငံခြားရေးဝန်ကြီး ရတ်နိုမာဆူဒီ က ဂျာကာတာ National Resilience Institute မှာ ဖေဖော်ဝါရီ ၁ ရက်ကလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။
မြန်မာနိုင်ငံက အာဆီယံအဖွဲ့ဝင်နိုင်ငံထဲမှာ ရှိနေသေးပြီး အစည်းအဝေးစားပွဲမှာ နေရာတစ်နေရာ စီစဥ်ပေးထားပါတယ်၊ ဖိတ်ကြားမှုမှာ နိုင်ငံရေးကိုယ်စားမပြုတဲ့ ကိုယ်စားလှယ်ကိုသာ ဖိတ်ကြားခဲ့တာဖြစ်ပြီး ကျန်ခဲ့တဲ့ ၂ နှစ် လုံးမှာ မြန်မာဘက်က ကိုယ်စားလှယ်စေလွှတ်ခြင်း မရှိတဲ့အကြောင်း အင်ဒိုနီးရှား နိုင်ငံခြားရေးဝန်ကြီး ရတ်နိုက ပြောကြားခဲ့ပါတယ်။
MKF-001
#အာဆီယံအစည်းအဝေး
#အင်ဒိုနီးရှား
#စစ်ကောင်စီ
#Mekongnews
Ref: jakartaglobe